NİYƏ EVLƏNMƏYƏCƏM

VƏ UZUNMÜDDƏTLİ

MÜNASİBƏT QURMURAM

Qadınlarla münasibət qurmuram və onları həyatımın içinə çox da daxil etmirəm. Qadınları analiz etmək və davranışlarının arxasındakı səbəbləri görmək mənim üçün asan olmadı. Əzab çəkərək və yarı yolda buraxılaraq bəzi şeyləri öyrəndim və bu məni gücləndirdi.

Qadınların təbiətini təkamül baxımından anlamaq və eqoizmin səbəblərini görmək məni münasibət qurmaqdan tamamilə soyutdu.

 Qadınlar üçün özümü inkişaf etdirərkən çox şey sınamışam və buna xeyli vaxt ayırmışam. Bu günə qədər çox şey gördüm, öyrəndim və bir çox hadisələrin şahidi oldum. Əvvəllər gözəl qadınları gözümdə böyüdən biri idim. Qadınları tanıdıqca həqiqətləri görməyə başladım.

Əvvəlcə bu həqiqətlər çox ağır idi, amma zamanla öyrəşdim və həyatımı buna uyğun şəkildə tənzimlədim.

 Qızı yoldan çıxarmağa çalışmaq səhvdir, çünki qadınlara möhtac olmaq düzgün davranış deyil. Hər kişi qadına ehtiyac duyur, təbiətimiz belədir, amma bu o demək deyil ki, məntiqsiz qərarlar verməliyik. Həyatımı öz zövqlərimə uyğun və özüm üçün daha yaxşı etməyə çalışıram. Qadınlara ehtiyacım yoxdur. Bunu tam ciddi şəkildə deyirəm. Qadınlar mənə əvvəlki kimi zövq vermirlər və bezirəm. Həyatım qadınlarla məşğul olmaq üçün həddindən artıq dəyərlidir. Öz kefimi düşünürəm, özümü inkişaf etdirirəm. Sadəcə bir qadınla cinsi münasibətdə olmaq üçün onun bütün mənasız davranışlarına dözə bilmirəm. Mən düşünən bir insanam, bir çox şeyin fərqinə tez varıram və gözümə batan kimi hər şey mənim üçün bitməyə başlayır.

 Münasibətlər kişi üçün yorucu olur. Buna genlərimiz belə proqramlaşdırıldığı üçün dözürük. İradəsi zəif olan kişilər isə tamamilə belə davranır. Qadına ehtiyacı olur, bunun üçün hər şeyi edir və qadının hər mənasız davranışına dözür.

 Evlilik də belədir. Əsas məqsəd genləri yaymaqdır. Genlər daim təzyiq göstərir, buna görə kişilər davamlı olaraq cinsəlliyi düşünür. Qadınlar isə klimaksa girmədən əvvəl uşaq sahibi olmağı düşünürlər…

 Mənim baxışıma görə isə burada mənim üçün sərfəli bir vəziyyət yoxdur.

Cinsi aclıq və ya tənhalıq hiss etmirəm.

Həyatımı öz qaydalarıma görə idarə edirəm və xoşbəxtəm.

Hətta kompüter oyunları belə mənə qadınlardan daha çox zövq verir.

 Kitab oxumaq da, serial izləmək də mənim daha çox marağımı cəlb edir.

 Həyat hədəflərim var və inkişaf etməyə önəm verirəm.

 Qadınlar mənim üçün vacib deyil, çünki mən onlara xüsusi dəyər yükləmirəm və heç bir gözlənti yaratmıram.

Qadınlara təsir etməyə çalışmıram və bu mənim üçün əhəmiyyətli deyil.

Fəlsəfə və elmlə məşğul olmaq mənə daha maraqlı və zövqlü gəlir.

 Özümü gələcəkdə bir ailənin içində sıxışıb qalmış biri kimi görmək istəmirəm.

Bunun əvəzinə dünyanı gəzmiş, müxtəlif mədəniyyətləri tanımış, həyatda çoxlu xatirələr toplamış, şən bir qoca kişi olmaq istəyirəm.

 Təbiətimdə azadlıq var və bu məni xoşbəxt edir.

 Evlilik, sevgi və s. bunlar növün cinsi oyunlarıdır və mənim üçün işlək deyil. Özümlə birlikdə genlərimi də yox edəcəyəm. Evlənib bir qadına dözə bilmərəm. Öz həyatımı başqasının problemləri üçün sərf edə bilmərəm. Buna görə ən yaxşısı evlənməkdən uzaq durmaqdır.

 Həmçinin möhtac olmadığım üçün qadınların mənə qarşı istifadə edə biləcəyi bir “silahı” yoxdur. Rahatlıqla bir qadının cinsi təklifini rədd edə bilərəm. Bu səbəbdən bir qadınla söhbət maraqlı deyilsə, onun mənə verə biləcəyi bir şey yoxdur. Üstəlik, kimisə cəlb etməyə çalışmadığım üçün də rahatam. Əgər bir qadın mənasız danışırsa, bunu onun üzünə deyərəm, çünki onun mənə verə biləcəyi ən böyük “mükafata” (cinsi münasibətə) onsuz da ehtiyac duymuram.

Həyatım müəyyən bir müddət üçün qadınlar baxımından durğun mövqedədir.

Bu müddətdə oxumadığım kitabları oxuyacağam, filmləri izləyəcəyəm…

Düşünmək üçün də kifayət qədər vaxtım olacaq…

Burada da daha keyfiyyətli məzmunlar yazacağam.