Irakasleak

Anne Hélène & Bernard

1997. urtean Anne-Helene & Bernard Swing-arekin maitemindu ziren… ordutik hona, Lindy Hop, Balboa, Blues, Charleston eta Jazz Roots dantzatzen dute ia egunero. Oso formakuntza berezia dute: Anne-Helenek zazpi urte zituenetik baleta, jazz modernoa eta dantza garaikidea dantzatzen du, eta Bernard musikaria eta kirolaria izan zen dantzaria izan aurretik. Horregatik, eskolak ematera gonbidatuak izan dira mundu guztian zehar: Europa, Amerika, Asia, Australia… Noizean behin, lehiaketetan parte hartzen dute, eta, oraingoz, haiek dira American Balboa Chanpionship irabazi duen bikote ez estatubatuar bakarra. 2001. urtetik Studio Hop dantza-eskolan aritzen dira irakasle gisa. Gainera, bertan sortzen dituzte koreografiak beraien taldearentzat, hau da, Tagada Swing Swing, Europako lehiaketa nagusienak irabazi dituen taldea.

Zenbait bereizgarrik egin dute irakasle-bikote hau hain ezaguna: swing eta blues munduagatik erakusten duten grina, musikaltasuna, haien estilo berezia eta partaideen arteko oreka. Irakaskuntzari dagokionez, Anne Helenek eta Bernardek berezko pedagogia dute, zehatza eta etengabeko bilakaeran. Argibideak emateko modu berriak aurkitzen dituzte, ariketa eta mugimendu berriak garatu, eta dantza errazagoa eta erosoagoa egiteko gaitasuna dute. Giro alaia eta dibertigarria sortzen dute euren eskoletan, eta festetan beti egongo dira guztiekin hitz egiteko eta dantzatzeko prest eta pozik.

Pep & Emi

1999an hasi ziren Pep eta Emi dantzan, Bartzelonan eta Europan zehar hainbat workshop-etan euren formazioa garatuz. Balliball eskolan aritu ziren klaseak ematen zazpi urtez, eta laster, Suedia, Errusia, Ingalaterra, Suitza, Frantzia, Italia eta Andorra bezalako herrialdetako festibal eta workshop-etan hasi ziren lanean. Behin beraien eskola zabalduta (Escola de Swing Pep & Emi), dantzari talde berezkoa osatu eta bost urtez artistikoki eta pedagogikoki garatzea posible izan zuten.

Hainbat jaialdiren antolakuntzan parte hartutakoak dira; horrela, 2008tik 2012ra Arenys de Mar-en (Barcelona) "Sinera Swing Festival" Lindy Hop jaialdiaren sortzaileak izan ziren, eta urtetan ibili dira Barswingona Festibal Internazionalaren antolakuntzan. Barcelona Jazz Cats konpainiaren sortzaileetakoak dira, hainbat eszenatoki haundi eta ospakizunetan dantzatu zutelarik. Euren Lindy Hop konpainia ere sortu zuten, Swing Beats deitutakoa, Bartzelonan hainbat eszenatokietan ezagunak direlarik.

Irakasle lanetan aritzen dira gaur egun maila nazional eta internazionalean.

Dantzariek musikarekiko eta bikotearekiko daukaten harremana bereziki zaintzen dute klaseetan; Savoy Ballroom ospetsuko dantzariak bezala disfrutatzea helburu!

Dantzatzerakoan, eguneroko inspirazio iturri dauzkaten mito haundietaz baliatzen dira: Frankie Manning, Norma Miller, Dawn Hampton eta Ella Fitzgerald, Count Basie eta Duke Ellington bezalako Swing musikari haundiak.


Scott & Serena

Vincenzo Fesi eta Isabella Gregorio munduko txapeldunen eskutik hasi zuen Serena Rizzok bere ibilbidea. Beraiekin batera hainbat ikuskizunetan egin zuen lana, Milaneko Teatro dal Vermen plazaratutako “Jazz on Broadway”-en besteak beste.

Swing Dance Orchestrarekin batera Europa zeharkatu zuen 2010 eta 2012. urteetan, Italia eta Alemanian aurkeztu zen “Swinging Hollywood” antzezlanarekin.

Dantzarekiko berotasun amaigabeaz ibiltzen da gaur egun Serena bere ezagutzak zabaltzen munduko festibal garrantzitsuenetan.

Izan ere, hainbat txapelketetan finalista izandakoa da, Herrang-eko (Suedia) Fast Feet Jack’n’Jill eta Strictly Lindy Ljubljana (Slovenia) Sweet Swing Festival-eko lehendabiziko sariak lortu zituelarik.

Horrez gain, Anconan (Italia) ospatzen den Summer Jamboree Festival ospetsuan aritzen da klaseak ematen. Irakasle eta artista lanak egiten ditu Londres eta mundu zabalean, eta erregularki klaseak ematen ditu Londreseko and Soho eta Bethnal Green-en.

Dantza ezagutu aurretik, banketxe batean egiten zuen lana Scottek. Bere ogibidea gozatzen zuen arren, ez zen hura bere burua adierazteko eta errealizatzeko lekua. Garai hartan, bere amak erretiratu gehienak bizitzan gehiago arriskatu ez izanagatik damutzen zirela esaten zuen artikulu bat eman zion irakurtzera, eta honek zerbait mugiarazi zion barnean.1998an, bere anaiarekin AEBtan barrena bidaian zegoela, jendea big band baten erritmoan dantzan ikusi zuen. Musika, dantza eta giroaren energiak erakarrita, Scottek urte berrirako asmoa erabaki zuen: swing dantza ikastea.

Behin dantzarekin nahikoa trebatu zelarik, klaseak ematen hasi eta Swing Patrol eskola sortu zuen. Swingarekiko grina kutsakorrak bultzatuta, bere ikasleak azkar biderkatu egin ziren Londres, Melbourne, Sydney edota Berlin bezalako hirietan. Gaur egun, munduko eskolarik handienetarikoa da Swing Patrol, bere giro baikor eta parte hartzailearengatik ezaguna. Scottek lan gogorra eta teknika dibertsioarekin uztartzea lortzen du bere klaseetan; horrela, Erresuma Batuan eta Europa osoan irakasten du swing dantza, erregularki astearte gauetan East Londoneko Dalstonen aritzen delarik.