რას ნიშნავს სტაბილური ქოინი? 

ეს ნიშნავს, რომ მოცემულ კრიპტოვალუტას ‘ზურგს უმაგრებს’ კონკრეტული ღირებულების ქონება, ანუ ის გამყარებულია რაიმე სახის აქტივით.

ასეთი კრიპტოვალუტები ძირითად შემთხვევაში გამყარებულია რეალური ფულით, რომელიც ინახება ბანკში ან რომელიმე სხვა რეზერვში. ამ სტაბილურ ქოინებს ეწოდება FIAT ქოინები, როგორიცაა USDT, TUSD.

მათ ზურგს უმაგრებს ცენტრალიზებული პლატფორმის მიერ ფიზიკურად ბანკში შენახული ფული, რომელიც ნებისმიერ დროს, საჭიროების შემთხვევაში იქნება მობილიზებული. ეს კი განაპირობებს მათ ფასის ფიქსირებულ ნიშნულზე გაჩერებას, 1 დოლარი =  1 USDT ან 1 TUSD.

მეორე სახის სტაბილური ქოინები არიან ე.წ. ალგორითმული სტაბილური ქოინები.

ამ სახის ქოინებს არ უმაგრებს ზურგს რეალური ფული, ნაცვლად, ისინი წინასწარ შემუშავებული ალგორითმის მეშვეობით ინარჩუნებენ რეგულარულ ფასს. ამ დროს, მოცემულ ქოინზე შემუშავებული პროგრამა უზრუნველყოფს, რომ ჯამური ქოინების ბალანსი ისე იყოს დაცული, რომ ფასი ყოველთვის შედარებით ერთსა და იმავე ნიშნულზე დარჩეს. ასეთი კრიპტოვალუტა საფრთხის შემცველია, რადგან მის უკან მდგომ აქტივზე, შეიძლება მოთხოვნა შემცირდეს ბაზრის კრიზისული მდგომარეობის დროს.

ყველა ტიპის სტაბილური ქოინებით ვაჭრობა მსოფლიოს უმეტეს კრიპტო ბირჟებზეა შესაძლებელი. განსხვავება მდგომარეობს მხოლოდ პლატფორმის სისწრაფესა და საკომისიოს რაოდენობაში. ყველა კრიპტო ბირჟა სტაბილური ქოინებით ვაჭრობის საკუთარ პირობებს აწესებს.

საქართველოში გვაქვს ერთადერთი სტაბილური ქოინი სახელად nGEL (ენჯელი), რომელიც ეთერიუმის ბლოკჩეინზეა. იგი შექმნილია coinmania.ge-ს მიერ და პირველი, ანუ FIAT კატეგორიისაა.

ენჯელის ბლოკჩეინზე გადარიცხვის საკომისიოა 7 nGel, ხოლო ექსპრეს გადარიცხვა კოინმანიას პლატფორმაზე არის უფასო.

თუ ენჯელის გატანა გსურთ, იგი უნდა დაკონვერტირდეს ლარში და შემდეგ საბანკო ანგარიშზე.   გადარიცხვის საკომისიოა 1 ლარი, მიუხედავად გადარიცხვის მოცულობისა.