¡Benvidos á páxina oficial da 

Comisión de Festas de Centroña!

Somos unha asociación sen ánimo de lucro constituída por un grupo de persoas que temos como finalidade organizar as festas patronais da parroquia de Santa María de Centroña, ademais de outros festexos. Seguindo coa longa traxectoria que ten esta comisión, que leva desde hai mais de 60 anos organizando e celebrando as festas da parroquia, con algúns períodos sen actividade e xa varias directivas.

  As festas patronais celébranse o 15, 16 e 17 de Agosto de cada ano e tamén é tradicional celebrar a Ascensión, que cada ano cadra nunha data distinta. A nosa tarefa é a de conseguir o financiamento das festas, con diversas actividades, e a contratación dos grupos musicais.

A Asociación Comisión de Festas de Centroña xurde no ano 2004, despois dun cambio na regularización das comisións de festas e un parón na súa celebración. Foi fundada por aquel entón por un grupo de xóvenes da parroquia de Santa María de Centroña para organizar as festas do 2004.

Somos unha asociación de ámbito cultural, veciñal, deportivo e musical implicada na dinamización, valorización e visibilidade da nosa parroquia, as súas festas e tradicións.

O noso traballo trata de abordar a organización das festas patronais da parroquia de Santa María de Centroña (15, 16 e 17 de Agosto) e outros festexos tradicionais como a Ascensión.

Utilizando os eventos gastronómicos e musicais como ferramenta de participación comunitaria e fonte de ingresos para as seguintes actividades.  Para conseguir con todo isto crear unha comunidade de veciños, fortalecendo os vinculos, mellorar a parroquia, coidar o entorno, conservar as tradicións e animar a contorna.