У 2 класе ты будзеш:
ведаць прозвішчы аўтараў, назвы і змест 5 твораў, якія вывучаліся;
ведаць сродкі мастацкай выразнасці;
умець чытаць цэлымі словамі выразна, правільна і асэнсавана;
расказваць пра прачытаныя кнігі;
умець вызначаць дзейных асоб, называць галоўнага героя, вызначаць яго ўчынак, прычыны ўчынку.
Вершы на памяць:
Якуб Колас «Адлёт жураўлёў»,
Анатоль Грачанікаў «Беларускія краявіды»,
Авяр’ян Дзеружынскі «Хлебная скарынка»,
Уладзімір Карызна «Самая лепшая»,
Якуб Колас «Песня аб вясне».
Ацэнка чытання на памяць:
Высокі ўзровень. Дакладнае ўзнаўленне тэксту твора. Спробы самастойнай інтэрпрэтацыі аўтарскай пазіцыі. Дапускаюцца 1-2 запінкі.
Дастатковы ўзровень. Дакладнае ўзнаўленне тэксту твора. Выразнае чытанне. Дапускаюцца 1-2 арфаэпічныя памылкі.
Сярэдні ўзровень. Узнаўленне твора ў поўным ці не ў поўным (80–90%) аб’ёме. Адзінкавыя выпадкі перастаноўкі, замены слоў, пропуску радкоў. Чытанне з элементамі выразнасці. Дапускае 5-6 арфаэпічных памылак.
Здавальняючы ўзровень. Узнаўленне твора не ў поўным аб’ёме (40–80 %), перастаноўка, замена слоў, пропуск радкоў. Чытанне з элементамі выразнасці. Дапускае 7-8 арфаэпічных памылак, якія выпраўляе з дапамогай настаўніка. Ці Невыразнае, манатоннае чытанне. Дапускае 7-8 арфаэпічных памылак, якія не можа выправіць пры ўказанні на іх.
Нізкі ўзровень. Фрагментарнае, невыразнае, манатоннае ўзнаўленне часткі твора (20–40 %). Дапускае 9 і больш арфаэпічных памылак, якія выпраўляе з дапамогай настаўніка. Ці ўзнаўленне першых радкоў твора або яго фрагмента (менш за 20 %) з памылкамі ў змесце. Невыразнае, манатоннае чытанне. Дапускае 9 і больш арфаэпічных памылак, якія не можа выправіць пры ўказанні на іх.
Ацэнка вуснага пераказу:
Высокі ўзровень. Поўны і дакладны, звязны і паслядоўны пераказ зместу твора з дапамогай настаўніка. Выразнае, вобразнае маўленне без маўленчых памылак.
Дастатковы ўзровень. Поўны і дакладны, звязны і паслядоўны пераказ зместу твора з дапамогай настаўніка. Выразнае, вобразнае маўленне з адзінкавымі маўленчымі памылкамі.
Сярэдні ўзровень. Усвядомленае ўзнаўленне зместу твора з пропускам некаторых дэталей, якія перадаюць пачуцці, стан героя. Захаванне паслядоўнасці падзей. Выразнае маўленне з асобнымі маўленчымі памылкамі.
Здавальняючы ўзровень. Недакладнае, няпоўнае ўзнаўленне зместу твора з дапамогай настаўніка. Парушэнне логікі пераказу. Малавыразнае маўленне са шматлікімі маўленчымі памылкамі.
Нізкі ўзровень. Неўсвядомленае, фрагментарнае ўзнаўленне тэксту твора з дапамогай настаўніка. Дапускае шматлікія маўленчыя памылкі і працяглыя паўзы. Парушэнне логікі ў перадачы паслядоўнасці падзей. Слоўнікавы запас абмежаваны.
Ацэнка чытання ўслых:
Высокі ўзровень. Выразнае беглае чытанне цэлымі словамі ў тэмпе, які адпавядае індывідуальнай хуткасці маўлення вучня. Правільная інтанацыйная перадача эмацыянальнага зместу твора, настрою, стану, пачуццяў герояў з дапамогай сродкаў маўленчай выразнасці (сіла голасу, тон, тэмп, рытм, паўза, лагічны націск). Адзінкавыя тэхнічныя памылкі выпраляюцца самастойна.
Дастатковы ўзровень. Выразнае чытанне цэлымі словамі ў тэмпе, які адпавядае індывідуальнай хуткасці маўлення вучня. Складовае чытанне цяжкіх слоў (незразумелых па сэнсе і складаных па структуры). Правільная перадача інтанацыі сказа, захаванне патрэбнай даўжыні паўз паміж сказамі і абзацамі, унутры сказаў з апорай на аўтарскія знакі прыпынку. Дапускае 2 тэхнічныя памылкі па сэнсавай здагадцы і/або ў пастаноўцы лагічных націскаў.
Сярэдні ўзровень. Чытанне цэлымі словамі ў запаволеным тэмпе, складовае чытанне цяжкіх слоў (незразумелых па сэнсе і складаных па структуры). Дапускае 5-6 тэхнічных і/або арфаэпічных памылак. Інтанацыйныя недакладнасці; памылкі ў пастаноўцы лагічных націскаў.
Здавальняючы ўзровень. Манатоннае чытанне з элементамі складовага чытання ў запаволеным тэмпе, празмернае расцягванне асобных слоў і складоў. Дапускае 7-8 тэхнічных і/або арфаэпічных памылак, якія не можа выправіць пры ўказанні на іх.
Нізкі ўзровень. Манатоннае складовае чытанне ў празмерна запаволеным тэмпе. Дапускае 9 і больш тэхнічных і/або арфаэпічных памылак, якія не можа выправіць пры ўказанні на іх.
Ацэнка тэматычнага кантролю:
Высокі ўзровень. Высокі ўзровень разумення тэксту і сфарміраванасці чытацкіх уменняў. 100 (90-99)% правільных адказаў.
Дастатковы ўзровень. Дастатковы ўзровень разумення тэксту і сфарміраванасці чытацкіх уменняў. 80-89 (70-79)% правільна выкананых заданняў.
Сярэдні ўзровень. Сярэдні ўзровень разумення тэксту і сфарміраванасці чытацкіх уменняў. 60-69 (50-59)% правільных адказаў.
Здавальняючы ўзровень. Здавальняючы ўзровень разумення тэксту і сфарміраванасці чытацкіх уменняў. 40-49 (30-39)% правільна выкананых заданняў.
Нізкі ўзровень. Нізкі ўзровень разумення тэксту і сфарміраванасці чытацкіх уменняў. 20-29 (1-19)% правільна выкананых заданняў.
Пісьмовая форма кантролю ажыццяўляецца з выкарыстаннем комплекснай работы, якая складаецца з тэксту і заданняў. Вучні самастойна чытаюць літаратурны твор і выконваюць заданні, якія дазваляюць праверыць і ацаніць сфарміраванасць чытацкіх уменняў у галіне работы з тэкстам і інфармацыяй, у тым ліку:
пошук і вылучэнне інфармацыі з тэксту;
інтэграцыю і інтэрпрэтаванне паведамлення тэксту;
асэнсаванне і ацэнку паведамлення тэксту;
выкарыстанне інфармацыі з тэксту.