എല്ലാം രേഖപ്പെടുത്തപ്പെട്ടിട്ടുണ്ടെങ്കിൽ പിന്നെ മനുഷ്യന്റെ അധ്വാനത്തിന് എന്ത് പ്രസക്തിയാണുള്ളത്?

Human Freewill
മനുഷ്യന് സ്വന്തമായി ഇച്ഛാശക്തിയും (Will) കഴിവും (Power) അല്ലാഹു നൽകിയിട്ടുണ്ട്. നാം ചെയ്യുന്ന കാര്യങ്ങൾ നമ്മുടെ തിരഞ്ഞെടുപ്പാണ്. എന്നാൽ, ആ തിരഞ്ഞെടുപ്പ് അല്ലാഹുവിന്റെ സാർവത്രികമായ ഉദ്ദേശത്തിന് (Al-Mashiyyah al-Kauniyyah) വിധേയമാണ്. അതായത്, അല്ലാഹു അനുവദിക്കാതെ നമുക്ക് ഒന്നും പ്രവർത്തിക്കാൻ കഴിയില്ല. എങ്കിലും, ആ പ്രവൃത്തിയുടെ ഉത്തരവാദിത്തം മനുഷ്യനാണ്.

Predestination/Divine Decree
വിധി രേഖപ്പെടുത്തപ്പെട്ടത് മനുഷ്യനെ നിഷ്ക്രിയനാക്കാനല്ല. മറിച്ച്, ലോകത്ത് സംഭവിക്കുന്ന സകല ചലനങ്ങളും അല്ലാഹുവിന്റെ അധികാരത്തിന് പുറത്തല്ല എന്ന് ബോധ്യപ്പെടുത്താനാണ്. ഒരു വിശ്വാസിയെ സംബന്ധിച്ചിടത്തോളം ഖദറിലുള്ള വിശ്വാസം വലിയൊരു കരുത്താണ്. തനിക്ക് ലഭിച്ച നേട്ടങ്ങളിൽ അഹങ്കരിക്കാതിരിക്കാനും, വന്നുഭവിച്ച പ്രയാസങ്ങളിൽ തളരാതിരിക്കാനും ഇത് സഹായിക്കുന്നു. കാരണം, ഇതെല്ലാം ആകാശഭൂമികൾ പടക്കപ്പെടുന്നതിന് മുമ്പ് തന്നെ പ്ലാൻ ചെയ്യപ്പെട്ടതാണ്. ചുരുക്കി പറഞ്ഞാൽ ഒരേസമയം അല്ലാഹുവിന്റെ വിധിയും മനുഷ്യന്റെ ഇച്ചയും സംഭവിക്കുന്നു.
Time എന്ന Limitation ഉള്ളിൽ നിന്ന് കൊണ്ട് Cosmic കാര്യങ്ങളിൽ നമ്മൾക്ക് കൂടുതൽ വ്യക്തത ലഭിക്കുക എന്നത് impossible ആണെന്ന് മനസ്സിലാക്കുക

ഭൗതിക ലോകത്തിന്റെ സൃഷ്ടിപ്പിലേക്ക് കടക്കുന്നതിന് മുമ്പ് ഈ അഖീദപരമായ അടിത്തറ മനസ്സിലാക്കേണ്ടത് അത്യാവശ്യമാണ്. ഈ മുൻനിശ്ചയപ്രകാരമാണ് പിന്നീട് ആകാശഭൂമികളുടെ നിർമ്മാണത്തിലേക്ക് അല്ലാഹു കടക്കുന്നത്.

ചിന്തിക്കുക: അല്ലാഹുവിന്റെ അറിവിനും തീരുമാനത്തിനും പുറത്ത് ഈ പ്രപഞ്ചത്തിൽ ഒന്നും സംഭവിക്കില്ലെന്ന ഉറച്ച ബോധ്യം, ഈ കാലത്തെ ഒരു പാട് അനാവശ്യമായ ടെൻഷൻ നിൽ നിന്നും overthink ഇൽ നിന്നും ഒരാളെ എത്രത്തോളം മോചിപ്പിക്കും?