Embedded Files
- ئەگەر خۆر هێندەی دەرگایەکی ئاسایی درێژبێت، ئەوا هەسارەی زوحەل هێندەی تۆپێکی باسکە دەبێت.
- زوحەل شەشەم نزیکترین هەسارەیە لە ئەستێرەی خۆرەوە و نزیکەی 1.4 ملیار کیلۆمەتر لە خۆرەوە دوورە.
- زوحەل یەک خولانەوە بەدەوری خۆیدا بە نزیکەی 11 کاتژمێر تەواودەکات و بۆ تەواوکردنی یەک سوڕانەوە بەدەوری خۆردا پێویستی بە 29 ساڵی هەسارەی زەوی هەیە.
- زوحەل هەسارەیەکی گازییە و چینی توێکڵی نییە ، یەکێکە لە چوار هەسارە گازییەکەی کۆمەڵەی خۆر (موستەری – زوحەل –ئۆرانۆس - نیپتۆن).
- بەرگەهەوا چڕەکەی زوحەل بە زۆری لە گازی هایدرۆجین و هیلیۆم پێکهاتووە.
- زوحەل خاوەنی 82 مانگە و تایتن یەکێکە لە مانگەکانی ئەم هەسارەیە کە چەندین زەریای گەورە سەر ڕووەکەی داپۆشیووە بەڵام لەجیاتی ئاو ئەم زەریایانە لە ماددەی نەوت و میسان پێکهاتووە .'
- هەسارەی زوحەل خاوەنی سەرنجڕاکێشترین سیستمی هەڵقەییە لە کۆمەڵەی خۆردا، حەوت هەڵقە دەوری هەسارەکەیان داوە کە چەند بۆشاییەکی کەم هەڵقەکان لەیەکتر جیادەکاتەوە .
- پێنج کەشتی ئاسمانی سەردانی هەسارەکەیان کردووە . لە ساڵی 2004 تا ساڵی 2017 مانگی دەستکردی کاسینی سەر بە ئاژانسی ناسا چووەتە خولگەوە بەدەوری هەسارەکەدا و لە هەسارەکە و مانگەکانی و هەڵقەکانی هەسارەکە دەکۆڵێتەوە .
- بە هیچ جۆرێک هەسارەی زوحەل بۆ ژیان گونجاو نییە ، بەڵام هەندێک لە مانگەکانی ئەم هەسارەیە لەوانەیە هەندێک لە تایبەندمەندییەکانی ژیان دابین بکەن بۆیە زاناکان بە دووری نازانن کە لە داهاتوودا مرۆڤ بتوانێت ژیان بۆ سەر ڕووی ئەو مانگانە بگوێزێتەوە.
- کاتێک گالیلۆ گالیلی بە تلیسکۆبەکەی لە ساڵی 1600ی زایینی تەماشای ئەم هەسارەیەی کرد تێبینی چەند تەنێکی سەیری کرد لە هەردوو لای هەسارەکەوە و نەیتوانی لێکیبداتەوە کە ئەو تەنانە چین دواتر لەگەڵ بەرەو پێشچوونی تەکنەلۆجیا زاناکان توانیان ئەو تەنە سەیرانە بە ئاسانی ببینن و ئەو تەنانەیش هەڵقەکانی هەسارەکە بوون.
Google Sites
Report abuse