В Беларуси запущен проект «Кожная пятнiца – роднае, сваё!», направленный на повышение культуры потребления, продвижение отечественных товаров, популяризацию их качества, разнообразия белорусских блюд, красоты родного языка.

Каждую пятницу (и не только) белорусам предлагается покупать белорусские продукты, носить одежду белорусских производителей, слушать белорусскую музыку, читать и разговаривать на белорусском языке и делиться этим в соцсетях под хэштегами #ДеньРодногоСвоего или #ДзеньРоднагаСвайго. Особое внимание уделяется формированию культуры потребления и продвижению белорусских традиций.

13.02.2026

Філіял «Ноўкінская сельская бібліятэка» і дзіцячы калектыў «Клякса» пад кіраўніцтвам Камінскай Д.А. запрасілі ўсіх жадаючых у захапляльнае падарожжа па старонках кніг У.І. Ягоўдзіка «Зачараванне беларускай прыроды». Удзельнікі не толькі пазнаёміліся з дзіўнай флорай і фаўнай Беларусі, але і актыўна правялі час: разгадвалі загадкі, адказвалі на пытанні віктарын і адкрывалі для сябе новыя грані роднай зямлі.

Філіял «Ноўкінская сельская бібліятэка»

Філіял «Вымнянская сельская бібліятэка» правяла літаратурнае падарожжа «Скарбы Радзімы, або чароўны свет кніг У.І. Ягоўдзік». Каб зрабіць мерапрыемства займальным, бібліятэкар пазнаёміла дзяцей з творчасцю пісьменніка і прадставіла яго кнігу «Облака над озёрами». Яна расказала пра факты, якія У.І. Ягоўдзік раскрывае ў сваіх творах, у прыватнасці, аб яго дзіцячым захапленні гісторыяй роднага краю. Дзеці актыўна ўдзельнічалі ў «Літаратурнай віктарыне», адгадвалі загадкі, гулялі ў гульню «Пра птушак» і малявалі.

Філіял «Вымнянская сельская бібліятэка»

20.02.2026

Філіял «Альгоўская сельская бібліятэка» сумесна з СДК і ТЦСАН (аддзяленне Кіраўскае) правялі для жыхароў аграгарадка Альгова блінный марафон і прома-акцыю «Вітаемся па беларуску».

Філіял «Альгоўская сельская бібліятэка»

Філіял «Вымнянская сельская бібліятэка» ў супрацоўніцтве з СДК паспяхова правёў пазнавальны турнір «Мая родная мова - беларуская». У рамках мерапрыемства бібліятэкар прапанавала багатую калекцыю твораў беларускіх пісьменнікаў. Удзельнікі актыўна дэманстравалі свае веды, выкарыстоўваючы шматлікія беларускамоўныя прыказкі, прымаўкі і загадкі. Дзеці, спаборнічаючы ў конкурсах, праявілі не толькі эрудыцыю і кемлівасць, але і глыбокую прыхільнасць да сваёй роднай мовы.

Філіял «Вымнянская сельская бібліятэка»

Філіял «Заронаўская сельская бібліятэка» правёў літаратурную сустрэчу, прымеркаваную да Міжнароднага дня роднай мовы. Наведвальнікі аддзялення дзённага знаходжання для пажылых людзей ТЦСАН Віцебскага раёна актыўна ўдзельнічалі ў віктарынах на веданне гісторыі мовы, фразеалагізмаў і рэдкіх слоў. Чыталі вершы і ўрыўкі на роднай мове, дзяліліся любімымі фразамі і прыказкамі.

Філіял «Заронаўская сельская бібліятэка»

27.02.2026

Філіял «Ноўкінская сельская бібліятэка» сумесна з ДШМ правялі літаратурнае знаёмства «Алесь Бадак на ўсе жанры мастак», прысвечаннае 60-годдзю з дня нараджэння беларускага пісьменніка. Бібліятэкар пазнаёміла дзецей з жыццём і творчасцю пісьменніка. Асаблівую ўвагу яна надала аднаму з самых вядомых твораў – аповесці «Адзінокі васьмікласнік хоча пазнаёміцца». На мерапрыемстве гучалі вершы «Вецер і шарык», «Жабяняткі», урывак з казкі «Акварэлькі».

Філіял «Ноўкінская сельская бібліятэка»

У цэнтральнай раённай бібліятэцы праведзена гульня-віктарына "Беларуская скарбонка". Вясёлыя жарты, прыказкі и прымаўкі, загадкі дапамагалі дзецям больш даведацца пра родную Беларусь!

«Цэнтральная раённая бібліятэка»

28.02.2026

Філіял «Старасельская сельская бібліятэка» сумесна з ДШМ правялі фальклорнае свята «Гуляй, Масленіца!». Дзеці яскрава паказвалі свае веды ў віктарыне «Пытанні і загадкі пра бліны і аладкі». Весела і з запалам выконвалі песні «Ой, бліны, бліны», «Бывай, Масленіца!». Ну, а якое ж свята без пачастункаў і чаяванні з найсмачнымі блінамі! Народны абрад матываваў юнакоў і надалей вывучаць беларускія народныя традыцыі і святы.

Філіял «Старасельская сельская бібліятэка»

06.03.2026

У філіяле «Капцянская сельская бібліятэка імя М. Лынькова» прайшла літаратурная вечарына, прысвечаная творчасці паэткі, члена Саюза пісьменнікаў Беларусі і лаўрэата «Літаратурнай прэміі імя Петруся Броўкі» Алены Фядзяевай. Вечарына пад назвай «Вясна, Любоў і Натхненне» адбылася ў рамках Года беларускай жанчыны і напярэдадні Міжнароднага жаночага дня. Алена Сяргееўна падзялілася сваім жыццёвым і творчым шляхам, расказаўшы пра выпрабаванні, якія ёй удалося пераадолець. Паэтка прачытала свае праніклівыя вершы пра вясну, жанчыну і каханне, якія знайшлі жывы водгук у сэрцах слухачоў.

Філіял "Капцянская сельская бібліятэка імя М.Лынькова"

13.03.2026

Філіял «Ноўкінская сельская бібліятэка» сумесна з ДШМ правялі літаратурную гадзіну «Зямны падарожнік», прымеркаваную да 95-годдзя з дня нараджэння беларускага пісьменніка, паэта, публіцыста, перакладчыка і драматурга, нашага земляка. Дзеці пазнаёміліся з цікавымі фактамі з жыцця і творчасці Паўла Місько, яго творамі, чыталі ўслых урыўкі з казак, якія ўвайшлі ў кнігу аўтара «Прыйдзі, дзень-залацень!» і ўрыўкі з аповесці «Прыгоды Бульбобаў».

Філіял «Ноўкінская сельская бібліятэка»

14.03.2026

Бібліятэкар філіяла «Капцянская сельская бібліятэка імя М. Лынькова» сумесна з СДК правялі памятны вечар «Хранитель памяти и основатель мемориала», прысвечаны 100-годдзю з дня нараджэння ветэрана Вялікай Айчыннай вайны Віктара Дзям'янавіча Цярэшчанкі. На мерапрыемства былі запрошаны навучэнцы Капцянскай базавай школы і жыхары аграгарадка Копці. Дзеці даведаліся пра гісторыю чалавека, для якога словы «памяць» і «доўг» сталі сэнсам жыцця. Сваімі ўспамінамі дзяліліся тыя, хто ведаў В. Цярэшчанку асабіста: Г.С. Корбан, былы дырэктар КУСГП «Лучоса», старшыня раённай арганізацыі ветэранаў вайны ў Афганістане Моцін В.С., старэйшая дачка - Вольга Віктараўна Кісялёва і інш. На вечарыне гучалі музычныя творы ў адрас земляка і аўдыёзапісы голасу самога Віктара Дзям'янавіча.

Філіял «Капцянская сельская бібліятэка

імя М. Лынькова»

Філіял «Капцянская сельская бібліятэка

імя М. Лынькова»

Філіял «Капцянская сельская бібліятэка

імя М. Лынькова»

20.03.2026

Ёсць у беларусаў святы, якія пахнуць печывам і вясной. Менавіта з традыцыйнымі вясновымі святамі беларускага народнага календара пазнаёміліся юныя чытачы філіяла «Курынская сельская бібліятэка» падчас правядзення краязнаўчай мазаікі «Святы і абрады беларусаў».

Узгадваючы свята Саракі, удзельнікі мерапрыемства заклікалі жаўрукоў прынесці вясну. А як жа сустракаць вясну без мядзведзя? Менавіта ён з’яўляецца цэнтральным персанажам старадаўняга свята Камаедзіца.

Не забыліся і на свята Вялікдзень, які быў прадстаўлены разнастайнымі традыцыямі: ад «валачобнікаў» да абрадавых гульняў з фарбаванымі яйкамі.

Мерапрыемства суправаджалася аглядам тэматычнай выставы «Па старонках беларускага народнага календара», на якой, акрамя літаратуры, былі прадстаўлены лялькі-абярэгі ў выглядзе птушак з саломы, берасты і тканіны.

Філіял «Курынская сельская бібліятэка»

Філіял «Старасельская сельская бібліятэка» сумесна з ДШМ правялі гадзіну памяці «Нам жыць і памятаць» з паказам відэахронікі і аглядам кніжнай выставы «Хатынь – гаворачая цішыня» да Дня памяці Хатынскай трагедыі. На мерапрыемстве вядучыя яшчэ раз нагадалі прысутным аб жудаснай трагедыі, якая напаткала жыхароў вёскі Хатынь. Успомнілі тысячы іншых вёсак, якія знішчылі фашысты ў гады Вялікай Айчыннай вайны на тэрыторыі Беларусі. Відэаролік «Трагедыя беларускай Хатыні» яшчэ раз нагадаў, што Хатынь – гэта сімвал выпрабавання беларускага народа, сапраўдная Народная памяць. Дзецям расказалі пра мемарыяльны комплекс «Хатынь», які ўстаноўлены ў памяць сотняў вёсак, знішчаных нямецка-фашысцкімі акупантамі, пра лёс жыхароў, якія выжылі. У ходзе мерапрыемства прагучалі вершы: У. Іванова «Аісты над Хатынню», С. Законнікава «Хатынь», Т. Някрасава «Хатынскія званы», В. Тыцкіх «Дарога на Хатынь».

Філіял «Старасельская сельская бібліятэка»

Як пайсці ў краму і не памыліцца ў словах? Ці можна паказаць камара, які носа не падточыць?

У філіяле «Курынская сельская бібліятэка» сумесна з ДУА «Курынская базавая школа Віцебскага раёна імя Героя Савецкага Саюза М.Ф.Сільніцкага» прайшла пазнавальная гульня пра родную мову, дзе кожны мог стаць і перакладчыкам, і акторам. Падчас мерапрыемства юныя чытачы накіраваліся ў вандроўку па кнізе «Як сказаць па-беларуску?». Кніга аказалася незвычайнай: яна адкрыла сакрэты, як зрабіць сваю мову багацейшай.

Дзеці актыўна пераклададі словы з рускай мовы на беларускую, інсцэніравалі фразеалагізмы, удзельнічалі ў сітуацыйнай імправізацыі «Беларуская крама», дзе дыялогі вяліся выключна па-беларуску. Гульня-прэзентацыя «Як сказаць па-беларуску?» паказала: вучыць родную мову можна весела, лёгка і з задавальненнем!

Філіял «Курынская сельская бібліятэка»

27.03.2026

У філіяле «Старасельская сельская бібліятэка» адбылася сустрэча ў фармаце бібліямікса пад назвай «Буслава Айчына». Пачалося мерапрыемства з пытання бібліятэкара: якія сімвалы Беларусі прыходзяць на розум дзецям? І, канешне ж, першым, каго назвалі яны, быў бусел. Бо нездарма нашую краіну называюць «зямлёй пад белымі крыламі», як натхнёна пісаў У. Караткевіч. Бібліятэкар з захапленнем прачытала легенду пра бусла, расказала пра яго з'яўленне на беларускай зямлі і падзялілася мноствам дзіўных фактаў з жыцця гэтых высакародных птушак. Удзельнікі мерапрыемства змаглі дакрануцца да дзіўнага свету роднай зямлі праз паэтычныя радкі. З асаблівым задавальненнем дзеці чыталі вершы Яніны Жабко і Міхася Пазнякова. Праверыць свае веды аб бусліку дапамагла займальная віктарына «Бусел – сімвал Беларусі». А творчае заданне «Белы бусел - нацыянальны сімвал» дазволіла дзецям праявіць сваю фантазію: былі створаны яркія малюнкі і аплікацыі з каляровай паперы, якія ўпрыгожылі выставу. У фінале сустрэчы прагучала пранікнёная песня ў выкананні ансамбля «Песняры» на вершы М. Дабранравава «Белы бусел ляціць…».

Філіял «Старасельская сельская бібліятэка»

У філіяле «Альгоўская сельская бібліятэка» для навучэнцаў ДУ «Альгоўская базавая школа імя піянера-героя Геры Шчарбакова» адбылася займальная інтэрактыўная гульня «100 і 1 пытанне пра Беларусь». Дзеці з азартам паглыбіліся ў свет пытанняў, імкнучыся праверыць свае веды і пашырыць кругагляд пра гісторыю, культуру, геаграфію і традыцыі роднай краіны. Заданні былі выбудаваны ад простых да складаных, ахопліваючы самыя розныя аспекты беларускага жыцця. У напружанай барацьбе дзве каманды спаборнічалі за званне лепшых знаўцаў Беларусі. Па выніках гульні былі абвешчаны пераможцы, а каманды атрымалі заслужаныя прызы за актыўны ўдзел і бліскучыя адказы. Гэта падзея стала яркім прыкладам таго, як можна з карысцю і цікавасцю правесці час, паглыбляючы свае веды пра Беларусь.

Філіял «Альгоўская сельская бібліятэка»

28.03.2026

У рамках Тыдня дзіцячай і юнацкай кнігі ў філіяле «Вымнянская сельская бібліятэка» прайшоў літаратурны дыліжанс «Літаратурная мазаіка». Мерапрыемства было прысвечана творам Якуба Коласа. Удзельнікі даведаліся пра цікавыя факты з біяграфіі пісьменніка і прынялі ўдзел у гульні-віктарыне «Жыццё і творчасць Я. Коласа». Асобая ўвага была нададзена кнізе “Казкі жыцця”, а таксама прадстаўлена кніга «Другое чытанне для дзяцей беларусаў», якая стала важным этапам у творчасці аўтара. Завяршылася мерапрыемства праслухоўваннем музычнай кампазіцыі «Мой родны кут».

Філіял «Вымнянская сельская бібліятэка»

27.03.2026

У філіяле «Мазалаўская сельская бібліятэка» прайшоў Дзень краязнаўчага чытання «Вялікія адкрыцці малога сяла», прысвечаны 175-годдзю з дня нараджэння Аляксея Сапунова – вядомага гісторыка і краязнаўцы. У рамках літаратурнай гадзіны «Брэнд нашай мясцовасці» наведвальнікі пазнаёміліся з цікавымі фактамі з жыцця і дзейнасці даследчыка роднага краю. Для гасцей была падрыхтавана прэзентацыя, якая расказвае пра ўклад А.Сапунова ў вывучэнне гісторыі Мазалава і наваколля. Таксама бібліятэкар прадставіла брашуру «Мазалава ў легендах і паданнях», створаную ўласнымі намаганнямі, якая стала дадатковай крыніцай ведаў аб мясцовых традыцыях і культурнай спадчыне.

Філіял «Мазалаўская сельская бібліятэка»

10.04.2026

Філіял «Ноўкінская сельская бібліятэка» сумесна з Дзіцячай школай мастацтваў правялі гадзіну інфармацыі «Беларусы, якія пакарылі космас». Мерапрыемства было накіравана на пашырэнне ведаў хлопчыкаў і дзяўчынак аб гісторыі касманаўтыкі і ролі Беларусі ў яе асваенні. Удзельнікі атрымалі інфармацыю аб зараджэнні касмічнай эры, першых касманаўтах і выдатных прадстаўніках беларускай касманаўтыкі, такіх як Пётр Клімук, Уладзімір Кавалёнак і Алег Навіцкі. Асаблівы акцэнт быў зроблены на значнасці палёту Марыны Васілеўскай, першай жанчыны-касманаўта суверэннай Беларусі, які адбыўся ў 2024 годзе.

Філіял «Ноўкінская сельская бібліятэка»

Філіял «Капцянская сельская бібліятэка імя М. Лынькова» запрасіла юных чытачоў у захапляльнае падарожжа па прасторах Беларусі. Дзеці з энтузіязмам пагрузіліся ў свет ведаў, бліскуча справіўшыся з заданнямі, якія датычацца дзяржаўных сімвалаў і свят, подзвігаў знакамітых суайчыннікаў і дзіўнай разнастайнасці прыроды - ад раслін да жывёл. Кульмінацыяй падарожжа стала стварэнне калектыўнай карты Беларусі, дзе кожны куток быў адзначаны стыкерамі з самымі яркімі славутасцямі. На заканчэнне сустрэчы ўдзельнікі падзяліліся сваімі думкамі, падкрэсліўшы, што цяпер яны з яшчэ большым гонарам могуць гаварыць аб сваёй краіне, даражаючы яе багатай гісторыяй і спадчынай свайго народа.

Філіял «Капцянская сельская бібліятэка

імя М. Лынькова»

Філіял «Капцянская сельская бібліятэка

імя М. Лынькова»

Філіял «Капцянская сельская бібліятэка

імя М. Лынькова»

24.04.2026

У філіяле «Варонаўская сельская бібліятэка» прайшоў краязнаўчы час «Віцебск – горад майстроў і мастакоў». Удзельнікі мерапрыемства пазнаёміліся з вядомымі творчымі асобамі Віцебшчыны, асаблівасцямі беларускага арнаменту. Былі прадстаўлены вырабы ў тэхніцы пляцення з саломкі. Напрыканцы мерапрыемства арганізавалі салодкі стол, для афармлення якога выкарыстоўваўся драўляны посуд, зроблены майстрам з Віцебска Аляксандрам Астроўскім.

Філіял «Варонаўская сельская бібліятэка»

У філіяле «Мазалаўская сельская бібліятэка» была арганізавана пазнавальная слайд-экскурсія пад назвай «Турыстычнымі сцежкамі роднага краю». Мерапрыемства дазволіла ўдзельнікам здзейсніць віртуальнае знаёмства са славутасцямі рэгіёну. У ходзе экскурсіі былі прадэманстраваны фатаграфіі знакавых месцаў, прадстаўлены легенды краю, а таксама дадзены рэкамендацыі па вывучэнні краязнаўчай літаратуры. Завяршылася мерапрыемства турыстычнай віктарынай і абменам уражаннямі аб асабістых падарожжах.

Філіял «Мазалаўская сельская бібліятэка»

Філіял «Вымнянская сельская бібліятэка» ператварыўся ў сапраўдную арэну ведаў для юных эколагаў! Тут прайшоў захапляльны турнір «Знаўцы прыроды Беларусі», дзе дзеці змаглі не толькі праверыць, але і прымножыць свае веды аб навакольным свеце. Працуючы ў камандах, дзеці з энтузіязмам адказвалі на пытанні аб прыродзе і экалогіі, апускаючыся ў свет займальных конкурсаў і гульняў. Атмасфера турніру была напоўнена прыязнасцю, непадробнай цікавасцю і здаровым азартам.

Філіял «Вымнянская сельская бібліятэка»

У філіяле «Альгоўская сельская бібліятэка» прайшла гадзіна цікавых паведамленняў «Душыстая «гарбата» на цуды багатая». Госці пагрузіліся ў свет духмяных напояў, даведаўшыся аб загадкавым паходжанні слова «гарбата». А затым іх чакала сапраўдная чайная цырымонія: дэгустацыя духмяных чаёў з маліны, скрыпня, чабора, святаянніка, мяты і іншых лясных дароў. Натхніўшыся прыродай, удзельнікі пазнаёміліся з выдатнымі творамі рускіх мастакоў, якія апелі чаяванне, і праверылі свае веды ў вясёлай інтэрактыўнай віктарыне.

Філіял «Альгоўская сельская бібліятэка»

У філіяле «Страсельская сельская бібліятэка» прайшло літаратурнае знаёмства з творчасцю Алеся Бадака «Чароўны свет казак Алеся Бадака». Юныя чытачы даведаліся пра жыццё і творчасць беларускага пісьменніка, якому сёлета споўнілася 60 год. Алесь Бадак - лаўрэат прэміі краін СНД, аўтар мноства зборнікаў паэзіі, прозы і кніг для юных чытачоў. Дзеці з задавальненнем прачыталі вясёлыя вершы са зборніка «Вясёлы кош», такія як «Пра галоднага ваўка і Валерку-смяльчака», «Дождж пабег на сенажаць», «Дамавік і жаба», «Гасцінец для вожыка» ды іншыя. Напрыканцы мерапрыемства ўдзельнікі пагрузіліся ў творчую атмасферу і намалявалі персанажаў з твораў аўтара.

Філіял «Старасельская сельская бібліятэка»

01.05.2026

На двары сям'і Ратомскіх у вёсцы Зазыбы адбылося свята двара «Сёння ў нашай хаце свята». Мерапрыемства, арганізаванае супрацоўнікамі філіяла «Капцянская сельская бібліятэка імя М. Лынькова» і "Капцянскі сельскі дом культуры", сабрала разам дзяцей і дарослых. Удзельнікі з задавальненнем спявалі, танцавалі і гулялі, адчуваючы вясковы гумар, разгадваючы загадкі-дапаўнянкі і ўдзельнічаючы ў розных гульнях. Асабліва ўсім спадабалася гульня з венікам па крузе. Пасля свята на двары Ратомскіх адбылася невялікая, але значная падзея: бібліятэкарам разам з актывам наведалі памятны знак Міхаіла Лынькова. Гэта было зроблена для таго, каб дзеці памяталі не толькі пра сваіх продкаў, але і пра знакамітых землякоў. Візіт прайшоў без гучных словаў, але з глыбокай пашанай.

Філіял «Капцянская сельская бібліятэка

імя М. Лынькова»

Філіял «Капцянская сельская бібліятэка

імя М. Лынькова»

Філіял «Капцянская сельская бібліятэка

імя М. Лынькова»

Page updated

Google Sites

Report abuse