ఏకదంతం మహాకాయం తప్తకాంచనసన్నిభమ్ |

లంబోదరం విశాలాక్షం వందేఽహం గణనాయకమ్ || ౧ ||

మౌంజీ కృష్ణాజినధరం నాగయజ్ఞోపవీతినమ్ |

బాలేందుశకలం మౌళౌ వందేఽహం గణనాయకమ్ || ౨ ||

చిత్రరత్నవిచిత్రాంగచిత్రమాలావిభూషితమ్ |

కామరూపధరం దేవం వందేఽహం గణనాయకమ్ || ౩ ||

గజవక్త్రం సురశ్రేష్ఠం కర్ణచామరభూషితమ్ |

పాశాంకుశధరం దేవం వందేఽహం గణనాయకమ్ || ౪ ||

మూషకోత్తమమారుహ్య దేవాసురమహాహవే |

యోద్ధుకామం మహావీర్యం వందేఽహం గణనాయకమ్ || ౫ ||

యక్షకిన్నరగంధర్వసిద్ధవిద్యాధరైస్సదా |

స్తూయమానం మహాబాహుం వందేఽహం గణనాయకమ్ || ౬ ||

అంబికాహృదయానందం మాతృభిఃపరివేష్టితమ్ |

భక్తప్రియం మదోన్మత్తం వందేఽహం గణనాయకమ్ || ౭ ||

సర్వవిఘ్నకరం దేవం సర్వవిఘ్నవివర్జితమ్ |

సర్వసిద్ధిప్రదాతారం వందేఽహం గణనాయకమ్ || ౮ ||

గణాష్టకమిదం పుణ్యం యః పఠేత్సతతం నరః |

సిద్ధ్యంతి సర్వకార్యాణి విద్యావాన్ ధనవాన్ భవేత్ || ౯ ||