بسم الله الرحمن الرحيم والحمدلله رب العالمين ، به نبدأ ونستعين والصلاة والسلام علي اشرف خلق الله اجمعين سيدنا محمد وعلى آله وصحبه وسلم .
عائلة MF ؛ الاخوة والزملاء الكرام تحية طيبة لكم جميعاً 🌹
اقدم لكم قوانين وتوجيهات ونظام المنظمة لتثبيت اساس المنظمة ، حفظ حقوق الاعضاء ، صون مبدأ المنظمه ، حفظ النظام والترابط واستكمال مشوار النجاح وتحقيق الافضل .
في كل الاحوال هي لعبة وما يمنع يكون في دليل ارشادي دستور الناس ترجع ليهو مستقبلاً اذا حصلت اي مشاكل او حيرة في تنفيذ اي قرار .
دليل واسع وشامل للقادة التاليين للسمو واستكمال رحلة الانجازات .
معاً عائلة متكاتفة متعاونة اصيلة جوهرها اكبر من مجرد زملاء في لعبة 🌹 .
- يسري القانون علي جميع المجالات متى ما وجد الخطء
- تم سن الدستور بم هو متزن من عقوبات ولوائح وانظمة
- المخاطبة باللغة العربية الفصحى والدارجية معاً لشرح اوضح وفهم اسهل وتوصيل للمعلومة بصورة افضل .
ب - التنمية البشرية :
#حفظ حقوق الاعضاء وحفظ النظام ولوائح التحفظ .
- الاخلاق :
* يا اخوانا دي نقطة ما محتاجين نتناقش فيها ابداً ، كل شخص بيمثل نفسه وبأسلوبه بيعكس اخلاقه ؛ كلنا في اللعبة اخوان وعادي جداً الخلافات تحصل بس نكون اوعى وما نخليها تكبر ، من الصعب تبني منزل بس من السهل تهد عمارة ، كلماتي ليكم ما تخلوا اسباب صغيرة وتافهة تخرب عشرتكم مع بعض وتمحي الذكريات الجميلة القضيتوها والحتقضوها ان شاء الله .
* اي وافد جديد للمنظمه اياً يكن ديماً ما تخلوه يحس بانه زول غريب ، ماف زول بيخش المنظمه دي ساي ، كونك خشيت المنظمه دي معناها انت مع اسرتك ، وكل الاحترام للاعضاء القدامى .
* من الطبيعي يجي زول جديد لكن يشغل خانة او يكون ذو دور فعال في المنظمه وينصب عليه الاهتمام اكتر من زول قاعد قديم في المنظمه من تاسيسه فممنوع الاشتباك والحساسيات الزايدة والضغائن .
* عندك اي مشكلة مع اي عضو ترجع لمسؤول الشؤون الداخلية او واحد من القادة المساعدين ممنوع منع بات تخلص حقك بيدك .
* ممنوع زول يتعدى علي حق زول او يقلل من مقامه ، ممنوع السخرية والهظار الكتير اي كانت اشكاله .
* الالتزام بفعاليات المنظمه الصادرة من الادارة بصورة رسمية دائماً .
* احترام آراء البعض والنقاش في اطار الموضوع المعين ببراهين وحقائق داعمة للنقاط ويمنع استخدام اللغة الجارحة .
* لما يكون زملانك في المنظمه لاعبين او عندهم فعاليات ديماً حاولوا اقيفوا معاهم شجعوهم هم محتاجين دعمكم النفسي والمعنوي بشتى صوره ، مثلا فلان وفلان لاعبين اسكريم كلان كذا الليلة امشوا احضرو اللايف شجعوهم اكيد حيأثر فيهم كتير . ( اكيد لمن استطاع ولا حرج علي المشغولين ) مسألة ذوقية وبتعني الكثير .
* يمنع منع بات الدخول في تحديات مع المنظمات الاخرى بدون موافقة الادارة ( ما بتشمل علاقات الصداقة والاخوة ) .
* يمنع منع بات الغش وفي حال اكتشاف حالة الغش من احد اعضاء المنظمه حيتعرض للطرد بلا نقاش ( حتى ولو كان من مؤسسي المنظمه! )
* مشاكل الاعضاء الشخصية يجب الا تدخل في توجيهات المنظمه( اي شكاوي شخصية يتم استلامها من قبل قسم الرقابة والشؤون المجتمعية) .
> منصات المنظمه :