Paseo fluvial do Río Sarela

O roteiro discorre ao longo dun tramo de aproximadamente 10 quilómetros, desde o Puente do Romaño ata o Puente da Amañecida, aínda que o tramo máis próximo ao centro da cidade, que comeza na Ponte do Carmen de Abaixo, é unha das zonas máis recomendadas. Ao iniciar o percorrido neste punto, crúzase a ponte e tómase un carreiro que nos leva cara ao interior dunha paisaxe marcada pola vexetación típica das ribeiras galegas, como carballos, amieiros, bidueiros e salgueiros, creando un ambiente sombrío e refrescante ideal para camiñar.

Ao longo do paseo, os camiñantes cruzan varias pontes e pasarelas de madeira, que non só facilitan o percorrido, senón que engaden un toque pintoresco á paisaxe. Estas estruturas atravesan os meandros do río, permitindo un contacto máis directo coa natureza e ofrecendo vistas únicas. Un aspecto relevante deste percorrido é a presenza de antigos restos de fábricas de curtidos de peles que, en tempos pasados, xogaron un papel crave no desenvolvemento económico de Santiago. Estas fábricas, que funcionaron principalmente desde mediados do século XIX ata a metade do XX, aproveitaron fórzaa da auga do río para os seus procesos industriais. Aínda que moitas destas construcións están actualmente abandonadas, o seu legado segue presente ao longo de todo o percorrido, achegando unha dimensión histórica ao paseo.

O paseo ten un percorrido suave, ideal para facer a pé ou en bicicleta, e é apto para todas as idades. Ademais, pódese gozar en calquera época do ano, xa que a súa beleza natural cambia coas estacións, desde os verdes intensos da primavera ata as cores douradas do outono. Durante o percorrido, tamén hai varias zonas de descanso, como merenderos e un parque infantil, o que o converte nunha opción ideal para gozar en familia.

O Paseo Fluvial del Río Sarela non só é un lugar de esparexemento, senón tamén un verdadeiro pulmón verde para a cidade, ofrecendo un espazo de contacto directo coa natureza a tan só uns minutos do bulicio urbano. É un lugar perfecto para desconectar, facer sendeirismo ou simplemente gozar dun tranquilo paseo entre a vexetación galega, respirando aire fresco e admirando a contorna natural que caracteriza a esta parte de Galicia.

Bibliografía

• Caminando entre Senderos. (30 de marzo de 2019). Paseo fluvial Río Sarela (Santiago). Recuperado o 12 de febreiro de 2020 de https://www.caminandoentresenderos.com/paseo-fluvial-rio-sarela-santiago/

• Turismo de Santiago. (s.d.). Paseo fluvial del Río Sarela. Recuperado o 12 de febreiro de 2020 de https://www.santiagoturismo.com/parques-e-xardins/paseo-fluvial-do-rio-sarela

• Verdant Experiences. (6 de abril de 2018). Un secreto en Santiago de Compostela, la ruta del Río Sarela. Recuperado o 12 de fedbreiro de 2020 de https://www.verdantexperiences.com/un-secreto-en-santiago-de-compostela-la-ruta-del-rio-sarela/

Imaxes

1. Trevor Huxham, Sarela river Trail, CC BY-NC-ND 2.0