مرحـــــــبـــــــــــا بــــكـــــــــــم ^_^

نظام التدريب:

1- التدريب مقسم لأسابيع كل أسبوع هنركز على Topic معين وهنوفر Resources متعددة تذاكر منها وهينزل Problems لازم تحلها بعد ما تذاكر عشان تستفيد من التدريب وهيكون في مسابقة أسبوعية إلزامية.

ـــــــــــــــــــــــــــــــــ

2- الأسبوع بيبدأ يوم السبت الساعة 12 صباحا هتنزل الـ Materials الجديدة اللي هتذاكرها، ومسائل الأسبوع هتكون مفتوحة بداية من يوم السبت الساعة 9 صباحا لحد يوم الجمعة الساعة 9 مساء.

ـــــــــــــــــــــــــــــــــ

3- المسابقة الأسبوعية هتكون يوم الجمعة الساعة 7 مساء ومدتها 3 ساعات، مهمة جدا وجزء أساسي من التدريب مينفعش تفوتها.

ـــــــــــــــــــــــــــــــــ

4- أي تحديث جديد هينزل على الموقع في صفحة Level 2 Training'20 وهينزل بوست تنبيهي على FB Community Training Group.

ـــــــــــــــــــــــــــــــــ

5- هيكون في Sheet بيتحدث بشكل دوري فيه كل الـ Materials & Problems هيكون مرجع منظم ليك بجانب الموقع بالإضافة إنك هتسجل فيه الـ Progress بتاعك.

- هتلاقي في الشيت عمود باسمك ومتاح ليك إنك تعمل Check قدام الTutorials.

- الشيت هتلاقيه في الآخر مع شرح التعامل معاه.

ـــــــــــــــــــــــــــــــــ

6- أهم حاجة في التدريب إنك لما يقف معاك حاجة هتلاقي دايما اللي يساعدك، لما يقف معاك حاجة أو عندك أي إستفسار هتفتح FB Community Training Group وهتنزل بوست هناك فيه تفاصيل المشكلة بالنظام المحدد في نقطة رقم 7 وإن شاء الله هيتم الرد على سؤالك بسرعة.

هل الرد يقتصر على منظمي التدريب؟ لأ، لو شوفت غيرك محتاج مساعدة وتقدر تساعد متتأخرش وساعد بعلمك مهما كان محدود.

ـــــــــــــــــــــــــــــــــ

7- في نظام محدد للبوستات لو عندك مشكلة في مسألة معينة لازم تكتب رقم الأسبوع ولينك المسألة وأهم حاجة تشرح فكرت ازاي في المسألة وفكرة الحل بتاعتك والكود بتاعك يكون مرفوع على موقع http://ideone.com/ وتوضح المشكلة بالظبط.

طريقة إستخدام الموقع سهلة جدا هتدخل عليه هتلاقي مكان تحط فيه الكود بتاعك وتختار الكومبايلر -حسب اللغة- من تحت وتضغط على Run بعدين هتاخد لينك الصفحة وهو دا اللي هتحطه في البوست، ودا مثال بسيط: http://ideone.com/0u8WGp

رجاء التزم بالقوانين دي عشان اللي يقدر يساعدك ميتأخرش بسبب إنك مش حاطط الكود أو حاطه بدون أي تنسيق أو نسيت تقول اسم المسألة الخ..

ـــــــــــــــــــــــــــــــــ

8- هيكون في Hall of Fame في شيت التدريب هتتحدث باستمرار وهيكون فيها ترتيب المتدربين من حيث عدد حل المسائل من أول التدريب.

ـــــــــــــــــــــــــــــــــ

9- هنعلن نتيجة المسابقة الأسبوعية دائما على FB Page.

ـــــــــــــــــــــــــــــــــ

10- هينزل إستمارة Feedback على FB Community Training Group ومهم جدا تملأ الإستمارة دي لما تحب تقول رأيك في أي وقت عشان التدريب يكون في تحسن مستمر وتطلع بأكبر قدر ممكن من الإستفادة.

مميزات المشاركة الرسمية:

- جميع المتدربين المقبولين رسميا في التدريب هيتم إضافتهم لشيت التدريب.

- هيكون في Sessions دورية هنعلن عن مواعد بدايتها لاحقًا على الجروب المخصص للمتدربين المشاركين رسميا، والهدف من الـ Sessions هو مناقشة الـ Topics الصعبة ومشاكل المتدربين وحل السائل الصعبة على معظم المتدربين.

- هيكون في تكليفات أو تحديات خاصة للمشاركين رسميا كل فترة.

- هتستلم شهادة مشاركة رسمية في نهاية التدريب.

نرحب بجميع المشاركين بصورة غير رسمية بإمكانهم الوصول إلى كامل محتوى التدريب والمشاركة في المسابقات الأسبوعية

نظام الـ Mentorship (خاص بطلاب جامعة الأزهر فقط) :

- المتدربين المجتهدين واللي هيكون التدريب أولوية أساسية ليهم وعندهم رغبة في المشاركة في مسابقات البرمجة هيكون لهم Mentor.

- وظيفة الـ Mentor: يتابع تقدم المتدرب ويديه نصائح ويساعده في المشاكل اللي بتقابله.

- بعد فترة من بداية التدريب هيتم اختيار أكثر الأشخاص اجتهادا والتزاما والإعلان عن توزيع الـ Mentors.

- لو عايز يكون ليك Mentor لازم تجتهد أكتر وتثبت التزامك.

خطة الأسبوعين القادمين:

أول أسبوعين في تدريب المستوى الثاني هيكونوا فرصة لإتقان آخر أسبوعين في تدريب المستوى الأول لأهميتهم بداية من يوم الأحد 20/12/2020 إلى يوم الجمعة 1/1/2021 :

1- Week 11: Binary Search Algorithm

2- Week 12: Two Pointers Technique

- المطلوب من جميع المتدربين خلال الأسبوعين القادمين: حل شيتات Week 11 وWeek 12، والمشاركة في مسابقات الأسبوعين Virtually لإتقان المحتوى.

- الـ Qualification Contest أظهرت ضعف كثير من المشاركين في Topics مهمة جدا زي Binary Search وSTLs، وهي مهمة جدا وهتقابلوها في مسائل أصعب ومعقدة as a subproblem ولازم تكونوا كويسين فيها، يفضل تحلوا على المواضيع دي مسائل أكتر والمستوى الأول يعتبر مرجع كويس جدا للـ Practice.

- لو كنت من المشاركين في تدريب المستوى الأول دي فرصة ليك تخلص اللي ناقصك في آخر أسبوعين من التدريب، ولو في حاجة تانية ناقصاك مش لازم تحلها دلوقتي والأولوية لآخر أسبوعين بالمسابقات بتاعتهم.

- لو أنت مشاركتش في تدريب المستوى الأول معانا قبل كدا وعارف الـ Topics دي كويس بننصحك تحل شيتات المستوى الأول وتدخل المسابقات كلها Virtual بالتوازي وهتستفيد منها كتير.

المسابقات الأسبوعية هتبدأ من يوم الجمعة القادمة 25/12/2020 وهتكون الساعة 7 مساءً ومدتها 3 ساعات

مواضيع التدريب هتعلن بالتفصيل مع الـ Training Sheet