၁.၅.၆။ ဟိုတ်မထေက်ကဵုလလမ်ကၠေံပန်စှော်ပိသာ်
၅၄။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ် မသုန်ပြကာဂှ် ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ၊ (ခမဳဂှ် သ္ပအ္စာဥပဇ္ၛာယ်တုဲ) ဟွံပကဵုပယျၚ်ရ၊ ဟွံကဵုနိဿယရ၊ ဟွံကဵုသာမဏဳကၠောန်ၜိုတ်ရ၊ ဟွံသာယျေန်သ္ဍိုက်မၠိုက် ပွမသၟိတ်ပတိုန် သွက်ဂွံဒၠောံဗတောန်ခမဳဗြဴဂမၠိုၚ်၊ ၜိုန်ကလိဂွံသၟိတ်လေဝ် ဟွံဒၠောံဗတောန်ခမဳဗြဴဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (၅)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာသအာၚ်လဝ် ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (ခမဳဂှ်) ဟွံအာစိုပ်အာပတ် ဒှ်ဟိုတ်သၚ်သ္ပ ဥက္ခေပနဳယကမ် ဟိုတ်ပွမဟွံမၠာ်သ္ၚေဝ်အာပတ်ရ၊ အာပတ်သအာၚ်တၠုၚ်လအာတုပ်ကဵုဂှ်ကဵုဒှ် အာပတ်ယုတ်မာ ကြံၚ်မ္ၚုဟ်လောန်လတူဂှ်ကဵုဒှ် ဟွံအာစိုရ၊ ဟွံဟီုဂရိုဟ်ကမ်ရ၊ ဟွံဟီုဂရိုဟ် ခမဳသ္ပကမ်ဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ် မသုန်ပြကာဝွံ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (၁၀)
ယွံခမဳတအ် ကုခမဳ မဍိုက်ပေၚ်တဴကေုာံအၚ်္ဂဂမၠိုၚ်မသုန်ပြကာသအာၚ်လေဝ် ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (ခမဳဂှ်) ဟွံသာယျေန်ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမသ္ပရှေ်သှေ်ရဴဂဴ ပွမလးကဵုသၞာ ခမဳပကတတ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (၁၅)
ယွံခမဳတအ် ကုခမဳမဍိုက်ပေၚ်တဴကေုာံအၚ်္ဂဂမၠိုၚ်မသုန်ပြကာသအာၚ်လေဝ် ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (ခမဳဂှ်) ဟွံသာယျေန်ပွမလးကဵုသၞာသတိက် ဍာ်ကြဴဇိုၚ် ဂတဵုကြာတ်ဇိုၚ် ကဝေက်ပေါတ်ဇိုၚ် ပွမဟောဝ်ဂိုၚ်ကေတ် ဗဗေၚ်သ္ၚာ ပ္ဍဲအရာဟုံဍာ် ပွမတုဟ်ပေါတ်မိဟ် ပ္ဍဲစၞိန်စး ခမဳပကတတ်ရ။ ယွံခမဳတအ် ကုခမဳမဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (၂၀)
ယွံခမဳတအ် ကုခမဳ မဍိုက်ပေၚ်တဴကေုာံအၚ်္ဂဂမၠိုၚ်မသုန်ပြကာသအာၚ်လေဝ် ဒးကဵုလလမ်ကၠေံ ဥက္ခေပနဳယကမ် မသ္ပလဝ်ဟိုတ်ပွမဟွံမၠာ်သ္ၚေဝ်အာပတ်ရ။ (ခမဳဂှ်) ဟွံစောတ်စောဲခမဳပကတတ် နပွမသဳလလီုလာ်ရ၊ ဟွံစောတ်စောဲ နပွမဒ္ဂေတ်လီုလာ်ရ၊ ဟွံစောတ်စောဲ နပွမကွေတ်လီုလာ်ရ၊ ဟွံစောတ်စောဲ နပွမဂယိုၚ်လမျီုလီုလာ်ရ၊ ဟွံသ္ပညံၚ်ခမဳ ရၚ်သကအ် ဂွံပါ်ဒကးရ ‘ဗျဵုအလက်အကြာရ’။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (၂၅)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာသအာၚ်လေဝ် ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (ခမဳဂှ်) ဟွံပကၚ်ရၚ်ယာတ် မဒှ်ဇၞောဝ်အလာံခရှ်ဂမၠိုၚ်ရ၊ ဟွံပကၚ်ရၚ်ယာတ် မဒှ်ဇၞောဝ်အလာံတဳဂမၠိုၚ်ရ၊ ဟွံသိပ်ဂၠိပ်နိဿယ်ဗ္ဒာဲကဵုတဳဂမၠိုၚ်ရ၊ သိပ်ဂၠိပ်နိဿယ်ဗ္ဒာဲကဵုခမဳဂမၠိုၚ်ရ၊ ဒ္ဂေတ်လ္ၚတ် ပ္ဍဲဒ္ဂေတ်ဝတ်ခမဳရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (၃၀)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာသအာၚ်လေဝ် ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (ခမဳဂှ်) ဟွံပဒတဴမွဲစွံကေုာံခမဳပကတတ် ပ္ဍဲဘာမၞုံကဵုကၟဳမွဲဓဝ်ရ၊ ဟွံပဒတဴ ပ္ဍဲမပတမ်ဇြပ်တာန်ဆံၚ် မၞုံကဵုကၟဳမွဲဓဝ်ရ၊ ဟွံပဒတဴ ပ္ဍဲဘာကီု ပ္ဍဲမ္ၚးဘာကီု ဟွံချုက်ချာဲ ခမဳပကတတ်ရ။ ယွံခမဳတအ် ကုခမဳမဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (၃၅)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ဒ္စါံပြကာ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (ခမဳဂှ်) ဟွံတန်ဒေါံဥပေါသ် ခမဳပကတတ်ရ၊ ဟွံတန်ဒေါံ ပဝါရဏာရ၊ ဟွံသ္ပ ပွမဒၠောံဗတောန်ရ၊ ဟွံဂိုၚ်ကေတ်အရာ ဇၞော်သကိုပ်သကရ၊ ဟွံအာတ်အခေါၚ်ရ၊ ဟွံစောဒနာရ၊ ဟွံကဵုဗှ်ဗၞုဟ်ရ၊ ဟွံကဵုစိုန်သကီုနှဴရဴ ကေုာံခမဳပကတတ်ဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ဒ္စါံပြကာဝွံ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ။ (၄၃)
✤ ပ္ဍဲဥက္ခေပနဳယကမ် မဂပ်ဝ်သ္ပ ဟိုတ်ပွမဟွံမၠာ်သ္ၚေဝ်အာပတ် ဟိုတ်မထေက်ကဵုလလမ်ကၠေံပန်စှော်ပိသာ် တုဲရ။ ✤
၅၅။ ယွံခမဳတအ် ရဴဝွံ ဒးကဵုလလမ်ရ။ ယွံခမဳတအ် ခမဳဆန္နဂှ် ပြာပ်အာဇရေၚ်သၚ်တုဲ လၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ် လ္ၚောဝ်ဒၠးဇိုၚ် ခမဳဇၞော်ဂမၠိုၚ်တုဲ ဂဇအ်ဒၟံၚ်ဗွဲလံက်ဂဇုန် သီုမပၚ်ပတိုန်ခၠအ်သၟိပ်တဲဂှ် “ယွံတဳလပိုဉ်တအ် အဲဍိက် သၚ်မသ္ပလဝ် ဥက္ခေပနဳယကမ် ဟိုတ်ပွမဟွံမၠာ်သ္ၚေဝ်အာပတ်ဂှ် ဒ္ဂေတ်တဴ ဗွဲမဒးရးရ၊ ဖျေံကၠေံတသော်မာန်ရ ‘မာန်စှေ်’ ရ၊ ဒ္ဂေတ်တဴ ဒ္ဂေတ်ဝတ် ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ” ရဴဝွံ ဒးဂရၚ်ပတီရ။ မရနုက်ကဵုၜါဝါလေဝ် ဒးအာတ်အခေါၚ်ရ။ မရနုက်ကဵုပိဝါလေဝ် ဒးအာတ်အခေါၚ်ရ။
ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ―
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဆန္န သၚ်မသ္ပလဝ် ဥက္ခေပနဳယကမ် ဟိုတ်ပွမဟွံမၠာ်သ္ၚေဝ်အာပတ်ဝွံ ဒ္ဂေတ်တဴ ဗွဲမဒးရးရ၊ ဖျေံကၠေံ တသော်မာန်ရ ‘မာန်စှေ်’ ရ၊ ဒ္ဂေတ်တဴ ဒ္ဂေတ်ဝတ်ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ၊ ကမ်မၞုံကဵုအခိၚ်မဗဗွဲ ကုသၚ်ယဝ်ဒှ်မ္ဂး၊ သၚ်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ် ကုခမဳဆန္နရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဆန္န သၚ်မသ္ပလဝ် ဥက္ခေပနဳယကမ် ဟိုတ်ပွမဟွံမၠာ်သ္ၚေဝ်အာပတ်ဝွံ ဒ္ဂေတ်တဴ ဗွဲမဒးရးရ၊ ဖျေံကၠေံ တသော်မာန်ရ ‘မာန်စှေ်’ ရ၊ ဒ္ဂေတ်တဴ ဒ္ဂေတ်ဝတ်ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ၊ သၚ်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ် ကုခမဳဆန္နရ၊ ယြဴကုတဳလပိုဉ်မွဲ သ္ဍိုက်မၠိုက် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ် ကုခမဳဆန္နရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵု ၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဆန္န သၚ်မသ္ပလဝ် ဥက္ခေပနဳယကမ် ဟိုတ်ပွမဟွံမၠာ်သ္ၚေဝ်အာပတ်ဝွံ ဒ္ဂေတ်တဴ ဗွဲမဒးရးရ၊ ဖျေံကၠေံ တသော်မာန်ရ ‘မာန်စှေ်’ ရ၊ ဒ္ဂေတ်တဴ ဒ္ဂေတ်ဝတ်ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ်ရ၊ သၚ်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ် ကုခမဳဆန္နရ၊ ယြဴကုတဳလပိုဉ်မွဲ သ္ဍိုက်မၠိုက် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ် ကုခမဳဆန္နရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ်ဂပ်ဝ်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံမၠာ်သ္ၚေဝ်အာပတ် ကုခမဳဆန္နတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ဂ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
❀ ဥက္ခေပနဳယကမ် မဂပ်ဝ်သ္ပ ဟိုတ်ပွမဟွံမၠာ်သ္ၚေဝ်အာပတ် ပဉ္စမတုဲရ။ ❀
