Loĝantino de Vroclavo (ekde 2013), la urbo en kiu ŝi trovis novajn amikojn, interesajn defiojn kaj multajn eblecojn. Ŝi fascinita per japana poezio – hajko (priskribanta la mondon plej mallonge sed samtempe komplete en 17 silaboj), per formo cinquain (22 silaba) kaj hajgo („prezentanta la momenton kvazaŭ fermitan en obturilo de fotoaparato, kompletigita per poezia miniaturo). Ŝiaj verkoj estis publikigitaj en individuaj volumetoj de versaĵoj sub la titoloj: „Vitraloj de revoj” kaj ”Kaŝrido de l’sorto” (kun aldonita disko „Vroclavo en mia hajko” kun versaĵoj hajko priskribantaj lokojn, kiuj estas proksimaj al ŝia koro). Versaĵoj de la aŭtorino estas aperigitaj ankaŭ en antologioj de poezio sub la titoloj: „Pasas la jarsezonoj”, „En spegulo de ĝardeno” (en la lingvoj pola kaj esperanta), „Ni ĉirkaŭu la ĝardenojn per japana poezio hajko” (en la lingvoj pola kaj angla), kaj ankaŭ „Koloroj de l’espero” (en la lingvoj pola kaj esperanta).

Carsten Schnathorst (Kaŝi) estas nevidanta muzikisto, komponisto, kanzonisto kaj esperantisto. Li devenas de Osnabrück kaj loĝas en Hamburgo. Tie li ludas en la ensemblo The Living Music Box. Carsten kantas kaj ludas pianon. Lia repertuaro enhavas liajn proprajn kantojn kaj kanzonojn bone konatajn en la tuta mondo. Li ofte diras, ke li amas Pollandon. Liaj koncertoj havas ĉiam neripeteblan atmosferon – estas plenaj de diversaj emocioj kaj de vivĝojo.

Ŝajne, en frua infanaĝo, mi ne disiĝis de la plumo aŭ krajono. Ĝi estis mia plej ŝatata "ludilo". Sed mi ne fariĝis poetino aŭ verkistino ... Kaj tio estas bona. Mi preferas legi; Mi havas multajn amatajn verkistojn kaj poetojn. En la aĝo de dek unu jaroj, mi komencis subaŭskulti mian pli aĝan fraton kaj provi ludi akordionon hejme. Ĝi rezultis esti tre facila por mi, kaj mi amas ĉi tiun instrumenton ĝis hodiaŭ. Sed mi ne fariĝis muzikistino ... Kaj tio estas bona. Mi ne amis la muziknotojn kaj mi probable laciĝus pri ili. Mi preferas iri al koncertoj kaj admiri la profesiulojn. Estis same pri kantado. Mi volonte kaj probable bone kantis en korusoj, voĉaj grupoj kaj ĉe geedziĝfestoj kompreneble! Kaj ... mi ne fariĝis kantistino aŭ kanzonistino. Bone ankaŭ. Sed mi ĝojas, ke mia profesia laboro kaj interesoj ĉiam rilatis al verkado, muziko kaj kantado. Mi loĝas en Ŝtetino ekde kvindek jaroj. Mi ĉiam sciis pri Esperanto, sed nur ĉi tie mi renkontis esperantistojn. Post miaj interesaj vivaventuroj kun la rusa, germana, angla, dana kaj... signolingvo, mi lernas alian lingvon. Ĝi estas malsama disde ĉiuj aliaj lingvoj en la mondo !!!! Eble mi esperantistiĝos? ...

Denaska vroclavanino. Ŝi studis ĉe la Universitato de Ekonomiko. Ŝi laboris en la fervojoj en Vroclavo kaj en Varsovio, dividante sian vivon dum multaj jaroj inter ĉi tiuj du urboj.

Ŝi estas malfermita al homoj kaj al novaj defioj, amas vivon, vojaĝojn kaj montaran migradon. Ŝi interesiĝas pri kaj klasika kaj popolmuziko kaj amis ĵazon kaj dancon. Ludante per aktorado, Grażyna rolas sur la scenejoj de teatroj kaj en artaj grupoj en la Universitato de Tria Aĝo en Ekonomika Universitato de Vroclavo. Ŝi estas poliglotino - plezure lernas multajn fremdajn lingvojn, inkluzive Esperanton.