Малахаў Іван Фёдаравіч

Нарадзіўся 29 студзеня 1919 года ў вёсцы Хадулы Шклоўскага раёна Магілёўскай вобласці. У 1939 годзе быў прызваны на воінскую службу, папаў служыць у Заходнюю Украіну. Там жа і сустрэў пачатак вайны. Маладых салдат расфарміравалі і Малахаў быў мабілізаваны ў 187 полк 44 дэвізію.

Абараняючы Станіслаўскую вобласць, І. Ф. Малахаў прыняў баявое хрышчэнне. Многа тады загінула маладых байцоў, а яму пашчасціла застацца ў жывых. Але гэта была страшэнная вайна, і ніхто не ведаў, чаго чакаць уперадзе. Сілы з ворагам былі няроўныя. У адным з баёў каля мястэчка Вінніца група савецкіх салдат, у тым ліку і радавы Малахаў, папала ў палон. Пачалося невыноснае рабства ў ворага.

Не перадаць той радасці, якую адчулі ваеннапалонныя, калі іх у 1945 годзе вызвалілі савецкія войскі.

Іван Фёдаравіч з падарваным здароўем пасля палону вярнуўся ў родную вёску. У 1946 годзе ажаніўся на Ніне Сцяпанаўне, якой таксама прыйшлося прайсці шмат выпрабаванняў у той страшэнны час. Ніна Сцяпанаўна ў 1943 годзе папала пад аблаву карательнага атрада і была вывезена ў Германію на катаржныя работы.

Запісала бібліятэкар Зарэчанскай сельскай бібліятэкі Краўчанка А. А.