Segðu mér
Hafið bíður góðan dag
Hamingjan er mér í hag
Sólin vermir vangana
Og lýsir fjalladrangana
Ég raula lítið sumarlag
Yfir ríkir kyrrð og ró
Agnarlítil könguló
Skríður yfir mosabarð
Vefinn sinn hún finna þarf
Af vorinu fæ aldrei nóg
Segðu mér, hvað er að ske
Erum við að tapa því sem að guð okkur gaf
Segðu frá, hvað verður þá
Ef bjartsýnin er horfinn út á haf
Ekki æðrast enn er stund
Að líta upp og létta lund
Brosa út um gluggana
Reka burtu skuggana
Og boða nýjan endurfund
Ef öllu er á botninn hvolft
Þá er ekki nokkrum hollt
Að klemma saman kjálkana
Og stinga í augun bjálkana
Og ala í sér gervi stolt
Ekki æðrast enn er lag
Að líta aftur glaðan dag
Horfa á alla litina
Reka burtu svipina
Og njóta þess sem koma skal
Segðu mér, hvað er að ske
Erum við að tapa því sem að guð okkur gaf
Segðu frá, hvað verður þá
Ef gleðin er horfinn út á haf
Segðu frá, hvað verður þá
Ef bjartsýnin er horfinn út á haf