ڤینۆس نزیکترین هەسارەیە لە زەویەوە. بەپێچەوانەی .زۆربەی هەسارەکانی تری کۆمەڵەی خۆرەوە بەدەوری خۆیدا دەخولێتەوە، واتا بەئاڕاستەی میلی کاتژمێر دەخولێتەوە و خۆر لە ڕۆژئاواوە هەڵدێت و لە ڕۆژهەڵات ئاوا دەبێت. بۆ هەر جارێک خولانەوە پێویستی بە 243 ڕۆژی هەسارەی زەوی هەیە. بۆ هەر جارێکیش سووڕانەوە بەدەوری خۆردا پێویستی بە 225 ڕۆژی هەسارەی زەوی هەیە. هەر وەک و عەتارد ئەمیش هیچ مانگێکی نییە.

• هەر لە سەرەتایی مێژووەوە مرۆڤ ئاشنابووە بەم هەسارەیە چونکە بە ئاسانی لە شێوەی ئەستێرەیەکی گەشدا بەیانیان یان ئێواران لە ئاسمانی زەویدا دەبینرێت.
• چەندین مانگی دەستکرد و ڕۆبۆت سەردانی ڤینۆسیان کردووە. لەوانە: مارینێر 2، مارینێر 5، مارینێر 10، پایۆنیر ڤینۆس 1، پایۆنیر ڤینۆس 2، ماجەلان و مانگە دەستکرد و ڕۆبۆتەکانی بەرنامەی ڤێنێرا.