Ei musikalsk vestlandskrønike, del 3: 1985 – 1995

Det Vestnorske Teateret si vestlandskrønike Heim er no komen til åra 1985 – 95. På ny har vi samla eit stjernelag av forfattarar som saman med oss tek turen til Vestlandet, til stadar vi kjenner, songar vi hugsar og hendingane som skaka eller mora oss. Vi er komen til tida der Berlinmuren fall, jappe-bobla brast, HIV-angsten reid oss og vi klinka til med Melodi Grand Prix i Grieghallen og OL på Lillehammer. I dette tiåret står vi på terskelen til ein gryande gullalder for det bergenske musikklivet. Vi skal til Nordhordlandsbrua, Stord, Stanghelle, Katten og sjølvsagt til eit nybygd kjøpesenter eller to. Bli med oss til gledelege gjensyn og treffande ettertanke. Bli med oss HEIM.

AV: Frode Grytten, Pedro Carmona-Alvarez, Selma Lønning Aarø, Finn Tokvam, Brynjulf Jung Tjønn, Gunnar Staalesen, Marit Eikemo, Linda Eide, Kristin Auestad Danielsen, Claus Sellevoll og Bjarte Hjelmeland.