ਸਿੱਖੀ ਸਰਬੱਤ ਦੇ ਭਲੇ ਲਈ ਹੌਦ ਵਿੱਚ ਆਈ ਸੀ। ਗੁਰੂ ਸਾਹਿਬਾਨ ਦੇ 250 ਸਾਲ ਦੀ ਕਰੜੀ ਘਾਲ ਅਤੇ ਬੇਅੰਤ ਕੁਰਬਾਨੀਆਂ ਤੋ ਬਾਦ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੁਗੋ ਜੁਗ ਅਟੱਲ ਸੰਸਾਰ ਦੇ ਸਾਂਝੇ ਰਹਿਬਰ ਗੱਦੀ ਤੇ ਬਿਰਾਜਮਾਨ ਹੋਏ। ਦਸਮ ਪਿਤਾ ਨੇ ਸ਼ੀਸ਼ ਨਿਵਾਇਆ, ਜ਼ਿਹਨਾਂ ਦਾ ਸ਼ੀਸ਼ ਕੇਵਲ ਪਰਮੇਸ਼ਰ ਅੱਗੇ ਹੀ ਝੁੱਕ ਸਕਦਾ ਸੀ। ਜਿਸਦਾ ਭਾਵ ਸੀ ਕਿ ਹੁਣ ਇਹ ਗੁਰੂ ਸਾਹਿਬ ਹੀ ਹਰ ਸਿੱਖ ਦੇ ਰੱਬ ਰਾਜਾ ਮਹਾਰਾਜਾ ਸਬ ਕੁਝ ਹੀ ਹਨ। ਬਾਕੀ ਸਬ ਨਤਮਸਤਕ ਹੋਣ ਵਾਲੇ ਮਰਜੀਵੜੇ ਸਿੱਖ ਸੇਵਾਦਾਰ ਹੋਣੇ ਚਾਹੀਦੇ ਹਨ। ਇਸੇ ਵਿਚਾਰ ਤੇ ਆਧਾਰਿਤ ਸੈਟਰਲ ਕੈਲੀਫੋਰਨੀਆ ਦੀਆਂ ਸੰਗਤਾਂ ਨੇ 8 ਸਾਲ ਤੋਂ ਚਲਾਈ ਹੋਈ ਹੈ  “ਇਕ ਪੰਥ ਇਕ ਸੋਚ” ਨਾਂ ਹੇਠ ਸਰਬੱਤ ਦੇ ਭਲੇ ਲਈ ਹਲੇਮੀ ਰਾਜ, ਬੇਗਮਪੁਰਾ ਲਈ ਸਿੱਖ ਏਕਤਾ ਲਹਿਰ। ਇਹ ਮੁਹਿੰਮ ਹੁਣ ਸੰਗਤਾਂ ਪੂਰੇ ਪੰਥ ਨੂੰ ਸੌਂਪ ਰਹੀਆਂ ਹਨ। ਜਿਸ ਅਨੁਸਾਰ ਗੁਰੂ ਸਾਹਿਬ ਸਾਡੇ ਸਭ ਕੁਛ ਬਾਕੀ ਸਬ *ਮਰਜੀਵੜੇ ਸਿੱਖ ਸੇਵਾਦਾਰ। ਇਸ ਦੇ ਨਾਲ ਅੱਜ ਦਾ ਇਹ ਸਮਾਂ ਹੋ ਚੁਕੀਆਂ ਬੇਅੰਤ ਕੁਰਬਾਨੀਆਂ ਦਾ ਕਰਜ ਹਲਕਾ ਕਰਨ ਦਾ ਸ਼ਾਇਦ ਆਖਰੀ ਮੌਕਾ ਹੋ ਸਕਦਾ ਹੈ? ਇਹ ਕਾਰਜ ਸਾਡਾ ਆਤਮ ਨਿਰੀਖਣ ਅੱਤੇ ਸਾਡੀਆਂ ਸਫਲਤਾਵਾਂ, ਵਿਚਾਰਾਂ ਦਾ ਮੁਲਾਂਕਣ ਭੀ ਕਰੇਗਾ। ਕਿ ਇਹ ਸਫਲਤਾਵਾਂ ਸਾਡੇ ਨਿੱਜੀ ਸਵਾਰਥ ਲਈ ਹਨ ਜਾਂ ਕਿ ਸਰਬੱਤ ਦੇ ਭਲੇ ਲਈ ਗੁਰੂ ਪਰਮੇਸ਼ਰ ਦੀ ਬਖ਼ਸ਼ੀ ਦਾਤ ?.. 

ਨੋਟ:- ਇਹ ਸਤਿਯੁਗੀ ਵਰਤਾਰਾ ਹੋਵੇਗਾ। ਮਰਜੀਵੜੇ ਪ੍ਰੇਮ ਅਤੇ ਸਰਧਾ ਨਾਲ ਸਮਾਜ ਨੂੰ ਸਤਿਯੁਗੀ ਬਣਾਉਣਗੇ। ਇਸ ਦਾ ਹਰ ਪੱਖ ਤੋਂ ਵਿਚਾਰ ਅਪਨੀ ਮੱਤ ਤਿਆਗ ਕੇ ਗੁਰਬਾਣੀ ਵਿੱਚ ਦਰਸਾਏ ਸੱਚੇ ਧਰਮ ਅਨੁਸਾਰ ਹੋਵੇਗਾ। ਕਿਸੇ ਮਨੁੱਖ ਦੀ ਨਿੱਜੀ ਸੋਚ ਅਨੁਸਾਰ ਨਹੀਂ ।