كيفية التسجيل على موقع التدريب

1- الواجهة الرئيسية لموقع التدريب

الشكل الموضح بأعلى هو الواجهة الرئيسية لموقع إدارة التدريب وهو مكون من الروابط التالية:

ماقبل صورة الجامعة  

1- الرئيسية

2- دخول مسئول

وده خاص بموظفي ادارة التدريب فقط.

3- من نحن

وده بالضغط عليه هتدخل علي أبلكيشن ادارة التدريب هيكون فيه كل حاجه خاصة بالتدريب.

4- اتصل بنا

وده فيه ارقام تليفوناتنا وعنواننا

ــــــــــــــــــــــــــــــــــــــــــــــــــــــــــــ

ما بعد صورة الجامعة

1- التسجيل بالموقع

أول حاجة هتعملها أنك هتدخل علي هذا الرابط علشان تسجل بياناتك وده هيكون لمرة واحدة فقط وبعد كده مش هتحتاج تدخله تانى.

2- الدورات التدريبية 

وده اللي هتبدأ تستخدمه بعد كده لو عايز تسجل في اي دورة تدريبية من الدورات المتاحة واللي بنعلن عنها علي صفحاتنا (تابع الاعلانات).

3- ورش المقررات الدراسية 

وده لو عايز تحجز في اي ورشة (سكشن) من الورش المتاحة واللي بنعلن عنها علي صفحاتنا (تابع الاعلانات).

4- التحول الرقمي

وده لو عايز تحجز في دورات التحول الرقمي..غير مفعل

2- خطوة تسجيل البيانات

الشكل الموضح بأسفل هو شكل الاستمارة اللي مطلوب منك انك تملئها بالكامل بالبيانات الصحيحة الخاصة بك وخلي بالك انك لازم تكتب الرقم القومى الخاص بك ( 14  رقم ) وده هيبقي الباسورد بتاعك اللي هتدخل به بعد كده كل مره علي الموقع لما تحب تحجز في دورة او ورشة.

خلي بالك ان الخطوة ده هتعملها مرة واحدة بس وبعد كده انت مش محتاج تدخل علي رابط تسجيل البيانات تاني يعنى لو عايز تحجز دورة يبقي هتدخل علي رابط حجز الدورات التدريبية مباشرة ولو عايز تحجز ورشة تدريبية يبقي هتدخل علي رابط حجز الورش التدريبية مباشرة.

ابدأ في تسجيل بياناتك 👇

أول اجراء هتعمله انك هتضغط علي  رابط التسجيل بالموقع  وتبدأ تسجل بياناتك علي موقع التدريب وده هيكون لمرة واحدة فقط وبعد كده مش هتحتاج تدخل الرابط ده تانى.
ياريت تخلي بالك وانت بتكتب البيانات من بعض الأمور المهمة مثل :
1- لازم تكتب وتملأ جدول البيانات بشكل دقيق وهي :
- الاسم يكون بالكامل زي البطاقة.
- الرقم القومي (14 رقم) وخلي بالك ان ده هيكون الباسوورد بتاعك بعد كده.
- رقم التليفون.
- رقم الواتساب.
- اختر حالتك من بين الاختيارات الثلاثة الموجوده وهي:
  1- طالب بالمركز ( واكتب رقم تسجيلك)
   2- خريج بالمركز ( واكتب رقم تسجيلك)
   3- متدرب من الخارج

2- انك تكتب الارقام بالانجليزي مش بالعربي
3- اكتب الإيميل الخاص بك ولو مش عندك ايميل اكتب اي حاجه في الخانه الخاصة به وبلاش تسيبها فاضية يعني ممكن مثلاً تكتب رمز الإيميل  @ وخلاص.

3- ما بعد خطوة تسجيل البيانات

الشكل الموضح بأعلى هو الشكل اللي هيظهر لك بعد كده في كل مرة بتدخل فيها علي:
👈 رابط حجز دورة تدريبية
أو
👈 رابط حجز ورشة تدريبية

خلي بالك ان في اختيارين هيظهروا لك دائماً :

      الاختيار الاول ◄  تسجيل لاول مرة

وده لو انت كنت لسه ماسجلتش بياناتك أو لسه زائر جديد واول مرة تدخل فيها علي الموقع ... ياريت طبعاً تكون سجلت بياناتك وأنهيت الخطوة الخاصة بتسجيل البيانات.

      الاختيار الثانى ◄  تم التسجيل من قبل

وده هتضغط عليه لو انت سجلت بالفعل بياناتك قبل كده ولما تضغط عليه هيظهر لك خانه هتكتب فيها الرقم القومى الخاص بك (14 رقم) واللي انت سجلته قبل كده طبعاً وبشكل صحيح وده هيكون الباسوورد بتاعك ثم اضغط علي زر أذهب - كما بالشكل التالي:

4- رابط حجز الورش التدريبية

لو انت كنت داخل علي رابط حجز ورشة تدريبية الشكل الموضح بأعلى هو ده الشكل اللي هيظهر لك بعد كتابة الرقم القومى والضغط علي زر أذهب وفيه هتبدأ تختار:

1 - اسم الكلية اللي انت مسجل بها

2 - الفصل الدراسي اللي انت مسجل به

3 - المادة اللي انت عايز تحجز بها ورشة او سكشن

4 - اسم الورشة التدريبية .

بعد كدة دوس علي زر " اضغط لتأكيد الحجز "

هيظهر لك - كما هو موضح بالشكل التالي - بيانات الورشة اللي انت حجزت بها وكود الدفع بفوري للورشة ده وحضرتك طبعاً هتكتب الكود ده وتروح لاقرب مكان بيقدم خدمة فوري وتسدد قيمة الورشة وبكده تبقي حجزت وسددت كمان وناقص انك تنتظرنا لما نبلغك بموعد انعقاد الورشة اوالدورة.

5- رابط حجز الدورات التدريبية

لو انت كنت داخل علي رابط حجز دورات تدريبية الشكل الموضح بأعلى هو ده الشكل اللي هيظهر لك بعد كتابة الرقم القومى والضغط علي زر أذهب وفيه هتبدأ تختار:

1 - اسم الدورة التدريبية اللي محتاج تحضرها

2 - ركز وانت بتختار الدورة اللي هتحجز فيها لان ممكن يكون في دورة حضوري وممكن يكون في دورة اونلاين

بعد كدة دوس علي زر " اضغط لتأكيد الحجز "

هيظهر لك - كما هو موضح بالشكل التالي - بيانات الدورة اللي انت حجزت بها وكود الدفع بفوري للدورة ده وحضرتك طبعاً هتكتب الكود ده وتروح لاقرب مكان بيقدم خدمة فوري وتسدد قيمة الدورة وبكده تبقي حجزت وسددت كمان وناقص انك تنتظرنا لما نبلغك بموعد انعقاد الدورة وده هيكون من خلال جروب الدورة علي الواتساب.

دفتر الملاحظات

ملحوظة مهمة :