مرحـــــــبـــــــــــا بــــكـــــــــــم ^_^

نظام التدريب:

1- التدريب مقسم لأسابيع كل أسبوع هنركز على Topic معين وهنوفر Resources متعددة تذاكر منها وهينزل Problems لازم تحلها بعد ما تذاكر عشان تستفيد من التدريب وهيكون في مسابقة أسبوعية.

ـــــــــــــــــــــــــــــــــ

2- الأسبوع بيبدأ يوم السبت الساعة 12 صباحا (ليلة الجمعة) هتنزل الـ Materials الجديدة اللي هتذاكرها، ومسائل الأسبوع هتكون مفتوحة بداية من يوم السبت الساعة 9 صباحا لحد يوم الجمعة الساعة 9 مساء (بإمكانك تحل بعد الوقت دا لكن مش هتنافس غيرك).

ـــــــــــــــــــــــــــــــــ

3- المسابقة الأسبوعية هتكون يوم الجمعة الساعة 9 مساء ومدتها 3 ساعات، مهمة جدا وجزء أساسي من التدريب مينفعش تفوتها.

ـــــــــــــــــــــــــــــــــ

4- أي تحديث جديد هينزل على الموقع في صفحة Level 1 Training'20 وهينزل بوست تنبيهي على FB Community Training Group.

ـــــــــــــــــــــــــــــــــ

5- هيكون في Sheet بيتحدث بشكل دوري فيه كل الـ Materials & Problems هيكون مرجع منظم ليك بجانب الموقع بالإضافة إنك هتسجل فيه الـ Progress بتاعك.

- يعني لما تشوف الـ Materials لازم تحدد إنك شوفتها ولما تحل مسألة معينة لازم تكتب إنك حليتها، هتلاقي في الشيت عمود باسمك ومتاح ليك إنك تعمل Check قدام الtutorials وتكتب AC قدام المسألة لما تحلها (كل دا متوضح بالتفصيل تحت).

- الشيت هتلاقيه في الآخر مع شرح التعامل معاه.

ـــــــــــــــــــــــــــــــــ

6- أهم حاجة في التدريب إنك لما يقف معاك حاجة هتلاقي دايما اللي يساعدك، لما يقف معاك حاجة أو عندك أي إستفسار هتفتح FB Community Training Group وهتنزل بوست هناك فيه تفاصيل المشكلة بالنظام المحدد في نقطة رقم 7 وإن شاء الله هيتم الرد على سؤالك بسرعة.

هل الرد يقتصر على منظمي التدريب؟ لأ ، لو شوفت غيرك محتاج مساعدة وتقدر تساعد متتأخرش وساعد بعلمك مهما كان محدود.

ـــــــــــــــــــــــــــــــــ

7- في نظام محدد للبوستات لو عندك مشكلة في مسألة معينة لازم تكتب رقم الأسبوع ولينك المسألة والكود بتاعك يكون مرفوع على موقع http://ideone.com/ وتوضح المشكلة بالظبط.

طريقة إستخدام الموقع سهلة جدا هتدخل عليه هتلاقي مكان تحط فيه الكود بتاعك وتختار الكومبايلر -حسب اللغة- من تحت وتضغط على Run بعدين هتاخد لينك الصفحة وهو دا اللي هتحطه في البوست، ودا مثال بسيط: http://ideone.com/0u8WGp

رجاء التزم بالقوانين دي عشان اللي يقدر يساعدك ميتأخرش بسبب إنك مش حاطط الكود أو حاطه بدون أي تنسيق أو نسيت تقول اسم المسألة الخ.. ^^

ـــــــــــــــــــــــــــــــــ

8- خلال الأسبوع مش هتقدر تشوف أكواد غيرك على الموقع ومش هتقدر تشوف الـ Test cases ولما الأسبوع الجديد يبدأ الأسبوع القديم هيكون مفتوح.

لو أنت مش عارف يعني ايه Test cases مش مشكلة هتعرف كمان شوية.

ـــــــــــــــــــــــــــــــــ

9- هيكون في Hall of Fame هتتحدث أسبوعيا وهيكون فيها ترتيب المتدربين من حيث عدد حل المسائل من أول التدريب، وTop 10 هينزلوا أسبوعيا على FB Page

ـــــــــــــــــــــــــــــــــ

10- في نهاية كل أسبوع هنعلن عن بطل الأسبوع "Hero of The Week" وهوأكثر واحد حل خلال الأسبوع على FB Page.

ـــــــــــــــــــــــــــــــــ

11- هنعلن نتيجة المسابقة الأسبوعية دائما على FB Page.

ـــــــــــــــــــــــــــــــــ

12- بعد كل أسبوع هينزل إستمارة Feedback على FB Community Training Group ومهم جدا تملأ الإستمارة دي عشان التدريب يكون في تحسن مستمر وتطلع بأكبر قدر ممكن من الإستفادة.

تنبيه هام:

بنرحب بكل المتدربين من خارج جامعة الأزهر والتدريب مفتوح ليهم وهيكون ليهم مكان في Training Sheet لكن بنعتذر إنهم مش هيظهروا في النتائج الرسمية المعلنة للمسابقات وكذلك Hall of Fame لإن التدريب بيستهدف طلاب جامعة الأزهر.

عايز تكمل التدريب وتحضر الـ Sessions؟

- عشان تقدر تحضر الـ Sessions وتكمل التدريب Onsite لازم تجتهد ومتقصرش في حل المسائل المطلوبة كل أسبوع.

- لو أنت من المقبولين في التدريب وقصرت في حل المسائل الأسبوعية للأسف مش هتقدر تكمل معانا الـ Sessions وهنقولك تابعنا Online ومكانك هيروح لواحد تاني مهتم أكتر وعايز يحضر التدريب.

- لو أنت فاتك فرصة التقديم بسبب الموعد أو بسبب إكتمال العدد متقلقش هنوفر كل الـ Materials تقدر تذاكر Online وتحل المسائل كمان وتسأل على الجروب ونجاوبك، ولسه عندك فرصة كبيرة تكمل معانا Onsite وتحضر الـ Sessions لو واظبطت على حل المسائل أسبوعيا.

نظام الـ Mentorship :

- الأشخاص المجتهدين واللي هيكون التدريب أولوية أساسية ليهم وعندهم رغبة في المشاركة في مسابقات البرمجة هيكون لهم Mentor.

- وظيفة الـ Mentor: يتابع تقدم المتدرب ويديه نصائح ويساعده في المشاكل اللي بتقابله.

- الـ Mentorship هتكون بشكل رئيسي لطلاب جامعة الأزهر وقد يكون هناك بعض الإستثناءات للطلاب من الجامعات الأخرى.

- في خلال فترة من أسبوعين إلى ثلاث أسابيع من بداية التدريب هيتم إختيار أكثر الأشخاص إجتهادا وإلتزاما والإعلان عن توزيع الـ Mentors.

- لو عايز يكون ليك Mentor لازم تجتهد أكتر وتثبت إلتزامك.

لغة البرمجة الأساسية في التدريب هي "C Plus Plus".

ليه؟ لأسباب كتير جدا هنذكر بإختصار أهمها:

1- اللغة بتسمحلك بالتركيز أكتر على الـ Concepts والـ Real Problem بعيدا عن أي مفاهيم إضافية أنت مش في حاجة ليها خلال التدريب وخلال مسابقات البرمجة زي OOP.

2- اللغة أكثر سهولة وإختصارا ودا بيساعدك تركز على المشكلة اللي بتحلها أكتر وبتقدر تكتب الكود في وقت أقل لإن الكود قصير بخلاف لغات تانية زي الـ Java.

3- الـ Execution Time قليل جدا وبالتالي الC++ هي أسرع لغة برمجة مستخدمة في مسابقات البرمجة، ودائما بتساعدك تعدي من الـ Strict Time Limits بدون أكواد إضافية.

4- معظم الـ Top coders بيشاركوا في المسابقات بالـ C++

5- الـ C++ بتوفرلك إمكانية كتابة Macros ودي بتختصر عليك وقت كبير في كتابة الكود.

6- دعم Operator overloading في C++

7- معظم المصادر اللي هتتعلم منها Algorithms وData Structure خصوصا للـ Competitive Programming هتكون بتطبق بالـ C++

هل دي هتمثل مشكلة لو أنت متعلمتش C++ قبل كدا؟ لأ

لو أنت عارف مفاهيم البرمجة وطبقت عليها بلغة برمجة قبل كدا مش هتتعب خالص عشان تتعود على C++

هل مطلوب منك تروح تذاكر C++ قبل بداية التدريب؟ لأ

هنوفرلك كل حاجة لازمة عشان تنتقل من لغة البرمجة اللي أنت عارفها لـ C++ بسهولة إن شاء الله.

مش عايز تتعلم C++ وتكمل بلغة البرمجة اللي أنت عارفها؟

أكيد محدش هيقدر يمنعك لكن الـ Resources اللي هنوفرها خلال التدريب هتكون بلغة C++ وكذلك الدعم لو عندك مشكلة في كود بلغة البرمجة اللي أنت شغال بيها ممكن منقدرش نساعدك، وممكن يقابلك TLE كتير ودا معناه إن الكود اللي أنت كتبته بطيء بسبب لغة البرمجة ودي مشكلة برضو هتقابلها كتير خلال التدريب لو مش شغال بـ C++ لإننا بنركز على الـ Efficiency جدا.

لو أنت مش عارف لغة برمجة خالص؟

التدريب بيستهدف ناس عارفة لغة برمجة مسبقا فهتتعب كتير على ما تذاكر برمجة الأول بعدين تلحقنا في التدريب بس لو عندك همة وإصرار ابدأ بدري ومتتأخرش، وبنرشحلك تبدأ بالفيديوهات دي:

https://www.youtube.com/playlist?list=PLo1VWnstV9WmYQZ4kKXdBhA2t-WwOYroP

نصيحة هامة جدا: لو مهتم إنك تشارك في مسابقات البرمجة متفكرش تكمل في التدريب بأي لغة برمجة غير الـ C++