هەسارەی مەریخ بۆ یەک خولانەوە بەدەوری خۆیدا پێویستی بە نزیکەی 24 کاتژمێر و نیو هەیە. بۆ یەک سووڕانەوەش بەدەوری ئەستێرەی خۆردا پێویستی بە 687 ڕۆژ هەیە، واتا بەنزیکی دوو ساڵی هەسارەی زەوی ساڵێکی مەریخە.

هەسارەی مەریخ تاکە هەسارەی کۆمەڵەی خۆرە کە دانیشتوانەکەی هەموو ڕۆبۆتن. چەندین ڕۆبۆتی گەڕۆک لەسەر هەسارەکە دێن و دەچن و لە گونجاوی هەسارەکە بۆ ژیان دەکۆڵنەوە. چاوەڕوان دەکرێت بەم زووانە مرۆڤ سەردانی مەریخ بکات و مەریخ ببێتە ماڵی دووەمی مرۆڤ لە دوای زەوی لە داهاتوودا.