കാറ്റ്

അമൃത എസ്.

ഒരു കുഞ്ഞു കാറ്റിന്റെ കുളിരിൽ നിന്നാദ്യമായ്

ഒരുപാട് സ്വപ്നങ്ങൾ

നെയ്തെടുത്തു

ഒരു കൊച്ചു കാറ്റിനോടോത്തു നടക്കാം

കൈകോർത്തു തെന്നലിന്നാസ്വദിക്കാം

കാറ്റത്തിളകിയങ്ങാടി കളിക്കുന്ന പൂക്കളും

ചില്ലയുമെന്തു ചേല്

തെച്ചിയും പിച്ചിയും മുല്ല- യാം വല്ലിയിൽ

മുറ്റത്തു നിൽക്കുന്നു

ശോഭയേറി

തേൻ നുകരാനെത്തും

കുഞ്ഞു കിളികളും

പല വർണ്ണമുള്ള ശലഭങ്ങളും

അതിലോരു ശലഭമായി പാറി പറക്കുവാൻ

പല വട്ടം കൊതിച്ചുപോയ് ഞാൻ