Whārikihia
Whārikihia e hine tō aroha mai tawhiti e
Hei ara haere māku ki a koe
I te pō, i te whiti o te marama e
Kia taunga anō tāua e
E wero nei te aroha e
Whārikihia e hine tō aroha mai i mamao
Hei whakamahana i taku moe
E rere nei tāua ki a tāua e
Kia rere tahi ai e
E wero nei te aroha e
Whārikihia e hine tō aroha mai tawhiti e
E toro mai ō ringa kia pā mai ki ōku
E awhi nei tāua e, kia moe tahi ai e
E wero nei te aroha e
Ahakoa rā te uaua o te haere
Te taumaha o te mahi
Te rangirua o āku whakaaro
Te marangai o te rangi
Te makariri, te mahana ā waho
Tau tonu au i a koe
E wero nei te aroha e