Школа медыякампетэнцый

Дарагія калегі!

Наша Школа працавала 11-16 ліпеня ў ваколіцах Варшавы.

Удзел у ёй бралі прадстаўнікі беларускіх ініцыятываў з Грузіі, Літвы, Польшчы і Даніі, зацікаўленыя ў развіцці ўласных медыякампетэнцый, неабходных для прасоўвання дзейнасці сваіх ініцыятываў.

Чаму мы вучыліся у час Школы:

Хто праводзіЎ заняткі Школы?

Вітаўт Руднік

Медыяэксперт, адзін са стваральнікаў гарадзенскай Школы журналістыкі, галоўны трэнер МедыяШколы Акадэміі Дойчэ Вэлле (Германія) ва Узбекістане.

Працаваў журналістам, рэдактарам і медыяменеджэрам у друкаваных і онлайн-выданнях, на тэлебачанні і радыё.

Спецыялізуецца на навучанні карыстання інструмантамі візуалізацыі.

Лана Руднік

Экспертка ў сферы камунікацыі і сувязяў з грамадскасцю. Працавала ў гэтай ролі для вялікай колькасці беларускіх і міжнародных арганізацый. 

Кіраўніца Міжнароднага фонда развіцця адукацыі дарослых (IFAE).

Адна з аўтарак праграмы PRodvizhenie, якая з поспехам рэалізоўвалася ў Беларусі ў 2018-2020 гг.

Дзяніс Васількоў

Медыйшчык, падкасцер ды СММшчык. 

Любіць камунікацыі ды дапамагае палюбіць іх іншым:).

Досвед працы ад газет і парталаў, да тэлебачання. 

Зараз працуе як незалежны кансультант ды трэнер.


Аляксей Шота

Журналіст, медыяэксперт, трэнер. 

Галоўны рэдактар мясцовага выдання Hrodna.life. 

Супрацоўнічаў з шэрагам медыяў, у тым ліку парталам TUT.BY і польскім грамадскім тэлебачаннем TVP.

Так праходзілі нашыя заняткі

Водгукі

Сапраўды карысная інфа, якая дапаможа ў працы. Такія веды каштуюць дорага!


Школа была арганізавана на вышэйшым узроўні, ад выбару кандыдатаў, месца правядзення, да самога канцэпту і галоўнае выбару ментараў. Школа не была тыповай капіркай шаблонных трэнінгаў і ў гэтым яе галоўная карысьць.


Мы атрымалі стос працоўных інструментаў і ўменняў імі карыстацца. Дзякуй за курс. Тэматыка падабраная так, што ўсё патрэбнае.


Цалкам мне ўсё спадабалася, але хацелася больш стратэгічных тэмаў закрануць. Пры тым, я разумею абмежаванні часам, і неабходнасць вывучэння інструментаў у тым ліку. Але хацелася б напрыклад яшчэ адной сэссіі па асновах стратэгіі.


Я атрымала шмат новых практычных ведаў.


Праграма школы была вельмі добра падрыхтавана. Было ахоплена шмат розных тэмаў. Добры баланс тэорыі і практычнай часткі. Цудоўныя трэнеры. Вельмі ангажаваныя ўдзельнікі школы. Мне вельмі спадабалася, што мы жылі за горадам. Супер-ідэя з сакрэтным сябрам/сяброўкай.


Почти вся информация для меня была новой, так что 10.


Самая полезная из школ, где я была. Разобралась в PR, раньше мало в этом понимала, как работают соцсети, получила ответы на вопросы по безопасности в сети, узнала о разных полезных инструментах.


Шмат карыснай інфармацыі, вельмі спадабалася нязмушанае выкарыстанне энерджайзераў і іншых метадаў актывізацыі.


Асабіста для меня добра зайшлы тэмы піара, эксплэйнераў і працы са штучным інтэлектам, але цалкам кожная новая тэма была адчынена для меня з новага боку.


Было карыснае ўсё, самае - вывучэнне інструментаў (усіх, я нічога не ведала) і інсайты пра працу з журналістамі (як пісаць, што казаць і чаго не казаць).


Я ўжо пачала ствараць кантэнт, выкарыстоўваючы новыя інструменты і веды.


Вы робіце цудоўныя натхняльныя рэчы, вялікі вам дзякуй за ўпартасць, прафесіяналізм і прыклад любові да сваёй працы!


Арганізатары Школы

Міжнародны фонд развіцця адукацыі дарослых (IFAE) сумесна з Партнёрствам BYNGO.

Фонд быў заснаваны вясной 2023 г. у Варшаве беларускімі журналістамі і адукатарамі з вялікім досведам працы ў галіне медыяадукацыі, а таксама арганізацыйнага развіцця грамадскіх ініцыятываў. 

Калі ў вас ёсць пытанні - пішыце па адрасе: foundation.edulife@gmail.com