الإنترنت مش مكان آمن دايما ﻷن الشخص لو مش حريص على أمانه الرقمي ممكن يقع ضحية محاولات تصيد واحتيال وبرمجيات خبيثة ممكن تسبب أضرار كبيرة، والقراصنة بيستغلوا كل فرصة يقدروا بيها يدفعوا مستخدم الإنترنت للضغط على رابط معين أو تحميل ملف معين أو استخدام خدمة معينة تسمح لهم باختراق الجهاز أو تتبعه أو إحداث أي ضرر تاني.

فيروس كورونا كان فرصة لأشكال جديدة من الهجمات الإلكترونية خصوصا من خلال تطبيقات ومواقع بتدّعي توفير إمكانية تتبع انتشار الفيروس أو رسائل بريد إلكتروني باستغلال حالة الخوف عند ناس كتير اللي ممكن تخليهم يدوسوا على أي رابط لمتابعة معلومات عن الفيروس، علشان كده محتاجين نبقى واعيين أكتر للمواقع اللي بندخلها والبرامج اللي بننزلها، وهنا هنحاول نقول على مواقع وأدوات ممكن تستخدموها علشان تقللوا من احتمالية وقوعكم ضحية لأي واحدة من الهجمات الإلكترونية دي.


بلاش نفتح أي رابط احنا مش واثقين في مصدره، سواء كان في بوست على فيسبوك أو في رسالة على البريد الإليكتروني، وبلاش ندخل مواقع مش معروفة لمتابعة آخر الأخبار عن الفيروس، لأن بالإضافة إلى إننا مش مفروض ناخد معلوماتنا غير من المصادر الموثوقة، فالمواقع غير الرسمية ممكن يبقى عليها برمجيات خبيثة، ودا ينطبق كمان على التطبيقات اللي بتدّعي إنها بتوفر تحديثات عن الفيروس، وحتى لو الموقع معروف، ياريت نحاول نتأكد إن مفيش خطر في عنوانه.

هي إضافة متوفرة لمعظم المتصفحات، بتساعد في التأكد من تشفير المواقع لتأمين اتصالك بعدد كبير من المواقع.

هو موقع بيساعدك في التأكد من أمان الروابط قبل ما تفتحها.


في الأحداث العالمية اللي زي دي، بتنتشر جدا محاولات سرقة البيانات زي كلمات سر الحسابات المختلفة وبطاقات الائتمان وحتى المعلومات الشخصية زي الرقم القومي، علشان كده بلاش نصدق أي موقع بيدّعي إنه موقع حكومي أو موقع بنك أو أي موقع تاني بيطلب مننا بيانات شخصية غير لما نتأكد كويس جدا إن ده الموقع الرسمي وإنهم فعلا محتاجين البيانات دي، حتى لو المواقع دي عرضت لك معلومات عنك، لأن سرقة البيانات واحدة من أشهر عمليات الاحتيال الإلكتروني اللي اتعرض ليها مئات الآلاف قبل كده.


الشغل من البيت بيخلينا نستخدم منصات جديدة، ومن أشهر المنصات اللي بيتم استخدامها للاجتماعات عن بعد هي منصة Zoom، لكنها مش بتوفر تشفير في خدمتها المجانية وبتتبع بيانات المستخدمين، ممكن نستخدم منصة Jitsi كبديل آمن أكتر، ونستخدم تطبيقات آمنة أكتر في التواصل زي Signal و Wire ونتأكد من إن أي منصات تانية بنستخدمها هي منصات آمنة فعلا قبل استخدامها. ومن المهم إننا نتأكد من تحديث البرامج والتطبيقات باستمرار ﻷن التحديثات كمان بيبقى منها تحديثات أمنية بتخلي مستوى الأمان أعلى.


برامج مكافحة البرمجيات الخبيثة ممكن تساعد في اكتشاف الملفات والبرامج اللي بتسبب أضرار لأجهزتنا علشان كدا من المستحسن تحميل برنامج لمكافحة البرمجيات الخبيثة زي Malwarebytes واتأكدوا من تحديثه كل أسبوعين علشان تقدر تكتشف أحدث الفيروسات والبرمجيات الخبيثة.


 الفيديو ده فيه نصايح لزيادة الأمن الرقمي خلال العمل عن بُعد:

نرجوا كل الأمان، وحجر صحي سعيد.