Embedded Files
Misión
Misión
Cosines de clas, ye un proyeutu personal creáu col envís de compartir y divulgar conocimientos sobro una montonera de temes.
Compartir una idea, que t'importa ye una manera xenerosa de cambiar el mundo pa meyor
Seth GodinCompartir una idea, que t'importa ye una manera xenerosa de cambiar el mundo pa meyor
Nuesu oxetivu ye ser parte la normalización de la llingua asturiana y poro, consideramos que la divulgación de conteníos n'asturianu ye una ferramienta valiosa cola que podemos trabayar.
Dende'l respetu a les variedaes llingüístiques y la enseñanza de la normativa, creemos que ye posible un futuru onde la xente pueda vivir, crecer, deprender y trabayar n'asturianu. Y éste puede ser el primer pasu: conocer, divulgar y compartir.
Si aportasti hasta equí puede que seya porque quieres meyorar el to conocimientu llingüísticu, o la práutica de to nel aula, tas na gueta de recursos o simplemente quieres ampliar conocimientos sobre diferentes temes. Quixera dicite, qu'aportasti al sitiu afayadizu pa ello.
Visión
Visión
L'usu y la normalización entama en ti
Dende Cosines de Clas suañamos con una vida n'asturianu
Dende Cosines de Clas suañamos con una vida n'asturianu
Al igual que les campañes de normalización de l'euskara "Euskaz bizi nahi dut" - "Quiero vivir n'euskara". Suañamos con una realidá na que les y los asturianos pueda vivir n'asturianu ensin torgues nin prexuicios.
Un futuru nel que la reciella nun tenga que depender si son mayoría o non pa poder deprender la llingua del país. Un futuru nel que s'emplegue les llingues d'Asturies en tolos contestos cotidianos y onde la xente nun sienta vergoña poles sos raíces.
Pensar y suañar nun futuru meyor, apórtanos la fuerza suficiente pa siguir y lluchar polo que consideramos xusto y necesariu.
¿Xúniste a la nuesa llucha?
Historia
Historia
¡Hola, soi Olatz Da Silva Rosales, creadora de Cosines de Clas!
¡Hola, soi Olatz Da Silva Rosales, creadora de Cosines de Clas!
Téunica n'Integración social, Profesora d'Educación Primaria, especialista n'Asturianu, Pedagoxía Terapéutica y Audición y Llinguax.
Nací n'Euskadi, crecí ehí y tuvi la gran suerte de vivir nun llugar onde esistíen dos llingues oficiales. Llueu de deprender l'asturianu y convertime en maestra, puedo dicir al mundu que la mio llingua materna ye l'euskara y la mio llingua paterna ye l'asturianu.
Préstame muncho deprender y nun parar de descubrir coses nueves. Siempres toi maquinando nuevos proyeutos o deprendiendo coses nueves. Ye una forma mui divertida ya interesante d'emplegar el tiempu.
Al treslladame a Asturies pudi ver y sentir de primera mano cuála yera la situación sociollingüística que vive la llingua asturiana y los asturianos. Poro, quixi facer tolo qu'estuviera nes mios manes pa favorecer la normalización d'una llingua minorizada como ye nesti casu.
Page updated
Google Sites
Report abuse