Terms & Conditions

إزيك في شركة "جريد" للتسويق الشبكي متتخضش إحنا مش زي أي شركة شفتها أو إتعاملت معها قبل كده وحصلك موقف سخيف منها ومع الوقت هتشوف أو هتشوفي قد إيه إحنا يهمنا إنكم تستافادو من المنتج اللي بتشتروه مننا الأول قبل أي حاجه تانيه وبرضه مش ناسينكم في البيزنس وإزاي تعملوا فلوس كتيره في فتره قليله عشان عارفينكم بتحبوا الفلوس زينا أوي بس في الأول خلينا نعرفكم الشروط والأحكام الخاصة بالشركة اللي هتشرفونا بشغلكم فيها :-

- أول حاجه عملنالكم حاجه مختلفه وسهله عليكم وهو إننا أول شركة تسويق شبكي في مصر تفتح علي أبلكيشن موبايل أندرويد وأي او إس وده عشان نسهل عليكم الإستخدام في أي وقت ومن أي مكان كل اللي عليكم إنكم تحملوا التطبيق بتاعنا من علي جوجل بلاي أو من آب ستور وإسمه Grid .

- تاني حاجه للناس اللي إشتغلت قبل كده تسويق شبكي وكانت بتعاني في إنها تشتري الإيكاردات فا إحنا في دفع عندنا بالفيزا أو عن طريق فوري قريبا جدا .

- تالت حاجه المنتجات بتاعتنا كلها جميله وإستهلاكية تقدروا تشفوها علي صفحة الهوم في الأبلكيشن وإن شاء الله تعجبكم وهيا بنفس سعرها في السوق وبتنقسم قسمين منتجات بتستلمها أو بتستفاد بالخدمه بتاعتها من المكان نفسه ومنتجات بتتشحنلك علي البيت بس بتدفع مصاريف الشحن لما بتجيلك .

- رابع حاجه إحنا شغالين بسيستم بينري ٢/٢ يعني لازم تجيب ٢ يمين و٢ شمال سواء إنت اللي جايبهم أو حد تاني جايبهم تحتك عشان تقبض ٢٠٠ جنيه وليك عموله تحفيزية في الأول علي ١/١ ٢٠٠ جنيه برضه بس ليك حد أقصي للعمولات في اليوم ٨٠٠ جنيه يعني ٢٤٠٠٠ في الشهر للأكونت الواحد يلا إنشاله ما حد حوش .

- خامس حاجه لازم تسمع كلام الليدر بتاعك عشان هو أكتر واحد بيخاف عليك زي إبنه بالظبط لأن هو مصلحته من مصلحتك بس لو قالك ركز في جنب واحد متسمعش كلامه لازم تركز في الجمبين عشان تعمل بلانس وتقبض فلوس .

- سادس حاجه وإنت بتعمل سين أب خلي بالك لازم ترفع صورة البطاقة أو تصورها واضحه عشان دي الحاجه الوحيدة اللي بترجع بيها الأكونت لو إتسرق لقدر الله أو لو نسيت الباسوورد .

- سابع حاجه وإنت بتعمل سين أب حاول تكتب إسمك ثنائي عشان لما نتصل بيك نبقي عارفين شخصيتك المهمه مش هنقعد نخمن مين معانا في المكالمه .

- تامن حاجه وإنت بتعمل سين أب عشان خاطري دخل العنوان بالعربي أسهل وأوضح والله عشان المنتج وهو بيتشحنلك يوصلك بسهوله وحاول تكتب علامة مميزه .

- تاسع حاجه فكرنا كتير قبل ما نعمل الخاصية دي بس الصراحه لا غني عنها وهيا خاصية البلوك او البلوق علي رأي رضوي الشربيني بس هنستخدمها في حالات قليله اوي ومستعصيه مثلا لو واحد نصب علي ناس في فلوسها ودي حاجه وحشه اوي في الحاله دي هيتعمله بلوق بلوق بلوق .

- عاشر حاجه لما تعمل معانا تسجيل وتشتري منتج مش هتقدر ترجعه وده طبعا عشان بتكون خدت مكان في السيستم وناس قبضت عليك عمولات وأكيد مش هينفع نشيلك من علي السيستم .

- الحاجه الحداشر السياسات بتاعت الشركة بتتغير من كل فتره لفتره فلازم تتابعها أول بأول وربنا يوفقكم كلكم وأشوفكم راكبين عربيات من اللي بتكسبوه من الشركة .