(term and conditions)

Jagdish travels company ki service ka use karne se pahle kripya niche diye Gaye rules and condition Dhyan se padh len.

Hamari service ka upyog karne per aap ine sabhi sharton se sahmat Mane jaenge.

1️⃣ Booking se sambandhit niyam

Sabhi booking phone call WhatsApp website app ya office ke madhyam se accept ki jaati Hain. Booking advance payment milane ke bad hi confirm Mani jayegi. Bina advance wali booking ko company kabhi bhi cancel karne ka Adhikar rakhti hai. Booking ki date time address aur vehicle type customer dwara Sahi dena anivarya hai.

2️⃣ Kiraya (Fare) se sambandhit niyam 

Kiraya vehicle ke type, distance, time, aur Ac/non AC per aadharit hoga.

Minimum charge lagu rahega chahe distance kam ho.

Toll tax, parking, State Tax, aur driver Allowance, kiray me samil nhi honge jab tak pahle Se Tay na Kiya gaya ho.

Ac vehicle mein ac on/off ka decision driver ya company ke rules ke anusar hoga.

3️⃣ Payment se sambandhit niyam

Payment Cash, UPI, Bank transfer ya online payment ke madhyam se accept Kiya jayega.

Yatra Puri hone se pahle pura payment karna anivarya hai Kisi bhi prakar ka bakaya hone per vehicle roka Ja sakta hai.

4️⃣ Cancellation se sambandhit niyam

Yatra se 24 ghante pahle cancel karne per partical refund mil sakta hai.

Yatra se 24 ghante ke andar cancel karne per advance amount refund nahin hoga.

Yatra shuru hone ke bad cancel karne per Koi refund nahin diya jaega.

5️⃣ Refund se sambandhit niyam

Refund usi payment mod Se Kiya jaega jisse payment ki Gai Ho.

Refund process mein 5 - 7 working days lag sakte hain.

Technical ya Bank delay ke liye company jimmedaar nahin hogi.

6️⃣ Trip se sambandhit niyam

Yatra ki distance office to office ya Tay kiye Gaye rul ke anusar Mani jayegi.

Vehicle mein kisi bhi prakar ka nashila padarth avaidh saman ya hathiyar lekar Jana Mana Hai.

Vehicle mein todfod ya gandgi karne per jurmana liya Ja sakta hai.

7️⃣ Driver aur safety rules

Driver company ke rul ke anusar Hi Kam Karega.

Driver ke sath badtamiji गाली-गलौज ya maarpeet ki sthiti mein trip turant cancel ki Ja sakti hai.

Yatriyon ki personal safety unki apni khud ki jimmedari hogi.

8️⃣ Delay and breakdown

Traffic Mausam kharab sadak ki sthiti ya technical problem ke Karan Hui delay ke liye company jimmedaar nahin hogi vehicle kharab hone per alternate vehicle Dene ka prayas Kiya jaega lekin yah anivarya nahin hoga.

9️⃣ Luggage se sambandhit niyam

Yatri Apne Saman ki Suraksha ke liye khud jimmedaar honge khoe yah nuksan hue Saman ki jimmedari company ki nahin hogi

🔟 Legal rights

Kisi bhi vivad ki sthiti mein Hardoi Uttar Pradesh jurisdication lagu hoga.

Company Bina Kisi purv suchna ke rules and condition mein badlav kar sakti hai

1️⃣1️⃣ Vehicle speed limit extra condition.

Jagdish travels company ki sabhi gadiyan 80 KM/H  Se jyada speed per nahin chalai jaayengi.

Yatriyon ki Suraksha hamari pahli priority hai isliye driver ko Tej raftar Se Kar chalane ke liye majbur Na Karen.

Road Mausam Ya sarkari niyamon ke anusar jarurat padane per speed 80 KM/H se kam bhi Rakhi Ja sakti hai.

Customer dwara jyada speed ki demand karne per bhi driver aur company Apne rules ka palan karegi

📞 Contact Details 

Jagdish travels company - Hardoi

📱 WhatsApp/9795066269