PANALANGIN SA PAGIGING BUKAS PALAD

Panginoon, turuan Mo ako maging bukas-palad

Turuan Mo akong maglingkod sa Iyo

Na magbigay nang ayon sa nararapat

Na walang hinihintay mula sa 'Yo

Nang makibakang di inaalintana

Mga hirap na dinaranas

Sa tuwina'y magsumikap na hindi humahanap

Ng kapalit na kaginhawaan

Na 'di naghihintay kundi ang aking mabatid

Na ang loob Mo'y siyang sinusundan