بەهۆی ئەوەی کە خۆر تەنێکی ڕەق نییە ، بەشە جیاوازەکانی خۆر جیاواز لەیەکدی بەدەوری تەوەرەکەیدا دەخولێنەوە. لە هێڵی کەمەرەیدا، خۆر هەموو 25 ڕۆژ جارێک بەدەوری خۆیدا دەخولێتەوە، بەڵام لە جەمسەرەکاندا خۆر بە 36 ڕۆژ خولانەوەیەک بەدەوری خۆیدا تەواو دەکات ئەمەیش تێکهەڵچوونێک لە ئەستێرەکەدا پەیدا دەکات و ناهێڵێت سەر ڕووی ئەستێرەکە سارد ببێتەوە.

ئەستێرەی خۆر و هەموو تەنەکانی ناو کۆمەڵەی خۆر جووڵەیەکی تریان هەیە کە ئەویش سووڕانەوەیە بەدەوری چەقی کاکێشانەکەماندا و بۆ یەک سووڕانەوە بەدەوری کاکێشانەکەماندا نزیکەی 230 ملیۆن ساڵی پێویستە.

• ئەستێرەی خۆر هەر لە سەرەتاوە دەستێکی باڵای هەبووە لە پەیدابوونی ژیان لەسەر هەسارەی زەوی و پلەیەکی گەرمی گونجاوی بە هەسارەکەمان بەخشیووە.
• مرۆڤ بەچەندین ڕێگا سوود لە ووزەی خۆر وەربگرێت بە درێژایی مێژوو و توانیوێتی ووزەی کارەبا بۆ چەندین شار و مانگی دەستکرد و کەشتی ئاسمانی، بەسوود وەرگرتن لە ووزەی خۆر بەدەستبخات.
• چەندین مانگی دەستکرد لێکۆڵێنەوەیان لە خۆر کردووە تا ئێستا وەک مانگە دەستکردەکانی پارکەر و ستریۆ.