BAZMAN.AZ - TƏCAVÜZKAR HESAB EDİLMƏK

TƏCAVÜZKAR HESAB EDİLMƏK QORXUSU NƏDİR?

Salam BAZMAN-nin əziz və dəyərli izləyiciləri, bu yazıda sizlərə bir çoxlarınızın çəkindiyi və qorxduğu bir vəziyyət olan təcavüzkar hesab edilmə qorxusunu izah edəcəyəm və bu vəziyyəti müzakirə edəcəyəm.

1. Təcavüzkar Damğasından Qorxmaq Normaldır

Qadınlara real həyatda yaxınlaşmağa qorxan bir çox kişilərin qorxmalarının bir səbəbi də qadının mənfi reaksiya verməsi, yəni qışqırıb bağırması, ətrafdakı insanların işə qarışması kimi düşüncələrdir. Qadının bu ifadəsi əsas götürüldüyü üçün, kişilərin çoxu da, birdən məni səhv başa düşərlər, romantik marağım səhv anlaşıla bilər, problem yarana bilər, bu vəziyyəti evdə ailəmə və dostlarıma izah edə bilmərəm və sonra məni tanıyan insanlar mənə pis birisi kimi baxar kimi mənfi düşüncələrə qapılırlar.

Əvvəllər məndə təcrübəsiz vaxtlarımda qadınlarla tanış olmazdan əvvəl beynimdə elə mənfi ssenarilər yaradırdım ki, sözün əsl mənasında qorxu filmi yaşayırdım. Əməlli-başlı narahatçılıq keçirmə səviyyəsində bu cür ssenarilər qurduğuma görə bəyəndiyim və xoşuma gələn bir çox qadına yaxınlaşmağa cəsarət edə bilmirdim və tanış olmaqdan imtina edirdim. Narahatçılığım elə bir səviyyədə idi ki, hələ hərəkətə keçməmiş durduğum yerdə elə bil başıma bir şey gələcəyindən narahat olurdum. Açığı sakit bir şəkildə kənarda dayanmağıma baxmayaraq beynimin içində fırtınalar və tufanlar qopurdu.

Yaxşı gəlin baxaq görək bu vəziyyət nəyə görə baş verir?

Real həyatda hərəkətə keçmədiyiniz zaman ən pis şeyləri düşünməyiniz təbiidir. Beynin və eqon əslində səni qorumaq istəyir və risk etməkdən çəkinməyini istəyir. Real həyatda heç görmədiyin və tanımadığın qadınlarla tanış olmaq risk etməkdir. Bu baxımdan beynin bu riski lazımsız və mənasız görüb səni bu riskə girməkdən çəkindirir, çünki mağara dövründən DNT - nə kodlanmış qorxu var. Başqa kişinin qadınına yaxınlaşıb problemə düşmək və yaşadığın yerdə pis bir reputasiya (pis ad çıxarmaq) əldə edərəm qorxusu var. Bu qorxular kiçik qəbilə həyatında məntiqli olan, ancaq milyonlarla insanın yaşadığı böyük şəhərlərdə mənasız olan qorxulardır. Eqon da özünü riskə atmağını istəmir, çünki kişilərin çoxu eqolarına məğlub olaraq, cəsarətsizlikdən özlərində bəhanlər gətirib "bu qız mənimlə qaralaşır, bu qız mənə baxır" kimi mənasız şeylərlə zehni masturbasiya edərkən, sənin eqon da özünü sınamağını və riskə girməyini istəmir. Ona görə də riskə girməməyin üçün sənə ən pis ssenariləri yaşadır.

2. Qadınlar Adam Yeyən Deyil, Qadınlardan Qorxmayın

İlk dəfə cəsarətimi toplayıb bir qıza yaxınlaşanda qız məni "sevgilim var" deyərək rədd etmişdi, amma inanılmaz dərəcədə özümü xoşbəxt hiss etmişdim. Uzun müddətdir baş sındırdığım və hərəkətə keçmək istədikdə həyəcanlanıb imtina etdiyim şeyi, həyəcanıma qalib gələrək bacara bilmişdim. Qəribə bir hiss idi, amma beynimdə canlandırdığım və qorxduğum mənfi ssenarilərin heç biri baş verməmişdi. Heç bir namus gözətçisi ordusunun nə hücumuna məruz qaldım, nə də qadın mənfi reaksiya verdi. Əksinə, mənim qıza təmənnasız kompliment söyləməyim qızı çox sevindirmişdi və qız özünü daha yaxşı hiss etmişdi. O gün anladım ki, "ətrafımda gördüyüm bir çox qadınla tanış ola bilsəm, inanılmaz bir üstünlük qazanacağam" və həqiqətən də bu belə oldu. İlk yaxınlaşmadan sonra evə qayıtdım, mənə görə kifayət edirdi, çünki bacarmışdım, ancaq ertəsi gün daha iddialı idim və çölə çıxdım. Həmin gün hardasa 15-ə yaxın yaxınlaşma etdim təbii ki, qadınları dayandırmaqda və açılış etməkdə çətinlik çəksəm də həqiqətən yaxınlaşa bilirdim. Vaxt keçdikcə inkişaf etdim və küçədə tanımadığım bir qadınla tanış olmağım mənim üçün normal və adi bir hala çevrildi.

İndi çoxunuz bunu həyatında heç etmədiyiniz üçün, ətrafdakı insanların sizi təcavüzkar hesab etməyindən qorxursunuz. Kənardan biri müdaxilə edər sonra söhbəti heç kimə açıqlaya bilmərəm zibilə düşərəm deyə qorxursunuz, ancaq çox qadın mənfi reaksiya vermir narahat olmayın. Yaxınlaşdığınız zaman çox vaxt qadınların sadəcə təşəkkür edib getmələrini və ya əhəmiyyət vermədiklərini görəcəksiniz. Sizi yüngülcə rədd edərək gedəcəklər. Bəzi qadınlar heç bir söz söyləmədən gedəcəklər, yəni qışqırıb bağıracaq qadın sayı həddindən azdır. Onsuz da qışqırıb bağıran qadından da bir pox olmaz, belə qadınlar özləri səviyyəsiz və mədəniyyətsiz qadınlardır, əgər bunlara qadın demək olarsa :). Bu cür qadınları da yaxşı təhlil etmək lazımdır, hər zaman asan olmasa da, bəyənib yaxınlaşdığınız qadını düzgün seçsəniz bu cür mənfi hadisələrlə çox nadir hallarda qarşılaşacaqsınız. Təbii ki, real həyatda qadınlarla tanış olmağın hər zaman müxtəlif riskləri olur və bu cür üstünlük qazanmaq üçün də riskə girməlisiniz. Sosial intellektiniz və qadınları təhlil etmək bacarığınız nə qədər inkişaf etsə, yəni qadınların təbiətini nə qədər yaxşı bilsəniz bu riskləri bir o qədər azaldacaqsınız. Bunun üçün də Qadın Dili kitabını linkə vuraraq oxumağınızı məsləhət görürəm. Ancaq kor-koranə hərəkətə keçsəniz arabir başınıza mənfi hadisələr gələ bilər. Qızın ailəsinə, sevgilisinə ya da dostlarına rast gəlməyiniz bəzən arzuolunmaz vəziyyətlərə düşməyinizə yol aça bilər. Uzun illərdir ki, bu cür halları minimuma endirdiyim üçün özümü rahat hiss edirəm və bunu necə bacardığımı bir-bir söyləyəcəyəm. Ona görə də qadınlardan qorxmayın, çünki çox vaxt mənfi ssenarilər həqiqət deyil, sadəcə beyninizin uydurmasıdır.

Kitabı almaq üçün BASIN

3. Görünüşünüzdən Çox Şey Asılıdır.

Əgər təsadüfi yerlərdə təsadüfi şəkildə qadınlarla tanış olacaqsansa, yəni bunu Azərbaycanda edəcəksənsə, diqqət yetirməli olduğun birinci vacib olan şey görünüşündür. İndi təsəvvüründə belə bir ssenari canlandırmağını istəyirəm. Gözəl bir köynək geyinmiş, köynəyin üzərində şux bir blazer pencəyi olan və əla görünüşlü, gün eynəyi taxan və saçları yaxşı daranıb forma verilən, özünə baxımlı bir kişinin bir qadına yaxınlaşdığını fikirləş. Bu cür mənzərəni görəndə bu kişinin bu qadını tanıdığını və önəmli bir adam olduğunu düşünürsən. Buna pozitiv qərəz deyilir və şüurlu düşünməsən belə artıq beynində canlandırdığın bu kişi düşüncələrində yüksək kateqoriyaya girir. Bu baxımdan həmin kişinin hansısa qadını narahat edəcəyini düşünmürsən. Bundan əlavə, qadının bu cür gözəl geyimli və keyfiyyətli bir kişiyə təcavüzkar damğası vurması çətindir. Hadisə böyüsə belə, polis sənin xarici görünüşünə baxanda bu ehtimalı çox aşağı görəcək və hər kəs orta yol ilə problemi ötüşdürəcək. Həm də bu cür şux geyimli kişini qadınlar heç vaxt sərt şəkildə acılayaraq rədd etmirlər, çünki sənin şux geyimli görünüşündən təsirlənirlər. Qadın onsuz da görünüşündən təsirləndiyi üçün səni sərt şəkildə rədd etmək əvəzinə tanış olmaq istəmirsə, nəzakətli bir şəkildə maraqlanmadığını deyir.

Şəkildə şux görünüşlü bir kişi obrazı görürsünüz. Heç bir qadın bu görünüşdə olan kişini sərt bir şəkildə rədd etmir və ya acılamır.

İndi eyni ssenarini çirkli ayaqqabı geyinmiş, rəngi solmuş qara idman şalvarı və ütülənməmiş köynək geyinmiş biri ilə təsəvvür edək. Qadın bu kişini gördüyü anda instinktiv olaraq qorxmağa hətta qışqırmağa başlayacaq. Yanına yaxınlaşan kişinin ona zərər verəcəyini düşünəcək. Həmçinin, qorxmasa belə, həmin kişinin ondan pul istəyəcəyini, yəni dilənçi olacağını düşünəcək. Qadın qorxarsa və qışqırarsa, ətrafdakı insanlar sərt şəkildə müdaxilə edə bilər və həmin kişinin qadını narahat edən "pozğun" olduğunu düşünəcəklər. Cəmiyyətdə şüuraltı bir fikir var ki, özünə baxmayan və özünə dəyər verməyən, aşağı dəyərli və aşağı səviyyədə olan kişilər seksə layiq deyillər. Bəli, bu, bir acı həqiqətdir ki, əgər sən özünə baxmayan və özünə dəyər verməyən bir kişisənsə, qadınlar səni heç bir zaman seksə layiq bir kişi olaraq görməyəcəklər, hətta qadınların yanından keçsən belə onlara görünməyəcəksən. Bu məqamda həmin kişinin insanlar tərəfindən linç ediləcəyi və ya polisin həmin şəxsi polis bölməsinə aparıb qadını narahat etdiyinə görə həbs edəcəyi mümkündür. Bəli,düşüncələrimizdə və beynimizdə hadisə bu cür formalaşdı.

Özünə baxmayan və dəyərsiz bir kişi obrazı.

Ən çirkin qadın belə şəkildə gördüyünüz bu cür bir kişi ilə münasibət bir kənara qalsın, iki kəlmə söhbət belə etmək istəməz.

Yaxşı, gəlin baxaq görək özünə baxmayan və orta görünüşlü bir kişi üçün işlər niyə belədir, yəni bu kişilərin niyə qadınlarla bəxti gətirmir? Açığını deyim, normal görünmək qadın tovlama sənətində yaxşı deyil, çünki normal geyimli bir kişi tez-tez müqavimətlə qarşılaşacaq. Mən qara idman köynəyi və cins şalvarla yüzlərlə yaxınlaşma etmişəm və uğurlar da əldə etmişəm, ancaq oyunu özüm üçün çətinləşdirdiyimi başa düşmüşəm. Gözəl bir köynək geyindiyim zaman qadınların diqqətini asanlıqla cəlb etdiyimi və qadınların dayanıb mənimlə söhbət etdiyini, qarmaq nöqtəsinə çatdığını hiss etmişəm. Bundan əlavə pozitiv qərəzlər səbəbiylə qadınların söhbətə maraqlı olduğunu hətta mənə suallar verdiyini də görürdüm. İdman köynəyi ilə "azğın və qadına ac" bir kişi görünüşü yaradırsansa, gözəl, şux və klassik bir köynək ilə qadınların gözündə yüksək dəyərli bir kişi imici yaradırsan. Təbii ki, burada bunu deyim: idman köynəyi yaraşıqlı və əla əzələləri olan kişilər üçündür. Yaraşıqlı üzün və əzələli bədənin varsa, idman köynəyi geyinmək sizin üçün çox yaxşıdır. Görünüşünüzə fikir verin və pozitiv qərəzlərdən istifadə edin.

Təcavüz deyə bir şey yoxdur, özünə baxmayan və dəyər verməyən kişi vardır.

4. Gülümsəmənin Gücünü Anlamalısan

Qadınlarla tanış olmaq sənin və qadın üçün müsbət təcrübədir, yəni təsadüfi baş verən sevgi filimləri kimidir. Bunun üçün də bütün təcrübələrin pozitiv olması lazımdır, yəni ən vacib şeylərdən biri də gülümsəməkdir.

Qadınla tanış olmağa gedərkən çox gərgin, əsəbi və ciddi olmaq yaxşı deyil. Həddindən çox ciddilik və gərgin olmaq tanışlıq zamanı qadını narahat edir. Bir qadınla tanış olmağa gedərkən üzümdə bir gülümsəmə olur və gözlərimin içi parlayır. Qadını dayandırdığım andan etibarən üzümdə bir təbəssüm vardır, bəzən əclaf gülüşü ilə bəzən də təvazökar bir şəkildə gülümsəyirəm amma mütləq gülümsəyirəm. Belə vəziyyətdə qadınların çoxunun gülümsədiyini görürəm. Qadın məni rədd edərkən belə gülümsəyir, yəni mənfi təcrübə belə əslində müsbət şəkildə sona çatır. Alfa kişilər həmişə gülümsəyirlər və üzlərində təbəssüm olur. Qadınlara necə davrananacağını yaxşı bilməyin lazımdır, ona görə də gülümsəməyi vərdiş halına gətirməlisən.

Gülümsəmək müsbət təcrübə olduğundan hər iki tərəf də bunu yaşayır. Bu baxımdan ən böyük qorxun olan "görəsən təcavüzkar hesab edilərəm?" vəziyyətini minimuma endirir. Gülümsədikdə qadın səni pozğun birisi kimi yox, onu bəyənən və şansını sınayan birisi kimi düşünməyə başlayır. Gülümsəmək sənin xeyrinədir və şansını artıran bir hərəkətdir.

5. Sən Nə Qədər Rahat Olsan, Qadın da O Qədər Rahat Olacaq

Enerji sosiallaşmaqda izahı çətin, amma böyük əhəmiyyət kəsb edən bir şeydir. Bəzi insanlar bir mühitə girəndə həmin mühitin göz bəbəyi olurlar və hamı onları sevir, bəziləri isə bir mühitə girəndə gərgin olur, sıxılır və mühitin atmosferini korlayır. Hər hansı mühitə daxil olursan ol, həmin mühitə şən əhval ruhiyyə ilə, yüksək enerji və üzündə təbəssümlə daxil olmalısan. Belə olan halda gözəl qadınların diqqətini cəlb etməyi bacaracaqsan. Bu vəziyyət enerji-aura ilə əlaqəlidir. Xüsusilə, insanın özünü nə qədər rahat və pozitiv hiss etməsindən asılıdır. Sən özünü narahat hiss edirsənsə, özünə güvənmirsənsə, bədbəxt və çatışmazlıq hissləri yüksək birisənsə, mühitdəkilərin sənə soyuq davranmasına şərait yaradacaqsan.

Ancaq sən beyni rahat birisənsə və kefin yerindədirsə, mühitə uyğunlaşmağın asan olacaq. Mühitdəki insanlar sənə qarşı dostcanlı və mehriban davranacaq. Sənə daha çox sual verib səninlə maraqlanacaqlar. Sən özünə güvənirsən və başqalarının nə düşündüyü heç vecinədə deyil, o zaman sosiallaşmağın uğurlu olacaq. Burada hər şey tamamilə sənin mental və psixoloji vəziyyətindən asılıdır, çünki insanlar sən necə davransan elədə reaksiya verirlər, pozitiv birisənsə sənə pozitiv, neqativ birisənsə, sənə neqativ reaksiya verəcəklər. Sən bir mühitdə proaktivsənsə, (fəal), insanlar da o cür hiss edir. Nə qədər rahatsansa, ətrafındakı insanlar da bir o qədər rahat hiss edirlər. Əgər əsəbi deyilsənsə, mühiti gərginləşdirməyəcəksən.

Gündüz oyununda isə bu çox vacidir, xüsusilə də beyninin və hisslərinin gündüz oyununa uyğunlaşması lazımdır. Bunu normal və gündəlik bir şey kimi görüb küçələri rahatlıq zonana çevirdiyin zaman qadınlar da eyni dərəcədə rahat olurlar. Əsasən, qadın sənin son dərəcə sosial, cəsarətli və xarizmatik olduğunu düşünür. Ən əsası, qadın, instinktiv olaraq sənə güvənir, çünki sən rahatsan. Halbuki sən oğru, təcavüzkar və ya pozğun olsaydın, özünü gərgin və narahat hiss edərdin. Gizli bir planı olan hər kəs ciddi bir gərginlik içində olur və stressli olur. Bu baxımdan gündüz vaxtı bəyəndiyin qadınla tanış olan zaman rahat olmağın çox vacibdir. Qadınlarla tanış olmağa yeni başlayan kişilər özlərini çox vaxt gərgin və narahat hiss etdiklərinə görə rədd cavabı alırlar. Sən beynində "görəsən yaxınlaşsam məni bəyənər, görəsən yaxınlaşıb nə deməliyəm?" deyə fikirləşib stress keçirərkən, həmin narahatlığı qadında keçirəcək və "bu adam pozğun ola bilər buradan uzaqlaşmalıyam" deyə qadın düşünəcək. Ona görə də özünü, rahat hiss etməyə özünü öyrəşdirməlisən.

Xüsusilə də öz düşüncəndə etdiyin işin "normal və doğru" olduğunu özünə qəbul etdirməlisən. Sən öz beynində "qadınlarla küçədə tanış olmaq səhv və anormal bir şeydir" deyə fikirləşirsənsə, onda qəribə bir şey edən qəribə bir kişi enerjisinə sahib olacaqsan. Həmçinin qadınların yad kişi ilə tanış olmaq istəmədiyini düşünürsənsə, bu da sənin rahatlığını pozacaq. Sən özünü pozğun biri olaraq düşünüb mühakimə etsən, elə həmişə də başına gələcək şey bu olacaqdır. Mən küçəyə çıxanda özümü ən yaxşısına layiq görürəm və özümü bəyəndiyim qadınla rahatlıqla tanış ola bilən bir kişi olaraq düşünürəm. Qadınların mənimlə tanış olmaq istədiklərini və çox qadının mənim kimi bir kişi ilə tanış olmağa can atdığını düşünürəm. Pozitiv şeylər düşünürəm, həmin gün məni 20 qadın sərt şəkildə rədd etsə belə, ertəsi gün yenə pozitiv şəkildə düşünürəm. Pozitiv inanclarım və iradəm qırılan deyil və mənim xeyrimədir, çünki bir gün pis keçsə belə vecimə də deyil, çünki digər gün yaxşı keçir. Bunları illərdir mən küçələrdə sınaqdan keçirmişəm, yəni evdə oturub televizora baxanda düşündüyüm şeylər deyil. Heç biriniz mənim qədər rədd edilməmisiniz, amma mental cəhətdən güclü olduğum üçün inanclarım hələ də müsbətdir. Bəyəndiyin qadınla tanış olmaqda bədbinliyə yer yoxdur, yəni sən beynində "Azərbaycan qızı yad kişi ilə küçədə tanış olmaz" deyə düşünürsənsə, bəyəndiyin heç bir qadınla tanış ola bilmərsən. Düzdür keçmişdə mən də bu cür şeylər düşünürdüm, ancaq praktikadan keçirib təcrübə qazandıqca, bu fikirlərin düz olmadığını başa düşməyə başlamışdım. Çünki 2 dəqiqə əvvəl rastlaşdığım qadının mənimlə çay içməsinin məntiqli izahını tapa bilmirdim və buna inana bilmirdim. Açığı biz kişilər başqa bir kişi ilə tanış olsaq, iki dəqiqədə o kişi ilə çay içməyə çəkinərik, çünki kişilər məntiqləri ilə düşünüb məntiqləri ilə hərəkət edən varlıqlardır, ancaq qadınlar emosiaları ilə. Əgər bir qadın instinktiv olaraq səndən təsirlənibsə, yəni doğru yerdə, doğru zamanda, doğru kişisənsə, bir qadınla tanışlıqdan seksə 40 dəqiqədə keçə bilirsən. Bunun isə məntiqli bir izahı yoxdur amma belə şeylər yaşanır. Hər zaman olmur təbii ki, ehtimal azdır, amma olur, yaşanır və bu bir həqiqətdir. Normalda fikirləşəndə qadın kişi ilə yatmaq bir yana, o kişiyə telefon nömrəsini belə verməz deyə düşünürsən, ancaq həqiqətdə belə deyil. Bir gündə 10-15 fərqli qadından nömrə alırdım, yəni çox qadın kifayət qədər yaxşı oyunun varsa, nömrəsini verir. Təbii ki, bu nömrələrin yarısı flake (boşa çıxan nömrə) olur, amma nəticədə nömrələrini verirlər. Ona görə də bədbinliyə düşməməlisən, oyun sehirli bir həb deyil, ancaq özünü rahat hiss etmək və beyninin rahat olması mənfi ssenariləri minimuma endirəcək.

Page updated

Google Sites

Report abuse