BAZMAN.AZ - Kasanova

EYBƏCƏR CASANOVANI QADINLAR NİYƏ ÇOX SEVİRDİLƏR?

Salam, əziz Bazman.az izləyiciləri.
Bu günkü məqaləmdə sizə çoxlarının anlamadığı, amma tarix boyu qadınları valeh edən bir sualın cavabını təqdim edəcəyəm: Qadınlar eybəcər və kasıb bir kişi olan Casanovaya niyə bu qədər heyran idilər?

Axı bizə illərlə deyilib ki, qadınlar yalnız yaraşıqlı və varlı kişiləri istəyirlər. Bəs niyə Casanova, nə yaraşıqlı, nə də varlı biri olmasına baxmayaraq yüzlərlə, hətta minlərlə qadının ürəyini fəth edə bilib.

Bu yazıda Casanovanın qadınlara necə təsir etdiyini, cəlbediciliyi necə qurduğunu və ən əsası, qadınların duyğularına necə toxunduğunu bütün detalları ilə araşdıracağıq.
Əgər sən də qadınlarla münasibətlərdə uğur qazanmaq istəyirsənsə, bu yazı tam sənlikdir.

Bu yazı, eybəcər, yaraşıqsız və pulsuz kişilər üçün bir nümunədir. Casanova heç də zəngin və ya çox yaraşıqlı bir kişi deyildi. O, sadə, təvazökar və adət üzrə yaraşıqlılıq meyarlarına uyğun olmayan bir kişi idi. Amma buna baxmayaraq, qadınları özünə aşiq etməkdə çox ustalıq nümayiş etdirib. Bunun əsas səbəbi onun flört etmə bacarıqları, emosional zəkası və qadınların daxili dünyasına toxunma qabiliyyətidir.

Bu yazı həm də redpillçi düşüncəsindən olan kişilərə bir cavabdır. Onlar qadınları fahişə, qudurmuş və nəzarət altına alınmalı varlıqlar kimi göstərir. Bu düşüncələrin hamısı tamamilə səhvdir. Qadınlar da insandır və onların da öz istəkləri, hissləri və duyğuları var. Redpillçilərin qadınlara qarşı sərt və mənfi yanaşmalarına qarşı sərt tənqidimi irəli sürürəm. Qadınlar, heç vaxt bir "obyekt" deyillər. Onlar həm də bir insan, bir şəxsiyyət və özünə hörmət tələb edən varlıqlardır.

Casanova da rədd cavabları alırdı və Uğur məğlubiyyətin övladıdır.

Çoxları Casanovanı yalnız böyük qadın ovçusu kimi tanıyır. Amma çox az adam bilir ki, Casanova da yolun əvvəlində saysız-hesabsız qadınlardan rədd cavabı almışdı. O, heç zaman doğuşdan yaraşıqlı, cəlbedici və müqəddəs bir flört ustası deyildi. Əksinə, Casanova həyatının ilk illərində çox sayda uğursuzluq, rədd edilmə və təcrübəsizlik yaşadı.

Amma fərq nədə idi?
Casanova hər bir rədd cavabını bir dərs kimi qəbul edirdi. O, ruhdan düşmürdü, qadınlara qarşı kin və nifrət bəsləmirdi. Əksinə, o özünə sual verdi:

"Mən nəyi səhv edirəm?"
"Qadınlar nə istəyir?"
"Mən onları necə xoşbəxt edə bilərəm?"

Bu suallar Casanovanın içində bir od yandırırdı. O, qadın psixologiyasını, emosiyaların incəliklərini, söhbətin tonunu, bədən dilini, yumorun gücünü və qadının qəlbinə gedən yolları illərlə öyrəndi. Casanova özünü dəyişdirdi, formalaşdırdı və inkişaf etdirdi. Onun məqsədi həm bir gecəlik münasibətlər yaşamaq, həm də uzun müddətli münasibətlərində qadınların ruhuna toxuna biləcək bir kişi olmaq idi.

Bu gün bir çox kişi ilk rədd cavabından sonra ümidsizliyə qapılır, ya da qadınlara nifrət etməyə başlayır. Xüsusilə də redpill ideologiyasının zəhəri altında bəzi kişilər qadınlara qarşı qəzəb, nifrət və ümidsizlik dolu münasibət bəsləyirlər. Onlar qadınları fahişə, qudurmuş, öz mənfəətlərini güdən adlandırırlar. Halbuki, problem qadınlarda deyil, özünü inkişaf etdirməkdən imtina edən kişilərdədir.

Bugünkü cəmiyyətimizdə, xüsusilə sosial mediada, "redpill" anlayışını çox yanlış başa düşən və bu fəlsəfəni qadınlara qarşı nifrət və qəzəb püskürmək üçün bir vasitəyə çevirən kifayət qədər axmaqlar var. Bəli, bu söz sərtdir. Amma bu adamlara başqa nə demək olar? Hər cür qadını "fahişə", "qudurmuş", "eqolu" damğası ilə etiketləyən bu tip adamlar nə qadın psixologiyasından anlayırlar, nə də insan münasibətlərindən.

Əslində isə redpill fəlsəfəsi qadınlara nifrət etmək üçün yox, kişinin özünü təkmilləşdirməsi, sosial oyunu anlaması, zəif və reaktiv yox, güclü və strateji davranması üçündür. Lakin bu fəlsəfəni əxz etmək əvəzinə, bəzi zavallılar onu ətrafdakı qadınları günahlandırmaq üçün istifadə edirlər. Öz həyatında heç bir uğur qazanmayan, qadınlardan rədd cavabı alan, amma bütün gün qadınlar haqqında zəhər saçan bu tiplər nə Casanovanın incəliyini, nə də oyunun sənətini anlaya bilərlər.

Casanova qadınları alçaltmırdı, onlara dəyər verirdi. O, qadınlarla oynayırdı, amma onları dəyərsizləşdirmirdi. Onun oyunu hörmətlə, yumorla, duyğu ilə qurulmuşdu. Bu, aşağılıq kompleksini nifrətə çevirən redpillçilərin anlaya bilməyəcəyi bir səviyyədir.

Əgər Casanova ilk uğursuzluqlardan sonra qadınlardan uzaqlaşıb, tənhalığa çəkilmiş olsaydı, bugün onun adını heç kim bilməyəcəkdi.
Əksinə, Casanova həyatın sərt reallığını qəbul etdi və onu öz lehinə çevirdi.
O başa düşdü ki, qadınlarla münasibətdə oyunu bilmək mütləqdir, çünki bu, bir sənətdir.
O, uduzmaqdan qorxmadı və uduzduğu hər anı gələcək qələbəsinin bünövrəsi etdi.

Bu hekayədən çıxan dərs budur:
➡️ Hər rədd cavabı bir təcrübədir.
➡️ Hər uğursuzluq, uğura gedən yolun başlanğıcıdır.
➡️ İnkişaf etməyən kişi, qadınlar tərəfindən rədd edilməyə məhkumdur.
➡️ Qadınlara təsir etmək istəyən kişi, əvvəlcə oyunu öyrənməlidir.

Sən də bacararsan.

Sadəcə ruhdan düşmə.

İrəlilə, öyrən və Casanova kimi peşəkar bir bazmenə çevril.

CASANOVA KİMDİR?

Giacomo Girolamo Casanova, 1725-ci ilin 2 aprelində Venesiyada dünyaya gəlib. O, yalnız qadınlarla olan münasibətləri ilə deyil, həm də yazıçı, filosof və macəraçı kimi də tanınır. Casanova xarici görünüşü ilə heç də gözə çarpan biri deyildi. Hətta onun görünüşü çox vaxt eybəcər və təvazökar hesab olunurdu. Lakin buna baxmayaraq, qadınlar onu sevirdilər. Bunun səbəbi yalnız görünüşü deyil, flört etmə sənəti, güclü emosional zəkası və qadınların hisslərinə toxunma bacarığı idi.

QADINLARIN DİQQƏTİNİ CƏLB EDƏN CASANOVANIN HANSI XÜSUSİYYƏTLƏRİ İDİ?

1. Flört etmə bacarığı

Casanova flört etmə sənətinin mütəxəssisi idi. O, qadınlarla danışarkən yalnız cəzbedici sözlərdən istifadə etmirdi. Baxışları, bədən dili, səslənən şirin sözlər və zəka ilə qadınları ustalıqla tovlayırdı. Flört etməyi çox təbii və incə bir şəkildə edirdi, belə ki, Casanova oyunu qaydalarına görə oynayırdı. O, qadınların ruhunu oxumağı bacarır və onlara özünü xüsusi hiss etdirməyi bilirdi.

2. Qadınları güldürmə bacarığı

Yumor qadınların ürəyinə gedən ən güclü yoldur. Casanova qadınları güldürməyi, onları yüngülləşdirməyi və onlarla əyləncəli vaxt keçirməyi çox yaxşı bacarırdı. O, qadınların gülümsəməsini, hətta ən çətin anlarında belə onları gülməyə vadar etməyi bacarırdı. Casanova qadınları xoşbəxt etməkdə çox peşəkar idi. O, qadınları sadəcə gülməyə deyil, həm də həyatın gözəlliklərini hiss etməyə dəvət edirdi.

3. Qadınların emosiyalarına toxunma bacarığı

Casanova qadınların emosiyalarını çox yaxşı oxuya bilirdi. O, qadınların nə düşündüyünü, nə hiss etdiyini anlaya bilirdi. Onun ən böyük gücü qadınların iç dünyasına nüfuz etməkdə idi. Casanova, qadının ehtiyaclarını, arzularını və qorxularını duyur, ona özünü xüsusi hiss etdirməyi bilirdi. O, qadınlarla münasibətlərində həmişə dərin bir emosional əlaqə qururdu. Bu da qadınların ona qarşı duyduğu güclü bağlılığı artırırdı.

4. Diqqət və səmimiyyət

Casanova heç vaxt qadınlara süni davranmazdı. O, səmimi, gözəl danışıq tərzi ilə qadınları fəth edirdi. Onun diqqəti qadınların üzərində idi, o, qadınları dinləyirdi, onlara özünü əhəmiyyətli hiss etdirirdi. Casanova qadınların içindəki ən gözəl cəhətləri ortaya çıxarırdı. Həmin qadınlar ona qarşı yalnız fiziki deyil, həm də emosional bağlılıq hiss edirdilər.

Varlı zadəgan qadınları belə Casanovaya aşiq olurdular

Casanovanın cəlbediciliyi o qədər güclü idi ki, təkcə subay qadınları deyil, varlı və nüfuzlu zadəgan kişilərin həyat yoldaşlarını da özünə cəlb edirdi. Bu qadınlar zahirdə lüks içində yaşasalar da, daxildə çox vaxt emosional boşluq, diqqətsizlik və sevgi aclığı ilə mübarizə aparırdılar. Casanova isə onların bu ehtiyacını çox yaxşı anlayırdı.

O, qadınlara yalnız gözəllikləri ilə deyil, düşüncələri, hissləri, arzuları ilə maraq göstərirdi. Onları dinləyir, anlayır, ruhlarına toxunurdu. Və bu, həmin qadınların illərlə öz həyat yoldaşlarında tapa bilmədikləri bir münasibət forması idi.

Casanova qadınlara “arzulandığını”, “başqa bir kişi tərəfindən göründüyünü” hiss etdirirdi. Bu da onları emosional və seksual baxımdan sürətlə ona bağlayırdı. Beləcə, sosial mövqeyindən, ailə statusundan və risklərdən asılı olmayaraq, qadınlar Casanovanın cazibəsinin sehrindən xilas ola bilmirdilər.

Redpillçilər qadınlara qarşı çox qarışıq və mənfi bir baxışla yanaşırlar. Onlar qadınları yalnız bir cinsi obyekt kimi qəbul edir, onların duyğularını və ehtiyaclarını görməzdən gəlirlər. Bu yanaşma yalnız qaranlıq və həqiqətə uyğun olmayan fikirlərdən ibarətdir.

Qadınları qudurmuş, var-dövlət hərisi varlıqlar kimi göstərmək, kişilər və qadınlar arasında daha da böyük uçurumlar yaradır. Bu, cəmiyyətin əsasını zədələyir. Həqiqətdə qadınlar da insanlar kimi öz hüquqları və arzuları olan varlıqlardır. Qadınların ehtiyaclarını, arzularını anlamadan, onlara qarşı bu cür rəftar etmək qadınların bu tip kişilərlə münasibətdən uzaq olmasına səbəb olacaq.

Əsl cazibə yaraşıqda və ya var-dövlətlə deyil, daxili xüsusiyyətlərdədir. Casanova da göstərdi ki, bir kişi qadınları yalnız xarici görünüş və maddi vəziyyətlə deyil, həm də ruhla, zəka ilə və ona necə yanaşdığını göstərərək fəth edə bilər. Mən çox kişilər tanıyıram ki, nə yaraşıqları var, nə də böyük bir sərvətləri. Amma onlar qadınları öz ustalıqları ilə, flört etmə bacarıqları və emosional zəkaları ilə tovlayırlar. Bu kişilər özlərini olduğu kimi qəbul edirlər, qadınları dəyərli və xüsusi hiss etdirirlər.

Qadınları flört etmə sənətinə yiyələnməklə, emosiyalarına toxunmaqla, gülməyə vadar etməklə və səmimiyyətlə əldə etmək mümkündür. Redpillçi düşüncə isə yalnız zərərli və yalanlarla doludur. Kişilər, qadınlarla münasibətlərində yaraşığa və pula söykənmədən daha dərin, əsl əlaqə qurmalıdırlar.

AZƏRBAYCANDA QADINLARI PULLA YOX, OYUNLA FƏTH EDƏN KİŞİLƏR ÇOXDUR

Redpillçilər hər zaman iddia edirlər ki, qadınlar yalnız pula, var-dövlətə və yaraşıqlı kişilərə meyl edirlər. Amma bu düşüncə çox dar, həyatdan uzaq və reallıqla uzlaşmayan bir fikir sistemidir. Azərbaycanda saysız-hesabsız kişi var ki, nə lüks həyatı var, nə də model görkəmi. Amma bu kişilər qadınları ustalıqla özlərinə cəlb edə bilirlər. Necə? Çünki oyunu bacarırlar.

Bu kişilərin sirri nədir?

Bu kişilər qadın psixologiyasını yaxşı anlayırlar. Onlar qadınların nəyə reaksiya verdiyini, nəyi sevdiyini və necə hiss etdiyini bilirlər. Bu kişilər:

Flört etməyi bacarırlar. Sözləri ilə qadını cəlb edir, onu güldürür, maraqda saxlayırlar. Flört edərkən nə çox, nə də az danışırlar. Lazım olan yerdə çəkilirlər, doğru anda yaxınlaşırlar.
Qadınları güldürürlər. Yumor hissləri güclüdür. Qadını güldürmək, onun içindəki uşağı oyatmaq deməkdir. Qadın bir kişi ilə güldükcə, onunla bağ qurur. O kişi onun üçün daha maraqlı və dəyərli olur.
Emosiyalara toxunurlar. Onlar qadınla danışarkən onu "dinləyirlər", "başa düşürlər", qadının içində gizlənmiş hissləri oyadırlar. Hətta bəzən qadın özü belə bilmədən o kişiyə bağlanır.
Səmimidirlər. Rol oynamırlar. Özlərini başqa biri kimi göstərmirlər. Olduqları kimi görünürlər və bu, qadınlar üçün çox cəlbedici görünür.
Özlərinə inamları var. Onlar bilirlər ki, qadının diqqətini çəkmək üçün mütləq yaraşıqlı olmağa ehtiyac yoxdur. Özlərinə və bacarıqlarına güvənirlər. Özlərinə həddindən artıq güvənirlər və buna irrasional özünəinam deyilir.

Onlar "oyunu" bilir

Bu kişilər qadınlarla münasibətləri bir strategiya kimi qururlar. Onlar yaxşı bilirlər ki, qadını bircə görüşlə cəlb etmək mümkün deyil və bu, müəyyən bir proses tələb edir. Duyğularla oynamağı bacarırlar. Onlar qadına özünü xüsusi hiss etdirirlər, onu güldürürlər, bəzən lağla, bəzən sevgi dolu zarafatlarla onun emosional yaddaşına toxunurlar.

Qadın bu kişilərlə görüşdükcə, özünü açır, rahat hiss edir və bu kişiyə emosional olaraq bağlanır. Bu bağ fiziki cazibədən də, puldan da, geyimdən də güclüdür.

Bu cür kişilər Azərbaycanda az deyil. Onlar sübut edirlər ki, qadınların diqqətini cəlb etmək üçün mütləq varlı və yaraşıqlı olmaq lazım deyil. Yetər ki, sən qadını hiss etməyi, anlamağı və onunla emosional bağ qurmağı bacarasan. Bu, əsl kişilik və cazibədir.

Qadınları güldürmə bacarığı, Seksuallığa açılan gizli bir qapıdır

Yumor qadınların ürəyinə gedən ən qısa və ən dərin yoldur. Bu, sadəcə zarafat edib qadını güldürmək deyil, bu, onun ruhuna toxunmaqdır. Əsl kişi qadını güldürməklə onun içindəki qorxuları, narahatlıqları, stressi bir anlıq da olsa əridir. Qadın o anda "təhlükəsizlikdəyəm", "anlaşılıram", "özüm ola bilərəm" siqnallarını alır. Onun zehnində və ruhunda rahatlıq, azadlıq və yaşamaq həvəsi canlanır.

Qadınlar günümüzdə həyatın gətirdiyi gündəlik xaos, ailə təzyiqləri, cəmiyyətin sərt gözləntiləri və məsuliyyət dağları altında tez-tez emosional yüklənmə yaşayırlar. Bu yüklənmə zamanla onları depressiyaya, özlərinə qarşı laqeydliyə, hətta bədənlərindən və qadınlıqlarından uzaqlaşmağa sürükləyir.

Amma belə bir məqamda qarşılarına çıxan bir kişi, onu güldürməyi bacaran, zehni yüngülləşdirən, incə zarafatlarla içindəki uşağı oyadan, səmimi və rahat bir atmosfer yaradan bir kişi, qadın üçün bir nəfəs, bir azadlıq, bir psixoloji sığınacaq deməkdir. Bu kişi qadının daxilində bəlkə də illərlə toxunulmayan emosional düyməni basır.

Bu zaman qadın necə reaksiya verir?

Qadın belə bir kişiyə qarşı sürətli şəkildə açılır. Çünki artıq qorxmadan, müdafiəyə keçmədən, maska taxmadan davranmağa başlayır. Bu rahatlıq isə qadını emosional və bəzən də seksual yaxınlığa hazır vəziyyətə gətirir. Çünki qadın üçün seks yalnız fiziki yaxınlıq deyil və bu, etibar, təhlükəsizlik və bağlılıq deməkdir.

Bu nöqtədə qadın o kişiyə bağlanır, çünki həmin kişi onun içindəki uşaq kimi həssas, qırılqan və eyni zamanda şıltaq və ehtiraslı tərəfi oyadır. Həmin qadın bu kişiylə təhlükəsizliyi, gülüşü və öz olma haqqını bir yerdə yaşayır. Bu isə qadını həm ruhən, həm də bədənən ona yaxınlaşdırır.

Yumorun gücü

Qadını güldürmək mütləq və vacibdir, çünki onu güldürməyi bacaran kişi, qadının içindəki qaranlıqlara işıq salan kişidir. Belə bir kişi qadına yalnız gülüş deyil, həm də yaşamaq sevinci, qadınlıq enerjisi və toxunulma istəyi gətirir. Bu toxunma bəzən bir baxışda, bəzən səmimi bir söhbətdə, amma çox zaman təmasda, seksual və emosional yaxınlıqda özünü göstərir.

Yaraşıq və pul bəlkə diqqət çəkə bilər. Amma bu, bəzi var-dövlət ovçusu qadınların diqqətini çəkəcəkdir və səndən hərif kimi istifadə etmələrinə səbəb olacaqdır. Qadının qəlbini açan, onu rahatladan, güldürən kişi, qadının əsl istəyinə toxunur, hiss olunmaq və hiss etdirmək ehtiyacına.

Casanovadan Dərslər: Rədd Cavabından Ustalığa

Qadınlardan rədd cavabı aldınsa nə etməlisən?

🔹 1. Rədd cavabını şəxsən qəbul etmə
Bir qadının səni istəməməsi sənin dəyərsiz olduğun mənasına gəlmir. Onun ruh halı, təcrübələri, o anki həyatı və minlərlə faktor var. Özünü lənətləmə! Sadəcə öyrən və irəlilə. Hər rəddedilmə sənin üçün bir təcrübədir.

🔹 2. Hər rədd cavabını təhlil et
Niyə uğursuz oldun? Qadınla ünsiyyətə necə başladın? Bədən dilin necə idi? Zarafatların vaxtında idimi? Qadınla göz təması qura bilirdin? Özünə sual ver və cavab axtar. Rədd cavabı, sənə pulsuz dərs verir. Hər qadından rədd cavabı alırsansa, kitablarımızı oxuyub seks həyatını canlı saxlaya bilərsən.

🔹 3. Emosiyalarına hakim ol
Redpillçilər kimi qadınlara nifrət qusmaq, sənə heç bir fayda verməz. Əsl kişi başa düşür: heç bir qadın mənə seks borclu deyil, bütün qadınlar tərəfindən rədd edilirsənsə, bu, özünü inkişaf etdirməməyin nəticəsidir. Öz emosiyalarına liderlik et. Bir qadın sənə rədd cavabı verdikdə, qadına qəzəblənmək, fiziki xəsarət yetirmək və ya qəmlənib depressiyaya düşmək olmaz və bu cür hərəkətlər uduzan kişi hərəkətləridir.

🔹 4. Qürurla davam et
Casanova rədd cavablarını üzərində daşısaydı, heç kim onu tanımazdı. O uğursuzluqları çiynində deyil, ayaqları altında pillə kimi istifadə etdi. Sən də et!

Flört Sənətini Necə Öyrənmək Olar?

🔹 1. Qadın emosiyalarını öyrən
Qadınlar sadəcə sözə deyil, hissə reaksiya verirlər. Sözlərin ruhuna toxunmalıdır. Zarafatların, komplimentlərin və danışığın bir məqsədi olmalıdır: Onun qəlbinə toxunmaq və hisslərini oyatmaq.

🔹 2. Yumor ustası ol
Gözəl zarafatlar, vəziyyətə uyğun yumor qadını sənin yanına çəkir. Çünki qadınlar həyatın çətinliklərindən yorulurlar və onları güldürən kişi qadınlar üçün azadlıq qapısı olur.

🔹 3. Oyunu öyrən
Flört sənəti bir oyun kimidir, amma bu oyun qadını manipulyasiya etmək deyil. Hər kim oyuna manipulasiya kimi baxırsa, onlar fırıldaqçılardır və belə adamlara aldanma. Oyunun məqsədi qadına özünü gözəl hiss etdirməkdir, ona yalan satmaq yox.

🔹 4. Bədən dilinə diqqət yetir
Sözlərin nə qədər gözəl olsa da, bədən dilinlə uyğun deyilsə, qadın səni dərhal hiss edir. Baxışların, səs tonun, duruşun sözlərindən daha güclü təsir edir.

🔹 5. Öz həyatını maraqlı et
Yalnız flört texnikalarını öyrənmək yetərli deyil. Öz həyatını maraqlı et və hobbilərin olsun, məqsədlərin olsun. Qadınlar öz enerjisi olan, öz həyatından zövq alan kişilərə daha sürətli aşiq olurlar.

Azərbaycan Reallığı: Pul və Yaraşıq Olmadan Ustalıq

Azərbaycan reallığında da bunu çox aydın görürük. Nə yaraşığı var, nə pulu, amma qadınları ətrafına toplayan çox kişi var.
Bəs necə?
Çünki bu kişilər:
➡️ Qadınları güldürməyi bacarır
➡️ Emosiyalara toxunur
➡️ Söhbəti maraqlı edir
➡️ Oyunu bacarıqla və incəliklə oynayır

Onlar qadınlara "Mən varlıyam" demirlər. Bu tip kişilər qadınları əyləncəli şəkildə tovlamağı bacarırlar.
"Mənimlə həyat daha maraqlıdır. Mən sənə yaxşı emosiyalar yaşada bilərəm."
Və qadınlar da məhz belə kişilərlə bağ qurur, aşiq olur və bəzən çox sürətli şəkildə seksual yaxınlığa açılırlar.

Qadının Qəlbinə Toxunmaq üçün 10 Sirr

✨ 1. Onu dinlə və həqiqətən maraqlan
Kişilərin çoxu qulaqsızdırlar, çünki qadınla ünsiyyət qurarkən dinləməyi bacarmırlar. Sadəcə qulaq asmaq və diqqətinin dağınıq olması qadının sənə olan marağını öldürə bilər. Qadını dinlə və ara-bir sual ver, gözünlə təsdiqlə.

✨ 2. Gözlərinə baxaraq danış
Baxışların qadının ruhuna toxuna bilər. Səmimi, dərin və qorxmayan baxışlar cəlbediciliyin açarıdır. Qadınla danışan zaman onun gözlərinin içinə bax, bu, qadında seksual istəyi oyadır və qadın səndən təsirlənir.

✨ 3. Dərhal kompliment etmə, doğru anı gözlə
Tez-tez süni təriflər etməyin qadını səndən soyudacaq. Əsl səmimi anda, ruhdan gələn kompliment qadını əridir.

✨ 4. Ona özünü qadın kimi hiss etdir
Sadə jestlərlə qapı açmaq, çantaya kömək etmək kimi hərəkətlərlə qadına incəliyini hiss etdir.

✨ 5. Onun emosiyalarını izləməyə öyrəş
Qadının bədən dili və ifadələri sənə hər şeyi deyir. Yalnız sözlərinə deyil, emosiyalarına diqqət et.

✨ 6. Yumorla stressini azalt
Əgər qadın gərgindirsə, gülməli bir söhbətlə onun əhvalını dəyişdir. Gülüş, qadını sənə daha da yaxınlaşdıracaq.

✨ 7. Öz ehtiraslarını paylaş
Həyatdakı arzuların, maraq sahələrin haqda danış. Öz ehtiraslı mövzun varsa, qadın da sənə bağlanacaq.

✨ 8. Söhbəti dərindən apar
Səthi söhbətlərdən qaç. Xəyallar, duyğular və həyat məqsədləri haqda danışmaq qadınla dərin bağ qurur.

✨ 9. Onu olduğu kimi qəbul et
Qadını dəyişdirməyə çalışma. Onun mövcud halını qiymətləndirən kişi, qadının içindəki bütün gözəllikləri oyadır.

✨ 10. Öz enerji səviyyəni qoruyub saxla
Daxili enerjin yüksəkdirsə, qadın sənin yanına çəkilir. Depressiv, yorğun kişi isə qadını emosional olaraq öldürür.

Ümid edirəm ki, bu yazı sizə yalnız qadınlarla münasibətlərdə deyil, ümumiyyətlə özünüzü inkişaf etdirməkdə bir yol göstəricisi olar. Qoy həyatınızda Casanova kimi emosional ağıllı, özünəinamlı və cəlbedici biri olma yolunda irəliləyəsiniz. Qadınların diqqətini çəkən, onları xoşbəxt edən və özünüz də bu prosesdən həzz alan bir kişi olmağı bacarasınız. Uğurlar və unutmayın: həqiqi cəlbedicilik, görünüşdə və yaraşıqlılıqda yox, oyunun ustalığında və insanı anlama bacarığındadır.

Hər bir kişi qadınlarla münasibətlərdə daha dərin anlayış qazanmağı, emosional və sosial bacarıqlarını inkişaf etdirməyi, sağlam və qarşılıqlı hörmətə əsaslanan münasibətlər quraraq, mənalı bir şəxsi həyat yaşamağı bacarmalıdır, əks halda qadınsız və sekssiz qalmağa məhkumdur, çünki qadınların meyarları yüksəkdir. Kişilər arasında rəqabət getdikcə artır və sən rəqabətdə geridə qalsan, başqası səndən önə keçərək gözəl qadınları əldə edəcək.

Sonda hər birinizə Casanova kimi qadınlar üçün arzuolunan kişi olmağı, sağlam və zəngin bir intim həyat yaşamağı, eləcə də qadınlarla ünsiyyət sənətini, yəni oyunu dərindən öyrənməyi arzulayıram.

Page updated

Google Sites

Report abuse