Embedded Files
bases videopoemas.pdfEste ano apuntamos a Hiba Lajouad, de 4º da ESO, ao V concurso de videopoemas organizado pola Casa Museo Manuel María de Outeiro de Rei, porque fixera un fermoso vídeo sobre un poema de Rosalía de Castro, no que ela compuxo a música e cantaba.
Era unha interpretación de "Cand'era tempo d'inverno"
Asi que o 14 de maio arrancamos cedo cara Outeiro de Rei, pois o premio decidíase ese día, e o vídeo de Hiba era un dos once finalistas de entre os máis de oitenta presentados ao certame e realizados por alumnado da ESO, do Bacharelato e de ciclos de toda Galiza.
Non sabiamos cantos premios se concedían. O acto consistiu na visualización pública dos vídeos finalistas e, mentres o xurado facía a súa deliberación final, os asistentes fomos convidados a unha visita guiada á Casa Museo Manuel María.
De volta no salón de actos, o xurado comunicou que se entregarían dous premios, sen distinguir primeiro ou segundo.
E o primeiro nome gañador foi o da nosa alumna Hiba Lajouad. PARABÉNS!
Aqui podes ver o vídeo de Hiba.
Copia de Hiba 2021-5-26-19-15-26.mp420220514_124946.mp4E aqui o momento da proxección no salón de actos da Casa Museo Manuel María.
Aqui podes ver a reseña na páxina web da Casa Museo Manuel María:
Gloria Iglesias Grobas, do CPI de Xanceda, co videopoema Parte miña (https://www.youtube.com/watch?v=NZpT9dw8QIU), e Hiba Lajouad Dyani, do IES n.º 1 da Estrada, co videopoema Cand’era tempo d’inverno (https://www.youtube.com/watch?v=a3IfHOeYUIE), son as gañadoras da Vª edición do Concurso de videopoemas sobre composicións poéticas de Rosalía e Manuel María que organiza a Casa-Museo Manuel María. Os premios entregados, na mañá deste sábado, durante o acto en que se expuxeron os traballos finalistas desta edición.
O xurado do certame, composto polo realizador Omar Rabuñal Varela, o profesor e guionista, Eduardo Álvarez González, e a profesora e guionista, Anxa G. Refoxo, salientou do videopoema Cand’era tempo d’inverno, “a súa expresividade, os planos de grande intencionalidade estética e os acertados ritmos nunha narración que xira ao redor dunha excelente interpretación do poema que consegue engrandecer o relato visual”.
Canto ao outro videopoema gañador, Parte miña, o xurado xustifica a súa elección “pola súa exploración do poema cun persoal recitado que complementa moi ben a narración en branco e negro, con encadramentos moi coidados, gran plasticidade e carga dramática, e unha música que reforza a mensaxe”
Este concurso ten por finalidade potenciar a creatividade artística a través da harmonía entre palabra e imaxe e difundir a obra de Rosalía e Manuel María. Nesta cuarta edición que se cerrou no día de hoxe presentáronse un total de oitenta e dous videopoemas e contou con participantes de centros educativos de Lugo, Ourense, A Coruña, Rodeiro, Sanxenxo, Xanceda, Panxón, Porriño, Carballo, Narón, Portas, Valga, Moaña, Maceda, Cambados, Castro de Ribeiras de Lea, Pontevedra, Monforte, Redondela, Neda, A Estrada, Rianxo e Compostela.
E aqui a noticia publicada na páxina web do noso IES Nº1.
Page updated
Google Sites
Report abuse