MÜNASİBƏTDƏ AQRESSİV XARAKTERLİ KİŞİ OLMAQ
Salam əziz Bazman izləyiciləri, bu məqaləmdə bir videonu təhlil edəcəm. Bu video "Memati xarakterli kişilik" olacaq. Mematinin münasibətdə düzgün və səhv etdiyi hər şeyi təhlil edəcəm. Əvvəlcə videonu izləməyinizi məsləhət görürəm.
Əvvəlcə Mematinin qadına yaxınlaşması ilə başlayaq. Memati həddindən çox cəsarətli və özünə inamlı bir şəkildə qadına yaxınlaşır. Memati qadının içki təklifini rədd etməsinə reaksiya vermədən qadını tanımağa diqqət yetirir. Bu baxımdan qadına birbaşa suallar verir və qadına ilk andan "səni istəyirəm" deyir. Qadından gələn "bu cür heç nəyi əldə edə bilmərsən" kişilik testini isə açıq bir şəkildə keçir.
Qadını hansısa bir şəkildə özünə heyran edir və öz şərtlərini sayır. Dərhal qadına sahib çıxır və dik duruş göstərir. Bu nöqtələrdə Memati həqiqətən inanılmaz bir kişilik və üstünlük nümayiş etdirir. Mematinin yanaşmasındakı ən böyük səhv qadının qayğısına qalması və qadına sahib çıxmasıdır. Memati ilk andan etibarən qısqanclıq əlamətləri göstərir və bir anda hələ yeni tanıdığı qadını məhdudlaşdıran siqnallar göstərir. Bu cür sahiblənmə əvvəlcə qadına cəlbedici gəlsə də çox vaxt münasibətdə aldadılmaq və xəyanətlə sonlanır ki, Memati də aldadılır ;)
Daha sonralar isə qadının işlərinə həddən çox qarışır. Kataloq məsələsi əslində maraqlı bir vəziyyətdir. Memati bir gecə klubu qadını ilə tanış olduğunun fərqindədir və qadını yaxşı tanıyır. Burada problem "qadını zorla və məcburi bir şəkildə dəyişdirməyə çalışması" dır. Qadınları zorla dəyişdirməyə çalışmaq çox vaxt əks nəticə verir. Bəzi kişilər işdə mini ətək geyinən qadınla tanış olur və həmin qadınla münasibətdə olan zaman isə qadının mini ətək geyinməyinə icazə vermir və ya qadının həyat tərzinə müdaxilə etməyə və məhdudiyyətlər qoymağa çalışır. Bir qadının rəqs etməsini, yoqa etməsini, spirtli içki içməsini, gecə həyatının olmasını və ya açıq geyinməsini sevmirsənsə, elə ilk mərhələdə həmin qadını seçməməlisən. Mən münasibətdə olduğum qadınlara heç vaxt qadağalar qoyaraq onların həyatını məhdudlaşdırmıram və onları lazımsız qısqanclıqla hesaba çəkmirəm. Bu qadın hərəkətidir və kişiyə yaraşmır. Mən qadına öz prinsiplərimi yalnız bir dəfə deyirəm. Qadın bu prinsiplərə əməl edərsə, əla, yox əgər əməl etməzsə, zamanla onsuz da yollar ayrılır. Həmçinin qadından böyük fədakarlıqlar etməsini gözləmək də səhvdir. Qadından, yeni tanıdığı bir kişiyə görə həyat tərzindən, xarakterindən və digər şeylərdən imtina etməsini və evdə oturmasını gözləməməlisən. Bunlar romantizm və axmaq idealizm nümunələridir. Mematinin də əsas səyi bar qadınını evdar qadına çevirməyə çalışmaqdır, amma bu alınmır. Memati oyuna super güclü başlasa da, münasibətdə gücünü itirir. Memati açıq-aydın qadına səni adamlarıma təqib etdirirəm və nə etdiyini bilirəm deyir. Bu böyük bir BETA KİŞİ SƏHVİDİR və heç vaxt qadını stalklayan və izləyən bir kişi olmayın. Bunun tam əksi olmalı idi. Bu səhnədə qadının Mematiyə başqa qadınlarla görüşməyini istəmirəm, məndən ayrılmağından qorxuram deməsi lazım idi. Heç vaxt bu cür səhvlərə yol verməyin, bir qadının hərəkətlərini izləmək və qadının bütün gün nə etdiyini güdmək uduzan beta kişi düşüncəsidir.
Burada yemək bişirə bilməyən Qəmzə Mematiyə yemək bişirir. Bu hərəkət kişisayağı və uğurlu bir hərəkətdir. Qadının sizin üçün yemək bişirməsi, evi təmizləməsi, sizə hədiyyə alması, paltarları ütüləməsi və s. yaxşı şeylərdir, ancaq bunları qadının öz istəyi ilə avtomatik etməsi lazımdır, yəni heç vaxt kobudluq və zorbalıq edib qadını bunları etməyə məcbur etməməlisiniz. Bu nöqtədə qadın bunları Mematinin onu məcbur etməsi ilə yəni Mematinin zorbalıq etməsi ilə edir. Bu baxımdan Mematiyə əlavə xal verməyim mümkün deyil, çünki bu zəif bir oyundur.
Burada nəzər yetirməli olduğumuz məqam Mematinin münasibət fəlsəfəsidir. Sevgili ilə Qadın arasındakı fərq; Memati əslində fundamental prinsipi açıq şəkildə çox böyük ölçüdə pozur. İnsanın monoqom qaydasını (tək bir insana bağlı qalmaq) olmadığını və ayrılıqların ola biləcəyi qaydasını pozur. Sevgililiyi orta məktəb uşaqları düşüncəsi səviyyəsində təsvir edir və bunu sadə görür, qadınım dediyi şeyi isə ancaq ölümün ayıracağı kimi göstərir. Münasibətə bu cür baxış bucağı çox təhlükəlidir. "Ya mənimsən, ya da qara torpağın" düşüncəsi uduzan bir beta kişi düşüncəsidir. Bu düşüncə tərzi çox, təhlükəli bir düşüncə tərzidir və bir kişinin həyatını məhv edir. Ona görə də cəmiyyətdə qadın öldürən və boşanmaq istəyən arvadını öldürən kişilər olur. Bütün kişilərin bu cür düşüncə tərzindən uzaq olması lazımdır. Bu cür beta-obsesif uduzan kişi zehniyyətindən çıxmaq lazımdır. Heç vaxt qadın sizin həyatınızın mərkəzi olmamalıdır. Heç bir qadın sizə aid deyil, qadın həmişə cəmiyyətə aiddir, sadəcə növbə sizindir. Bu günlərdə hardasa iki evlilikdən biri sona çatır və münasibətlər bitir. Bir qadın mənimlə evli olsa belə, mənimlə qalmaq istəmirsə, heç cür məcbur etmərəm boşanaram. Mənə ehtirasla və sevgi ilə baxmayan qadınla bir saniyə belə qala bilmərəm və həmin qadından ayrılaram. Heç vaxt möhtaclıqdan və öyrəşməkdən münasibəti davam etdirmərəm. Memati qadının cəmiyyətə aid olduğu prinsipini pozur.
Mematinin uğurla etdiyi bir şey isə, primitiv duyğularla hərəkət etdiyi üçün qadını özünə itaət və tabe etdirməsidir. Bu, bütün qadınların bir kişinin onlara hökmranlıq etmək arzusudur. Bu baxımdan qadın nə qədər sərt olursa olsun, əsl bir kişiyə tabe olacaq və itaət edəcək. Bu, çərçivə müharibələrində özünü göstərir. Memati qadını tabe etdirməyi bacarır, ancaq o, münasibəti səhv nöqtələrdən idarə etdiyi üçün çərçivə nəzarəti pozulur. Lazımsız prinsiplər və təzyiq əks nəticə verir. Münasibətin sonuna doğru qadın Mematini məhv edir. Bu Cür vəziyyət çox yaxşı bir nöqtədən çox pis bir nöqtəyə sürüklənməyin hekayəsidir. Memati xarakterində olan kişilərin qadını tərk edə bilməməsinin səbəbi qadına və seksə möhtaclıq psixologiyası və itirmək qorxusudur. Bu məqamda Memati qadını 100 dəfə tərk etməli idi. Həmişə tərk etməkdən, getməkdən və bəzi şeyləri geridə qoymaqdan qorxmayın.
Daha yaxşı bir qadın tapmağınız mümkündür.
Mematinin digər zəif bir cəhəti isə Qəmzə ilə unsiyyət qurmaması və flört etməməsidir. Memati dibinə qədər kişi olsa da, qadında zəiflik yaradır. Əslində bu vəziyyət mənə ağır kişilərin niyə qadınlarla münasibətlərdə uğursuz olduqlarını xatırladır. Ünsiyyət çatışmazlığı, flört çatışmazlığı, əylənməmək, seksual cəlbediciliyin olmaması kimi problemlərə yol açır. Bu münasibətdə də qadın özünü açıq ifadə edə bilmir və Memati ilə ünsiyyət qura bilmir. Memati qadının qaşqabaqlı olması ilə bağlı iki yaxşı müşahidə edir: "kişinin seksual performansının zəifləməsi və pulunun olmaması", ancaq Memati burada "ünsiyyət və flörtü unudur".
Həmçinin Memati qadını daim müxtəlif şeylərlə hədələyir. Psixoloji və fiziki şiddət göstərir. Bunu isə "qadını əlində tutmaq üçün" edir. Memati qadına silah da doğruldur və onu öldürməklə hədələyir. Bu baxımdan Mematidə emosional zəiflik var və öz əsəblərini cilovlaya bimir, Memati itirmə qorxusunu həddindən artıq yüksək səviyyələrdə yaşayır. Memati xarakterində kişilər ümumiyyətlə qəmli mahnılar düşüncəsini sevirlər. "Onsuzda sevdik nə oldu ki, qəhbəlik gördük" düşüncəsi ilə yaşayırlar. Memati xarakterində adamlar lazımsız və mənasız düşüncələrə sahib olduqları üçün əsl günahın özlərində olduqlarını görə bilmirlər. Seriala baxmadığım üçün arxa planda nə baş verdiyini və münasibətin ümumi miqyasını bilmirəm. Memati bütün gücünə və kişisayağı duruşuna baxmayaraq ciddi səhvlərinə görə tək qalır. Memati xarakterli kişilər ümumiyyətlə playboy olmurlar. Flört edə bilən və yaşamağı bilən kişilər playboy olurlar.
Ümumi bir qiymətləndirmə edim.
Mematinin düzgün etdiyi hərəkətlər:
* Cəsarət
* Özünəinam
* Kişilik
* Hökmranlıq
* Psixoloji və fiziki güc
* Güclü Çərçivə nəzarəti
* Özünə 100% inanması
* Risqə getmək
* Niyyətini açıq şəkildə bildirmək
Mematinin səhv etdiyi hərəkətlər:
* Qadının həddindən artıq qayğısına qalmaq və qadını həyatının mərkəzinə yerləşdirmək
* Qadından çox fədakarlıq gözləmək
* Qadının xarakterini dəyişməyə çalışmaq
* Qadının işlərinə həddən çox qarışmaq
* Qadını həddindən çox qısqanmaq
* Qadını itirməkdən qorxmaq
* Ünsiyyət çatışmazlığı
* Qadını daim acılamaq
* Qadına diqqət göstərməmək
* Qadınla kifayət qədər vaxt keçirməmək
* Qadına daim hədə-qorxu gəlmək
* Lazımsız aqressivlik etmək
Qadın Mematini sevsə belə, Mematiyə dözməsi mümkün deyil. Düzdür Memati obrazı uydurma və ekstremal bir xarakterdir, ancaq bu obraz həyatdan götürülüb və Memati xarakterli həddən çox kişilər var. Bu kişilər təhlükəlidirlər və öz axmaqlıqlarına görə qadının da həyatını, öz həyatlarını da məhv edə bilirlər. Heç bir qadına görə illərlə ömrünü və gəncliyini həbsxanada çürütmək lazım deyil. Cinayət xəbərlərində gördüyümüz manyak tiplər, bu cür düşüncələrə malikdirlər və nəticədə öz həyatları ilə birlikdə başqalarının həyatını da məhv edirlər. Bu məqamda izləyicilərimə təklifim odur ki, heç bir qadın üçün öz həyatınızı məhv etməyin. Gedən, aldadan və tərk edən qadına heç nə edə bilməzsiniz və heç bir qadına zorakılıq etməyə də ixtiyarınız yoxdur. Ən böyük intiqam özünü inkişaf etdirmək, həyatını yaşamaq və səni tərk edən qadından da gözəl bir qadın tapmaqdır. Qadına şiddət və ümumiyyətlə küçədə, ictimai yerlərdə zorakılıq etmək beta kişi hərəkətidir və bu cür hərəkətləri alfa kişi əsla etməz. Qadına həddən çox fokuslanan kişi betadır, təhlükəlidir və ən sevmədiyim kişi tipidir.
