Kaore te Aroha Mohukihuhi Ana

Kaore te aroha mohukihuki ana

Te panga mai kei ahau,

Me he ahi e toro,

Kei Hukanui e Moka

Tenei ka tata mai,

Kei tohu mai, e Kiri,

Kei te au, ko te moe,

Kei te mata tu tonu,

I te roa o te po

Kai toro puku ai

Te aroha i ahau.

E kore ra e puakina,

Kei rangona e te tini,

Te putanga ki waho ra,

Ka tohu, aku mata.

Nga parae ka takoto,

Ki Tauwhare ra ia,

Ko te ara tonu ia

I whanatu ai au

Kia uru tomokia,

Te whare o Rawhirawhi.

Kei riri, e whae

He nui parahaere,

Mau ano te tinana,

Maku te atu

O te tapara kau atu, e, e, e!