Tirama Mai
Tīrama mai tō ātaahua
Kia rite tonu ki te pounamu e
He wahine o whiti
Ko koe ko Rongomaiwahine-e-e
E noho mai koe, e hine
Ki te rohe o Te Māhia e
Tūpato rā, e hine
Ko koe! - Rongomaiwahine-e-e
Minamina mai rā, e tama e
Ki te toa nei o Kahungunu
E mate ana koe mai i a wai?
Auē taukuri ko Rongomai e-e-e
Tihei winiwini, tihei wanawana
Tihei oriori ana e
Nā te pāua raru āna
Tihei ko Rongomaiwahine-e-e