Galego

Quen somos:

A Asociación de Mozos e Mozas en Epidemioloxía e Saúde Pública en España (Grupo EJE), anteriormente Grupo Español de Mozos/as Epidemiólogos/as, é unha asociación multidisciplinar vinculada á epidemioloxía e á saúde pública, dirixida a persoas menores de 36 anos, que foi constituída no ano 2006. Somos unha asociación sen ánimo de lucro e con personalidade xurídica propia.

Na actualidade, o Grupo EJE está formado por máis de 200 profesionais menores de 36 anos. Unha vez acadada esta idade, as persoas socias poden continuar vinculadas á asociación na categoría de VIEJES. O grupo presenta perfís profesionais moi diversos, que abranguen as ciencias da saúde, as ciencias sociais, as ciencias ambientais, as ciencias numéricas, o ámbito xurídico e a enxeñaría.

A cota para ser socio ou socia do Grupo EJE é gratuíta.

Os nosos principais obxectivos son:

• Achegar a visión das persoas novas que desenvolven a súa actividade profesional e investigadora no ámbito da saúde pública.

• Defender a multidisciplinariedade e a interdisciplinariedade dentro da epidemioloxía e da saúde pública.

• Crear unha rede de iguais que facilite o apoio mutuo e a colaboración.

• Fomentar o intercambio de coñecementos e a axuda metodolóxica.

• Organizar e difundir actividades formativas.

• Ofrecer orientación na carreira profesional.

• Difundir ofertas laborais.

• Procurar apoios para mellorar as condicións laborais das persoas novas en etapas iniciais da carreira profesional.

• Explorar vías que faciliten a realización de estadías.

• Fomentar a investigación mediante convocatorias periódicas de premios e concursos.

Para asociarte debes cumprir as seguintes condicións:

• Ser menor de 36 anos.

• Ser residente ou ter nacido en territorio español.

• Ter vinculación coa epidemioloxía e a saúde pública.

PARA FORMAR PARTE DO GRUPO EJE, RECIBIR AVISOS PERIÓDICOS DAS NOVAS, ACOLLERTE A PREMIOS E AXUDAS E COÑECER OUTROS MOZOS E MOZAS INVESTIGADORES/AS EN EPIDEMIOLOXÍA E SAÚDE PÚBLICA, INSCRÍBETE DE XEITO GRATUÍTO NA SEGUINTE LIGAZÓN: «ASÓCIATE».

Os nosos estatutos:

Os estatutos son as normas básicas que rexen a nosa asociación. Os primeiros estatutos fundacionais do Grupo EJE son do ano 2008. Posteriormente, foron actualizados e aprobados en asemblea xeral no ano 2024.

Podes consultalos na seguinte ligazón: ESTATUTOS 2024