Wie hadn eeteerappels kraabt, over de zeve had en opzakt.

Pabbe zee wie motn noar Ol Pekel

om n poar minsen heur wintergerief te bringn.

As laste gingn we aan bie Taande Hindertje en Oomke Geert.

Toun de eerappels opborgn warren, nuigden ze oons nog eemn in huus

Oomke Geert vruig wat veur eerappels binnt, Noordelingn, Froizn of Zeelanders?

Mien voader zee wol je dr mit proatn of wol je ze opeetn

Ik har n speulgoud pistooltje sneedn oet stuk holt, breuer Lode har mie nog holpn om der gat in te mokn

d ol luu warn aan t proatn en ik speulde cowboytje, zee Pow, Pouw, Pauw

Oomke Geert ruip inains: “k zel die drekt n habadodas verkoopn” en ging gramieterreg noar boetn

Taande Hindertje zee k zel joe eevm verteeln woarom dat e zo kwoad is.

Soamn mit n kennis oet buurt hed e soldoat west in Nederlands-Indië

Dei kennis het mie verteld wat doar n keer gebeurt is, Zulf het geert dr noeit over had

Zie mosn s nachts op wacht stoan mit n geloadn geweer en warren eignlieks doodsbenauwd

Geert heurde geritsel in n boom en ruip: “kom tevoorschijn of ik schiet” tot twei keer tou zelfs

Weer kwam dr geritsel en toun hed e schootn en der vuil doje pauwe noar beneedn

Van dei tied oaf an neumdn de soldoatn hom doar: “De Pauwe”

Dat was de reedn dat Oomke Geert net zo kwoad was zee Taande Hindertje

Mot je hom mor noit kwoalek neemn, hj blift toch aaltied mien smok op de klompe, mien sokker in de thee

Toan we noar huus tou woln zagn we dat peerd n poar beste viegen hinlegd haar

Taande pakte n deuze mit n stok karton en shoof de viegn in deuze

Zie zee ik spuil ze wel eemn deur, mor deur de hoaver dat peerd kreeg warren de viegen lichter as wotter en bleevm drievn in WC pot, zie drokde ze onder mit n bozzel mor zie kwamn elke keer weer boovn drievn

Te einde road hed ze boadel dr mor weer oetschept en in de zinken voelnis emmer doen

T haile hoes was inmiddels deurdrongn van n zuite weeë locht

Ik kreeg van Taande nog n Koetjes repe om op te eetn ondeweegns noar hoes tou