سنتين يا ناس عدّوا

سنتين يا ناس عدّوا

م القتل ما اترحموش

لو م الرصاص عدّوا

م الجوع مبيعدوش

صعبوا على الأجنبي

وعلينا ما صعبوش

واللي ف أرض النبي

دفعوا ولا انكسفوش

وانت ياللي

انت ياللي يا سكللي

بالقرش دافي من غير عرق

حاربت إمتى ف أي حته

غير الخميرة والمَرَق

من جيبي عايش بالأونطة

وتاجرت بالخوف والقلق

ادفع يا اما تبقى سوريا

ده فيلم هندي واتحرق

والخوف

الخوف ولا يبني بلاد

ولا يبررلك وجود

دا المسرحية هيا هيا

من عهد فرعون والنمرود

والناس دي هتفك الكباري

والمباني والوعود

تبيعها خرده وتنستر

ولا يوم تجوع لاجل اليهود

محمد سلامه