需求彈性 Price Elasticity of Demand

相信中五，中六既同學都唔會對需求彈性 (Price Elasticity of Demand) 好陌生。

我地知道需求彈性係量度「需求量於價格改變時的反應度 (responsiveness of quantity demanded to price changes) 」，由於文憑試課程要求大家學習「弧彈性(Arc elasticity)」，所以係用以下呢條算式計算需求彈性:

就咁計彈性就難唔到大家既，咁畫圖呢?

先比大家睇下兩幅圖:

唔少同學就會即刻講:「哦，(1)就係代表低彈性，因為'直'啲 ; (2)就係高彈性，因為'平'啲。」。

但以上句子係錯既，兩條需求曲線各自係唔同既線段(segment) 有唔同既彈性，唔可以只睇斜率大小分辨彈性高低。

正確既分析如下:

一條線性需求曲線係唔同既線段有唔同既彈性，畫一條掂住橫軸同縱軸既線性需求曲線(linear demand curve)，直線上半段會係高彈性，下半段就係低彈性。如下圖所示:

上面(1)，(2)兩幅圖既情況一樣，彈性高低要睇線段既位置，而唔係斜率。

咁點解同學會覺得線性需求曲線既斜率代表彈性高低呢?

其實係一個「巧合」: 一般人係圖表畫一條「平」啲既直線，會偏向畫係圖表既上半位置，而且係唔會掂到橫軸，如果延伸條線掂到橫軸，就應該好清楚睇到自己最初係畫緊線既上半，好似咁樣:

「直」線既情況都係差唔多，一般人係圖表畫一條「直」啲既直線，會偏向畫係圖表既下半位置，而且係唔會掂到縱軸，大家想畫既可以自己試下。

考試畫圖既時候，同學可以用一貫既「平線」，「直線」既方式表示，無需要真係畫到掂哂兩條軸，不過大家要就記住依據呢個「巧合」黎畫，如果唔係就可能畫錯架啦 (例子: 總收入改變) !