Embedded Files
¡Reentámate y llucha!
11 d'ochobre de 2025
Redautáu por Jorge Díaz López-Sastre
La fola de solidaridá col puebru palestín sigui creciendo en toda España, y Llión-León nun ye una esceición. Decenas d'establecimientos y servicios de la ciudá xuniéronse nos últimos días a la campaña impulsada pola Plataforma Llión col puebru palestín, que busca visibilizar el xenocidiu que sufre la población de Gaza y espresar públicamente'l refugu a la violencia exercida pol Gobiernu israelín.
La iniciativa, inspirada nel movimientu surdíu en redes sociales col lema “Esti establecimientu condena'l xenocidiu en Gaza”, enllenó los establecimientos de la ciudá de cartelos con esa mesma frase, que yá s'esiben en cafeteríes, llibreríes, estudios d'arte, comercios de barriu y centros sociales de la capital llionesa.
El cartel, creáu originalmente pol ilustrador Artur Galocha y espublizáu pol coleutivu artistasconpalestina, convirtióse nún símbolu de denuncia y solidaridá que trespasó l'ámbitu dixital pa llegar los escaparates de decenas de ciudaes.
Dende la Plataforma Llión col puebru palestín tenemos bien claro qu'esta adhesión colecuiva da voz al sufrimientu del puebru palestín y amuesa cumo Llión nun permanez indiferente frente'l xenocidiu. Cada cartel n'una puerta ye un berru contra la impunidá y una llamada a la conciencia coleutiva.
Ente los locales que yá sumaronse figuran cafeterías del cascu antigu, llibrerías independientes, asociaciones culturales y tiendas de comerciu xustu, amás d'espacios autogestionados que dende meses participan en concentraciones y actividaes de sofitu a Palestina entamaes na ciudá.
La campaña llionesa enmárcase nún movimientu más ampliu que estendióse por todu l'Estáu español —con presencia en comunidaes como Catalunya, Euskadi, Galicia o Andalucía— y que busca, a traviés del arte y l'acción cotidiana, caltener viva la denuncia énte una situación que Naciones Xunías califica de “catastrófica”, faciendo que Llión pueda sentise argullosa de tar ente todas esas ciudaes de las que, argullosas, cuelgan esos cartelos nos sos chigres.
La Plataforma Llión col puebru palestín, integrada por distintos coleutivos sociales, sindicales y estudiantiles, va siguir nas próximas selmanas entamando actos informativos y concentraciones.
Queremos que Llión siga siendo una ciudá solidaria, que nun mire escontra outru lláu mientras miles de vidas palestinas son aniquilas con total impunidá.
Page updated
Google Sites
Report abuse