Nudo Gordeano

Ang karapatan ng lakas

Sa pinto ng templo ng Diyos Jupiter 

sa nayong malapit dagat na buhangin, 

silong-silong lubid doo’y ibinitin 

ng haring si Gordeo at may letrang bilin.

Ang kahi ma’t sino na makakakalag 

lubid na palagay ay magkakapalad 

na ang kalahati ng kaniyang ciudad 

ipagkakaloob niyang minarapat.

Kay Alejandro Magnong ito ay matingnan 

ninasang kalagin; sa di matutuha’y 

binunot ang tabak at ang isinaysay, 

kalagin at putlin ay isa rin lamang.

Sa kay Alejandro Magno kita ay maparis

 ng salitaan ta, kaya nga’t kung ibig 

yamang di magtama ang ating matwid 

pagkaisahan tang putulin ng kalis.

Mga Tala

Ang komedyang Nudo Gordeano ay maaaring tungkol sa tanyag na alamat ng buhol ni haring Gordeo. Walang ibang impormasyon ang makakalap hinggil sa akdang ito.