O recuncho de PT
Blogue do alumnado de Pedagoxía Terapéutica
Nesta páxina iremos publicando algúns dos nosos traballos. Agardamos que vos gusten!
S.O.S
O quentamento global.
Neste proxecto aprendimos os aspectos máis básicos do quentamento global, o cambio climático e o efecto invernadoiro.
En primeiro lugar, formámonos sobre o tema buscando información en páxinas web (www.nationalgeographic.com.es/ciencia/grandes-reportajes/el-cambio-climatico-es-una-realidad-2_9756), lendo artigos de periódicos e visualizando algúns vídeos e documentais (Before the flood).
Despois, fixemos un cuestionario para saber o coñecemento que tiñan os nosos compañeiros sobre o tema e analizamos as súas respostas a través dunhas gráficas. ( docs.google.com/forms/d/e/1FAIpQLSeGPJkgbGwMRrMqhORxxh1iMOHr3yTvrBv_Mx82JEx37TI9og/viewform)
Por último, elaboramos un mural no que resumimos todo o feito.
Foi un proxecto moi bonito e interesante, no que aprendimos que se maiores e pequenos tomamos conciencia, aínda podemos facer algo por salvar o planeta que tanto nos da sen pedir nada a cambio.
COLOR ESPERANZA... En LSE
Alumnado de 1º ESO D
Alumnado de 1º ESO C
Obradoiro "Caramelos para pensar".
Caramelo é o nome do camelo amigo de Kori, o principal protagonista desta historia. Doces como os caramelos son as súas palabras, as palabras que Kori imaxina que o camelo lle di, as que lle fan pensar e animan a escrbir con estrema dozura as súas vivencias e sentimientos.
A historia, contada cunha gran tenrura, ponnos na pel de persoas que se abren camiño na vida a pesar das súas dificultades.
Coas actividades que faremos, trataremos de achegarnos persoalmente a algunhas delas para comprendelas mellor. Confiamos contribuír así ao coñecemento doutras culturas e a unha convivencia máis doce e solidaria entre todas as persoas diversas que conformamos o mundo.
O taller constará de dúas charlas a cargo da Federación de Persoas Xordas de Galicia (FAXPG) e de Solidaridade galega co pobo saharahui (SOGAPS) durante a Semana Cultural do centro.
Documento
Entrevista a Iria Fafián
Iria é unha artistaza que tivemos o pracer de entrevistar para coñecer un pouco máis dela e da súa obra.
Podedes seguila en Facebook e Instagram:
https://www.instagram.com/iriafafian/
https://www.facebook.com/iriafafianilustracion/
Fai clik no enlace para ver a Entrevista .
8M. Día da muller
Tradicionalmente, o traballo feminino resultou invisibilizado socialmente: o cuidado do fogar, da infancia, anciáns ou enfermos estaban ao seu cargo; non era remunerado, polo tanto, non tiña valor. Nalgúns casos, este tipo de tarefas impedíu ás mulleres o desenvolvemento profesional noutros campos.
É certo que incontables mulleres lograron éxitos profesionais ao longo da historia, pero moitas delas quedaron no anonimato. Algunhas mesmo perderon a vida reclamando os seus dereitos ou condicións dignas no traballo.
Estas son algunhas das razóns que dan sentido á conmemoración do 8 de marzo:
Que se visibilice e valore,
na súa xusta medida
o traballo das mulleres
na sociedade presente, pasada e futura!!
Mural pola paz
Con este mural queremos insistir na búsqueda dun mundo sen fronteiras nin barreiras.
Mural contra a violencia de xénero
No día contra a violencia de xénero o alumnado e profesorado do instituto foi pasando por este mural para deixar as súas ideas e reflexións sobre esta problemática. Lemos algunhas moi interesantes!
Documento