Корзун Іван Аляксандравіч

Нарадзіўся 11 верасня 1927 г. у в. Валосавічы Кіраўскага раёна.У 1944 г. быў прызваны ў рады Савецкай Арміі.

З 15 снежня 1944 г. па 25 красавіка 1945 г. ваяваў супраць нямецка-фашысцкіх захопнікаў на Заходнім фронце, 1-м Беларускім. Быў наводчыкам, потым камандзірам гарматы. Баі ў 1944 г. былі жорсткія. Асабіста разлік Івана Аляксандравіча вывеў са строю тры танкі.

Страшна было напачатку, дый сябры падтрымлівалі: узбекі, кіргізы, казахі, якуты… Усіх вайна паяднала. А потым – Японія. Раптоўна знялі і адправілі на Квантунскую дывізію, на смяротнікаў. Але і з імі справіліся.

З красавіка 1945 г. служыў на Усходнім фронце ў Манголіі. У 1952 г. быў дэмабілізаваны. Узнагароджаны ордэнам Айчыннай вайны, медалямі «За перамогу над Германіяй у Вялікай Айчыннай вайне 1941-1945 гг.», «За перамогу над Японіяй».

У час службы на Усходзе, у Чыце, Іван Аляксадравіч закончыў курсы радыё-кінамеханікаў, якія спатрэбіліся ў мірным жыцці. 36 год адпрацаваў Корзун І. М. у сферы культуры: старшым кінамеханікам, потым дырэктарам раённай кінасеткі. Ён і цяпер часты госць у аддзеле культуры райвыканкама – выступае перад моладдзю.