KÜÇƏDƏ QADINLARLA TANIŞ OLMAQ SƏNƏTİ

Bir kişi üçün küçələr qadınlarla tanış olmaq üçün son dərəcə yaxşı yerlərdir. Həm insanlar hərəkət halındadır, həm təzyiq yoxdur, həm də artıqlaması ilə qadınlar gəzir küçələrdə. Bolluq yaratmaq, müxtəlif qadınlarla tanış olmaq üçün mütləq küçələrdən istifadə etməlisən. Bu sayədə bir-birindən heç bir xəbəri olmayan qadınlarla tanış ola bilərsən.

Küçədə qadınlara yaxınlaşarkən heç vaxt onlara dolayı yolla yaxınlaşma. Qadını gördün və gedib söhbət  etmək  istədin- bu qədər sadə.

Bu oyunun ən sadə və praktik versiyasıdır.

Və təbii ki, qadının sənə yandırdığı yaxınlaşma siqnallarını, yəni, yaşıl işıq yandırdığını anlamalısan ki, gedib ona yaxınlaşasan. Qadınlar sabah evdən çıxarkən həddindən çox bəzənir, geyinir, saçına, makiyajına diqqət yetirir, dünyanın pulunu gözəllik salonlarına və estetik əməliyyatlara yatırır.

Bir özünə sual ver- Nə üçün qadınlar bunu edir?

Mən deyim dostum:  Ən yüksək dəyərli kişinin ona yaxınlaşıb onunla tanış olması üçün. Bəli qadınlar sabah evdən çıxarkən həmişə yüksək dəyərli bir kişinin onlarla tanış olmasının xəyalı ilə yaşayırlar.

Gündüz vaxtı qadınlarla tanış olmağa ( PUA ) yəni playboy fəlsəfəsində “gündüz oyunu” deyilir.  “Gündüz oyunu”nda unutmamalı olduğun ən vacib məqamlardan biri, bu tanışmanın həqiqi və təsadüfən olduğunu qadına inandırmaqdır.

Əgər mən baz oğlanam, hər qızla tanış oluram görüntüsünü qadına hiss etdirsən hər şeyi bərbad etmiş olursan. Çünki qadınlar tovlanmağa nifrət edirlər. Sonra qadın evə gedəndə səni bloklayıb həyatından çıxaracaq. Çünki qadınlar həmişə vəziyyəti analiz edirlər, sonra sən neqativ bir xatirə kimi qalmamalısan həmin qadının yaddaşında.

Planlaşdırılmamış, birdən-birə inkişaf edən və sənin də çətinliklə yaxınlaşdığını hiss etməlidir qadın. Azərbaycan qızı həddən çox şübhələnən və adi qadın damğasından qorxandır. Nəticədə Las Vegasda yaşamırıq.

Əgər qız tələsirsə əlaqə saxlamağı təklif et. Nömrə və ya instagram fərq eləmir. Aldıqdan sonra dərhal ayrılma, 1-2 dəqiqə söhbət et. Heç vaxt qızlara nömrə almaq üçün yaxınlaşma, sadəcə onu tanımaq üçün yaxınlaş.

Əgər qızın işi yoxdursa və boş vaxtı varsa kiçik bir çay içməyi və yaxud Starbucksda bir kofe içməyi təklif et. Sonra ən yaxın məkana keçin. Son 2 ayda 30 anlıq görüş etmişəm belə.

Söhbətiniz normal və iki insanın bir-birini tanıması haqqında olsun.Qızın səni tanımasına bir az icazə ver, ancaq özün haqqında hər şeyi açıb tökmə ortalığa.

Azərbaycanda çox az sayda qadın tanış olduqları gün bir şeylər yaşamağa açıqdır. Ona görədə çox nadir olan ehtimalları düşünüb gözləntiyə girmə, yəni seks gözləntisi.

 Qadınların əksəriyyəti sosial  cəhətdən bacarıqsızdır və müəyyən şeylərə qapalıdır. Ona görə də küçədə sərt rədd cavabları ilə qarşılaşmağın normaldır. Heç vaxt rədd cavabı aldığın qadının arxasınca getmə, başın bəlaya girər. Rədd edilən kimi ordan ayrıl.

Qıza həmin gün və ya daha sonra mesaj ata bilərsən. Unutma, azəri mədəniyyətində oyun güvənmək inam və rahatlığa əsaslanır.

Küçə oyununun çoxlu qazancı var, amma çoxlu rəddlərlə, boşa çıxan nömrələrlə doludur, çünki qıza səni tanımaq üçün vaxt vermədin. Belə tanışlıqlar nadir olduğu üçün qız bunu ya super hədiyyə və qismət kimi yozacaq, ya da özünü ucuz bir fahişə olaraq görüb sizi əngəlləyəcək.

Küçə rəddlərinin çoxu tipindən və geyimindən qaynaqlanmır. Enerjin və qızın əhval ruhiyyəsi və xarakteri ilə əlaqəlidir. Yəni yüksək risq və yüksək qazanc strategiyasından istifadə edirsənsə bunlar normaldır.

Küçə oyununda hər gün praktika edərək bacarıqlarını inkişaf etdirməyin lazımlıdır. Hər gün 5 - 7 set (set -yəni, yaxınlaşmaq) isinmə setidir. Yəni sosial danışıq rejiminə girmək üçün. Bunlar set sayılmır. İlk 500 - 1000 setin təcrübə üçündür. Yavaş - yavaş öyrənəcəksən.

Bəli gəldik əsas məsələyə. Mənə sual verdiyini eşidən kimiyəm. Sanki deyirsən ki, yaxşı bəs qadını necə dayandıracağam, nə deyəcəyəm, hansı sözlərdən istifadə edəcəyəm? Hamısını gələn məqalələrdə yazacam.