"KOMPLAENS QADAǴALAW" korrupciyaǵa qarsı gúresiw bólimi

      Qaraqalpaqstan medicina institutı "Komplaens qadaǵalaw" korrupciyaǵa qarsı gúresiw bólimi iskerligi dawamında, institut oqıw procesi yaki klinikada  korrupciyalıq jaǵdaylardıń aldın alıwı, mápler soqlıǵısıwı kibi jaǵdaylardı boldırmaw maqsetinde bólimniń isenim telefon nomeri, (+61-222-84-02) telegram múrájaat botı (@kkmi_antikorrupciya_bot) hám bólim qaniygeleri belsendi iskerlik alıp barmaqta. Instituttıń jámi 7 imáratında "Ádillik qutısha"ları ornatılǵan. Barlıq múrájatlar múrájaatshınıń iltimasına bola shaxsı sır saqlanıp (anonim)  nızam sheńberinde mámleket qorǵawına alınıw kepillenedi.

mápler soqlıǵısıwı - shaxstıń jeke (tikkeley yamasa tikkeley emes) mápdarlıǵı onıń óz lawazımlıq yamasa xızmet wazıypaların tiyisli dárejede orınlawına tásir kórsetip atırǵan yamasa tásir kórsetiwi múmkin bolǵan hámde jeke mápdarlıq penen puqaralardıń, shólkemlerdiń, jámiettiń yamasa mámlekettiń huqıqları, nızamlı mápleri arasında qarama-qarsılıq júzege kelip atırǵan (bar mápler soqlıǵısıwı) yamasa júzege keliwi múmkin bolǵan (múmkin bolǵan mápler soqlıǵısıwı) jaǵday;

mápler soqlıǵısıwın tártipke salıw boyınsha arnawlı bólim (bunnan bılay tekstte arnawlı bólim dep júrgiziledi) - mámleketlik uyımlardıń yamasa basqa da shólkemlerdiń korrupciyaǵa qarsı ishki qadaǵalaw bólimleri (hám) yamasa kadrlar bólimleri;

jeke mápdarlıq - mámleketlik uyımnıń yamasa basqa shólkemniń xızmetkeri yamasa onıń menen baylanıslı shaxslar usı xızmetker tárepinen tikkeley yamasa tikkeley emes qarar qabıl etiliwi yamasa xızmetkerdiń usı processte basqasha tárizde qatnasıwı nátiyjesinde alıwı múmkin bolǵan hár qanday payda yamasa abzallıq;

jaqın tuwısqanlar - ata-analar, aǵa-ini, apa-sińliler, ullar, qızlar, erli-zayıplar, sonday-aq erli-zayıplılardıń ata-anaları, aǵa-ini, apa-sińliler hám perzentleri.

Mámleketlik uyım yamasa basqa shólkem xızmetkeri mápler soqlıǵısıwı menen baylanıslı qatnasıqlardı tártipke salıwda:

arnawlı bólimge másláhát sorap múrájat etiw;

itimallı mápler soqlıǵısıwı haqqındaǵı deklaraciyada kórsetiliwi kerek bolǵan maǵlıwmatlardan tısqarı qosımsha maǵlıwmatlardı elektron yamasa jazba túrde usınıw huqıqına ie.

Mámleketlik uyımnıń yamasa basqa shólkemniń xızmetkeri:

óziniń lawazım minnetlemelerin yamasa xızmet wákilliklerin hújdanlı orınlawı hám olardıń orınlanıwına tásir etetuǵın yamasa tásir etiwi múmkin bolǵan óziniń jeke mápleri menen baylanıslı hár qanday háreketlerden ózin tıyıwı;

lawazım minnetlemelerin yaki xızmet wákilliklerin orınlaw waqtında mápler soqlıǵısıwına alıp keletuǵın yamasa alıp keliwi múmkin bolǵan jeke mápdarlıqqa jol qoymawı;

bar mápler soqlıǵısıwı júzege kelgen jaǵdayda, óz is júrgiziwindegi hújjetler boyınsha qarar qabıl etiliwinen aldın óziniń tikkeley basshısın (shólkem basshısı - joqarı turıwshı basshını) yamasa arnawlı bólimsheni xabardar etiwi;

óziniń tikkeley boysınıwındaǵı xızmetkerlerdi yamasa basqa da xızmetkerlerdi tikkeley yamasa tikkeley emes óziniń jeke máplerin gózleytuǵın háreketlerge (hárekecizlikke) májbúrlemewi;

ózi miynet (xızmet) jumısın ámelge asırıp atırǵan mámleketlik uyım yamasa basqa da shólkem qadaǵalawındaǵı shólkemnen yamasa onıń strukturalıq bólimshesinen jumısqa qabıl etiw haqqında usınıslar kelip túskenligi jaǵdayı haqqında bir jumıs kúni ishinde xabar beriwi;

basqa xızmetkerlerge salıstırǵanda ózine belgili bolǵan mápler soqlıǵısıwı jaǵdayları haqqında xabar beriwi;

itimallı mápler soqlıǵısıwın tártipke salıw maqsetinde arnawlı bólimsheniń sorawına bola maǵlıwmatlar usınıwı shárt.

Mámleketlik uyımnıń yamasa basqa shólkemniń xızmetkeri nızamshılıqqa muwapıq basqa huqıqlarǵa ie bolıwı hám onıń moynında basqa minnetlemeler de bolıwı múmkin.