小考成績 (加分項目)參加比賽登記
國賽台語朗讀徵稿(5/1~6/30) 教育部台語認證 教典 信望愛台語客語輸入法 ChhoeTaigi 國賽朗讀文章文稿佮聲音檔(真平)
作業1 200字（至少）自我介紹（期限：3/20）
作業1連結
至少200字（音節），全漢字/漢羅/全羅馬字攏會使
作業2 台語kha̋ng-páng（期限：4/17）
作業2連結
Tī民間，台語ê使用真普遍，m̄-koh教育體制用華語、華文，致使民間若beh用台語來表達ê時，寫法真無一致。
至少翕一張相片，上濟莫超過5張，內容包括相片（希望檔案大細至少1MB以上，建議傳去Dropbox抑是Google Drive頂面，設分享，交作業ê時提供連結）、相片頂面寫ê台文、正確ê寫法(漢字)、正確ê寫法(台羅)、翕相ê所在
若是直接掠網路頂面ê圖片來交作業，會予老師退件
若交超過一張，請你家己增加筆數，每一張就是一筆資料
作業3 故事仿寫（期限：4/25）
作業3連結
請選影片內底其中一个人物，用第一人稱來寫
會當以影片內底其中一段抑是全部做範圍來寫，描寫電影放送出來ê情節，抑是這个人ê心內話攏會使
至少300字，漢羅抑是全羅馬字lóng會使
作業4 700字文章 （到時愛投稿參加教育部台語朗讀文章徵選）（第一階段期限：5/8）
作業4連結
題目自訂，內容袂使翻譯/改寫別人ê文章
無包括題目，文章篇幅限定tī 700 到 750 字（包含標點符號，請用Word字數統計算字數，若是有羅馬字，羅馬字1音節算1字）
請家己填寫文章ê字數
老師會簡單檢查，到時請修改錯字抑是語法m̄著ê所在
所有ê作品攏愛投稿，日後若是有入選會有稿費1200箍，明年國賽選手有可能讀著你ê文章
請你用徵稿網站提供ê Word檔案來投稿，並且轉做PDF，koh用徵稿網站提供ê Excel檔案寫作者ê相關資料
投稿ê期限是6/12，寄ê時陣，正本寄 koksailongthok@gmail.com ，副本寄予老師 ungian@ntcu.edu.tw，主旨寫國賽朗讀文章投稿-XXX (XXX是你ê名)，附件包括Word、PDF佮Excel檔案
老師若有收著，會kā你回覆，表示這个作業已經完成
已經交ê同學：
猶未交ê同學：
作業5 家族序大訪談（期限：6/1）
上好是頂兩沿ê序大（就是阿公、阿媽彼輩），至少1000字，附訪談相片（相片檔案請khǹg tī線頂，權限設所有ê人會當檢視，作業內底附相片ê連結）。建議內容愛包括：
受訪者基本資料（名姓、佮你ê關係、佗位人、蹛過ê所在、讀過ê學校、食過ê頭路、其他ê經歷、家族故事），一寡資料，若會當用簡單ê年表記事mā會使。
受訪者ê人生中，較大項ê代誌抑是受訪者感覺較值得講ê代誌。
會使問受訪者對台灣近現代ê較大ê事件，是m̄是有親身參與抑是身邊ê序大、朋友發生ê （包括南洋戰爭、二二八、白色恐怖、823炮戰、石油危機、美麗島事件、社會抗爭、做大水、大地動、...等等）
訪談後你家己ê心得