El sumud del puebru palestín

8 de setiembre de 2025

Redautáu por Modesto Blanco Sánchez

Tornáu por Jorge Díaz López-Sastre

N’estos días la Flotilla Global Sumud, compuesta por numerosos barcos de deillos países, navega pol mediterráneu rumbo Gaza cola intención de romper el broqueu illegal israelí y llevar sofitu humanitariu la pobración gazatí, sometida dende fai 23 meses a bombardeos cotidianos qu’asesinaron decenas de miles de personas y destruyeron los suos medios de vida, asina cumo un broqueu criminal que condena la indigencia, la enfermedá y la fame.

Dende qu’Israel inició en 2007 el broqueu de la Franxa de Gaza por tierra, mar y sieru, darréu de la vitoria ellectoral d’Hamás nas ellecciones llegislativas palestinas, la sociedad civil internacional organizó munchas flotillas de llibertá, cuasi todas ellas interceptadas por Israel, n’ocasiones con resultáu tráxicu, cumo en 2010, cuandu la Marina israelí atacó n’auguas internacionales el barco turco Mavi Marmara y asesinó 10 de los suos tripulantes.

Ante la pasividá y complicidá de los gobiernos occidentales col xenocidiu, somos el puebru, la ciudadanía, quienes organizámonos ca vez más pa tratar de frenar la barbarie, mediante las flotillas de la llibertá, el broqueo de la Vuelta a España, el boicot sobru los productos israelíes y de empresas colaboradoras col xenocidiu y con tantas otras formas de protesta cumo la imaxinación puede poner en marcha. L’actual flotilla solidaria lleva’l nome de sumud, pallabra árabe que significa constante ou acontinarante, autitudes que definen la resistencia del puebru palestín ante la ocupación colonial sionista, tantu hestóricamente, dende finales del sigru XIX cumo na actualidá, dende fai más de 700 días, ou lo lluengu de cuasi dos años de xenocidiu planificáu.

L’autual xenocidiu, declaráu asina incluso por organizaciones humanitarias israelíes cumo B’Tselem y Médicos por los Derechos Humanos de Israel, ye la fase terminal del proyeutu colonial sionista sobru palestina, cuyu envís ye erradicar la población autóctona, por eliminación física ou expulsión, pa sustituila por colonos xudíos venidos dende cualquier llugar del mundu y establecer en toda Palestina un Estáu nacional xudíu étnicamente puru, col menor númeru posible de personas palestinas viviendo nél.

En Gaza el plan parece próximu a la su culminación: más de 65.000 personas asesinadas, 16.000 desaparecidas, 160.000 heridas, casi todas las infraestructuras destrozás, 50 millones de toneladas d’escombros y 500.000 personas en riesgo inminente de morir por fame: ya son centenares las fallecidas y el su númeru aumenta cada día. Y lo qu’Israel ofrece las dos millones de personas qu’entavía malviven na Franxa ye un campu de concentración xuntu la frontera exipcia (“ciudá humanitaria” na neollingua orwelliana israelí), no que podráse entrar peru nun salir si nun ye hacia l’exiliu n’outros países. Según el diseñu de los grandes poderes mundiales, na “Riviera d’Oriente Mediu” trumpiana nun hay llugar pa las palestinas y palestinos, peru tampocu en Cisxordania aú, ensin acanzar el nivel de xenocidiu, Israel continúa una limpieza étnica qu’alcanzó los suos momentos álxidos cola Nakba de 1948-1949 (750.000 expulsados) y la Naksa de 1967 (300.000 expulsados).

Col sofitu del exércitu, los colonos xudíos apalïan los pobladores de las aldeas palestinas, incendian ou derriban las suas casas, talan olivos y arrasan las suas cosechas pa conseguir que marchense y poder ocupar las suas tierras. Dende que formose l’autual gobiernu de Netanyahu (avientu 2022) Israel expropió 2.600 hectáreas de tierra palestina. Esti año 2025 la operación “Muru de fierru” escontra varios campamentos de refuxiados del norte de Cisxordania, sofitá pola Autoridá Palestina, expulsó 40.000 personas ensin posibilidá de retornu.

Los sionistas mesiánicos qu’apuntalaban el gobiernu de Netanyahu nun falan de Cisxordania, sinon de Xudea y Samaria, los territorios bíblicos que costituyen el corazón de la “Tierra d’Israel”, otorgá por Yavé a Abraham y la sua descendencia. Los suos títulos de propiedad son irrebatibles (tan escritos na Biblia) y sólu renunciarán a ellos si oblígase-yes.

El problema ye qu’en Cisxordania viven más de 3 millones de palestinas y palestinos. Si Israel nun anexionó antes los territorios palestinos ocupáos nun ye porque acate las resoluciones del dereitu intencional, que viola constantemente, sinon porque nun quiere incorporar no su Estáu a 5 millones de personas que, sumadas a las dos millones que viven nas fronteras anteriores a 1967, alterarían la composición demográfica d’Israel y pondrían en cuestión el carácter xudío del su Estáu. En consecuencia, l’Estáu colonial adopta una estratexia d’exclusión, inspirá nos “bantustantes” del réximen racista surafricano del apartheid, ratificá polos infames Acuerdos d’Oslo de los años 90 y aceptá por una Autoridad Nacional Palestina vendida los intereses d’Israel y de las potencias imperialistas que crearon y sostienen el réximen sionista: el 60% del territorio de Cisxordania quedó baxo’l control direutu d’Israel, mientras que sólo’l 40% restante, framentáu n’islotes incomunicáos aú vive’l 85% de la población palestina, dispone d’aldún tipu d’autonomía, limitá pola ocupación militar israelí. Peru incluso estu paréce-yes demasiáu los sionistas relixiosos y supremacistas xudíos de los que depende Netanyahu. El ministro de Finanzas (Smotrich) fizo púbricu un plan pol qu’Israel anexionará’l 82% de toda Cisxordania, deixando un exiguo territoriu pa 6 reservas indíxenas nas que concentrar la población palestina.

Frente estu, los nuesos líderes políticos occidentales, avergoñaos pola sua inacción y las terribles escenas de masacre y hambruna, embaraxan la posibilidá de reconocer al Estáu palestín cumo forma de presión sobru Israel, mientras siguen axustando con él y emprestándo-ye’l sofitu militar y diplomáticu necesariu pa que siga fuliminando al puebru palestín. Peru, ¿qué Estáu van reconocer, 165 cachos de tierra palestina aisllaos y corralaes polos controles militares del exércitu sionista, qu'entra nellos al so antoxu? La simple reconocencia d'un Estáu palestín ficticiu nun va parar el xenocidiu nin va acabar cola ocupación colonial. Los estrumentos efectivos que la Unión Europea tendría d'utilizar son la revocación del alcuerdu comercial preferente con Israel, l'embargu total d'armas y la routura de relaciones diplomátiquas.

Ye precisu que la comunidá internacional reaccione ya imponga l'altu'l fueu inmediato, el desbloquéu de las fronteras de Gaza por que pueda entrar l'ayuda humanitaria, la retirada del exércitu israelí de tolos territorios ocupaos y l'aplicación de tolos resolvimientos del derechu internacional, dende la torna de los seis millones de persones palestines refuxaes fasta l'esmantelamientu de les colonies xudíes en tierres palestines ya inclusive la detención de Netanyahu como criminal de guerra.

La “solución de los dos Estaos” ye invidable. La realidá de Palestina ye un solu Estáu, supremacista xudíu y terrorista, qu'ocupa illegalmente tol territoriu y marxina, arrequexa, fulimina y espulsa a las personas nun xudías, a las que priva de los sos dereitos humanos fundamentales. Esti Estáu anacrónicu, racista ya imperialista, que nació na guerra y namás puede caltenese por mediu de la guerra ye'l que tien de sumir por que por fin pueda realizase l'autodeterminación nacional palestina, retardada durante casi un sigru: xuna Palestina llibre dende'l ríu (Xordán) fasta'l mar (Mediterráneu) con igualdá de dereitos pa tolas personas al marxe de la so identidá étnica o relixosa. Como dicía Edward Said: palestinos y xudíos tienen d'aprender a convivir nel territoriu onde l'aportar históricu xuntó-yes.

La capacidá de sumud del puebru palestín, reivindicá pola flotilla, dexó-ye aguantar la ocupación, enferronase a la supervivencia y a la llucha polos sos lexítimos dereitos, calteniendo l'aspiración a una Palestina llibre de colonialismu y apartheid. Pero pa consiguilo precisa'l sofitu de los puebros llibres del mundu. La presión internacional contribuyó a la desapaición del réxime supremacista blancu en Suráfrica y va ayudar tamién a la desapaición del réxime supremacista xudíu d'Israel. A esi oxetivu tenemos d'apurrir el nuesu granu d'arena tolas personas qu'amamos la llibertá y la igualdá y trescalamos ente las inxusticias. El puebru palestín y tolos puebros primíos del mundu tienen dereitu a vivir en dignidá.