Musikariak & DJ

The Swind Garret,

Doc Scalon's Cool Cat Combo

Professor Cunningham and his Old School,

& DJ Mr. Patxi "Crazy Legs"


The Swind Garret

Helburu argi batekin sortu zen "The Swind Garret" boskote alai eta txundigarria: swing musikaren fanatikoentzat 30. hamarkadako dantza giroa berpiztea. Zaragozako Lindy mugimenduan du oinarria taldeak, bertan ezagutu bait ziren taldekideak. Esther Ballesteroren ahots goxoa eta Iván Notivolen kontrabaxu sendoari laister batu zitzaien Fernando Roncalés gitarran, Alberto J. Mendoza saxo tenorean eta David Sánchez karismaduna baterian.

Pirineos Swing Festival, Pingo-Let-Us Festival eta Zaragozako 33. Jazz festibaletatik pasata, atzoko eta gaurko kantuekin datoz, Donosti Belle Swing musikaz eta dibertsioz betetzeko prest. Musikari trebeak izateaz gain, dantzariak ere badira, beraz, ez eduki zalantzarik jakingo dutela gu dantzan nola jarri.

Doc Scalon's Cool Cat Combo

Hainbat herrialdetatik datoz munduan zehar hainbat jarraitzaile dituen Doc Scanlon’s taldeko partaideak: New York (baxujolea eta taldeko burua den Doc), San Petersburgo (Mikhail, banjoa) eta Bartzelona (Juli, klarinetea eta Marti, perkusioa). 20, 30 eta 40. hamarkadetako Swing, Hot Jazz, Jump Blues eta New Orleans estiloak jorratzen dituzte, eta eszenatokian argi uzten dute primeran pasatzen dutela elkarrekin jotzen, musikari bakoitzaren izaera taldean isladatzen delarik.

Professor Cunningham and his Old School

New York-eko banda honek swing eta groove beteriko errepertorio zabala du, New Orleanseko tradiziotik abiatuta. Jazz goiztiarra eta R&B, Sydney Bechet, Fat Waller, Professor Longhair eta Fats Dominoren estiloak menperatzen dituzte. Banda hau duela bost urte sortu zuen New Yorken Adrian Cunningham australiarrak (saxofoia, flauta, klarinetea eta ahotsa).

Professor Cunningham and his Old School jazz bandak talentu eta energia izugarria erakusten du eta 2012tik gaurdaino swing ekitaldi eta jaialdietan publikoa eta dantzariak berotu egten ditu. New Yorkeen kontzertu ugari egiten dituzte ematen dituzte Jazz aretoetan (Shanghai Mermaid, Gemini and Scorpio, NY Hot Jazz Festival) eta maiz jotzen dute ere Swing areto hoberenetan (Cutting Room, Swing 46, The Back Room).

Ez ezazu galdu NYCko banda ikaragarri honen emanaldia larunbateko Kursaaleko jaialdian!


DJ Mr. Patxi “Crazy Legs”

Hogei urte baino gehiagoko ibilbidearekin, bertako DJ Mr. Patxi “Crazy Legs” Donostiako dantzalekuetan erreferente bat izan da. Hainbat musika estiloetatik igaro ondoren, Classic Jazz-an (Early Jazz eta Swing) oinarritzen da, donostiako swing eskena zabaltzeko helburuarekin. Nazioarteko hainbat dantzaldietan egon da: Bartzelonan, Herthfordshire-en, Parisen, Montpellier-en, Toulousen, Burdeosen, …. Iaz bezela, aurtengo Donosti Belle Swing-eko bigarren edizioan jaietan musika eta giroa jarriko ditu!